يا جماعة عايز مستعدة فى 307

[shalaty]

انا بقابل اغرب موقف فى حياتى انا كنت هاشترى 307 xt مانويل اكثر من 4 مرات و كل مرة اكشف عليها و اكون هسجلها صاحب العربيه يرجع فى كلاموا و ميبعش لدرجة ان انا قفلت من العربية و فعلن مش لقى سبب للبيحصل طبعا الحمدلله على كل شىء بس انا عايز اسئل لو فكرت فى اتوماتيك المشاكل الهتئبلنى كبيرة يعنى ابعد عن الاتوماتيك خالص ولا العيب فى دماغ الناس زى ما معظم الناس بتقول ؟؟

[Thebutcherr]

ولا اي مشاكل مجدش اشتكي كل فين و فين لما حساس مثلا يعمل مشكلة توكل علي الله

[saddam]

صديقي المواطن
غالب ظني أن البائع بصورة عامة مببحبش كثر الكلام ومبيحبش المكالمات الكتير وقولا واحدا بيكره أي حد يقول له نروح نكشف عليها في توكيل أو أماكن كشف ولكن في ناس بتروح وهو مثلا وإنت بتخلص حد كلمه ودفعله مثلا ألفين جنيه زيادة فحيبيعك وحيبيع القضية معاها والصح عربية تعجبك تديه عربون 500 جنيه وتثبتها فب عقد إبتدائي ويبصم عليه مش بس يمضي أنا ماشي والبصامة معايه دايما وأخليه يحط شرط جزائي لو مكملش البيعة يدفع 10 آلاف شرط جزائي بدل ال 500 العربون دي
وبالنسبة للأوتوماتيك فمفيش منه أي مشاكل واﻷوتوماتيك معروف زيوت غالية وفلتر كل 40 ألف مش حيقول حاجة 10 سنين زيوت وسط ورخيصة كل 5 سنين حيحتاج عمره

وبالتوفيق وإلى اﻷمام ومن نصر إلى نصر
ودمتم للنضال

[eleanor]

علشان المانيوال مختلف خالص فى السحب وعربيه جميله جدا واعطالها شبه ضعيفه
اما الاوتوماتيك بيحتاج معامله خاصه وصيانه وللاسف اغلبيه الشعب مش بيهتم بالصيانه دى فالفتيس بيبوظ منهم وبيقفلو من العربيه وبيبعوها
لكن لو واحد نضيفه وفتيسها سليم وهاتحافظ على صيانتها يبقى الاوتوماتيك مافيش منه مشاكل
وربنا يوفقك ان شاء الله

[Ahmed Amin]

زي ما أستاذ صدام قال ممكن لو أخدتها أكتر من مرة تكشف عليها دا بيزهق البايع,,

الحاجة التانية أن البيجو عموماً لو حالتها نضيفة, أو أي عربية غالية علي صاحبها,,
ساعة البيع لو بيبيع عشان يغير أو عنده ظروف ممكن تصعب عليه العربية وذكرياته معاها ويصرف نظر عن البيع’’

يعني أحنا قبل كدا أشترينا عربيتين بيجو لنا قرايبنا, واحدة 505 والتانية 307
وبعد ما أشترينا وسجلنا العربيتين, كان بيتصل علينا الناس اللي باعولنا ويطلبو لو نبيع لهم العربية تاني,,!!

الموضوع ممكن يكون عاطفي أكتر من أنك تشك إن العربية فيها عيب,,
لأن لو فيها عيب هيبيع علي طول عشان يخلص منها,,


وبالنسبة للفتيس الأوتوماتيك هوا مش هيبقي فيه مشكلة لو أتعمله تغير الزيت في معادة,, والصيانة اللي محتاجها في وقتها لو طلب صيانة,,
لأن فيه عربيات 307 و 406 معديين ال 200 و 300 ألف كيلو ومفهمش مشاكل في الفتيس,,
غير كدا الأهمال في أي عربية بغض النظر عن نوعها وبلد المنشأ هتعمل مشاكل,,

أهم حاجة في بحثك تدور علي حالة العربية وتكون عربية أسرة ومش عاملة كيلو متر علي قد ما تقدر,,
وبالتوفيق في رحلة بحثك