إعـــــــلان

Collapse

.

,
See more
See less

تقرير استلام 301 مانوال

Collapse
X
 
  • Filter
  • الوقت
  • Show
Clear All
new posts

  • تقرير استلام 301 مانوال

    بسم الله الرحمن الرحيم الاجابه تونس:d
    ابدا الاول من الحجز :مبدئيا انا كنت حاجز يوم 30/9 مانوال فيراني والحمد لله استلمت نفس اللون .عربيتي جت بعد اسابيع علي يوم 23/9 وانا الي اتاخرت علي مارحت استلمها رحت يوم السبت 1/11
    انا من كفر الشيخ سافرت يوم السبت وصلت التوكيل الساعه 2 الضهر اول ماوصلت اخدوا العربيه وفكوا اللزق الابيض وغسلوها وركبوا الطاسات وشيكوا عليها ميه وزيوت وكاوتشات ودخلت خلصت الاجراءات مغيبتش اكتر من ربع ساعه واستلمت العربيه بالمحضر طبعا كل حاجه فيه استلمتها مع المحضر وطلع ا.محمد شرحلي العربيه وطلبت منه يشيك عليها تاني عشان مسافر 150 كيلو لكفر الشيخ خلصت وقعدت في العربيه انا وصحبي كان معايا وجربنا كل حاجه قبل مانمشي من دهان ل كهربا للفرش والطابلوه والتسجيل والعداد كان 3كم واتوكلنا ع الله خرجت من التوكيل طبعا ا .محمد قالي متعديش 100 وار بي ام ميعديش 3 اول انطباع وانا سايق وبتحرك من هناك طبيعي ابقي خايف ان حد يلمسني ويحكها اي حكه عشان الفال المهم اتوكلت ع الله كنت عاوز ارجع من صلاح سالم واطلع الدائري وانزل الزراعي فضلت ماشي ادور ع يوترن ملقشت :d
    دخلت بقي غصب واقتدار نفق الازهر لقيت نفسي في العتبه خرجت من طلعت حرب كان زحمه جدا دخلت ع التحرير طبعا مش هقول اني قعدت ساعتين الاربع من لحظه خروجي من التوكيل لحد خرجت من التحرير :d اديني قلت
    خرجت من وسط البلد لحد شبرا ومسكت الطريق الزراعي ودي اول تجربه مع السحب
    بصراحه شديده والله من غير مبالغه سحب العربيه رووووووعه وخصوصا اني مقرصتش ع البنزين العربيه كمان سحب التالت بتاعها عالي اوي ولاحظته اكتر في مطالع الكباري فضلت ماشي ع 90 السحب روعه والغرز كمان بحس انها سهله اوي وسلسه والفرامل بتستجيب بسرعه اوي تقريبا لو مطب بعد 100 م بحتاج في حدود 7 ثواني ع حسب تقديري
    المهم شغلت التكييف كمان ع 2 وكملت بسرعه 90 وثبات كويس جدا وعفشه ممتاااااااااازة مكنتش بحس بالنقر الي في الطريق الكوتش طبعا كان 28
    نزلت مول العابد عشان نتغدي وحصلت فقره دخلت ركنت العربيه وطفيتها وجيت اخرج المفتاح من الكونتكت مرضاش يخرج ابدا ياسيدي يهديك يرضيك اخرج نشف دماغه وحلف ابدا مبقتش عارف هو علق في الكونتكت ولا حصل ايه قلت اشغل واطفي تاني بردو مخرجش اديت حاره وحاولت تاني مفيش فايده افتكرت المفتاح ممكن يكون في زرار ادور مفيش طب اوبشن مثلا :d بردو مفيش قلت الكمبيوتر فيه حاجه طب افصل كهربة العربيه ولا اعمل ايه شغلت مرتين وقفلت وانا بقفل خرج معايا طبيعي قلت لصحبي اول كلمه العربيه دي مش مفهومه تيجي نرجعها بقي :d
    اكتشفت ان سكينه المفتاح كان عليها نايلون من الكيس وان هي السبب نصفت المفتاح وشغلت تاني وقفلت وسحبت طلع معايا عادي جربت مرتين تلاته وبقي تمام الحمد لله :d
    ريحنا شويه واتغدينا وخرجنا نزلت شيكت تاني ع الكاوتشات وكملت طريقي طبعا طول الطريق كنت محافظ ع سرعة 90 او 80 موصلتش لل 100 بردو احتياطي لسبب ودا ميزه :هي ان البنزين بصراحه مغري جدا مجرد ماتحط رجلك بس يسحبك ويشدك تلاقي نفسك بتوصل لل 100 من غير ماتحس بمنتهي السهوله والسلاسه .
    كملت طريقي بردو ومكنتش جبت الخامس خالص كنت ماشي ع الرابع وتقريبا بعد ماقطعت 70 ك جبت الخامس اول مره وكملت بيه ولاحظت ان الكمبيوتر اداني قرائه اطول لاستهلاك البنزين بمعدل 20 ك وصلت لحد طنطا وعند لخبطه الكوبري الجديد هناك لقيت نفسي معاكس وفي وشي عربية شرطة لا وايه ضاربله العالي في وشه :d
    انا لو مكانه الصراحه انزل اضربني :d
    دخلت طريق كفر الشيخ كنت كملت اول 100 كم وزياده والبنزين قل شرطه واحده بصراحه روعه وصلت كفر الشيخ بعد ساعه طبعا بسبب ام المطبات 30 مطب تقريبا في اقل من 11كم :d
    وصلت كفر الشيخ ودخلت اول لجنه مدخل كفر الشيخ وقفت قالي الرخص اديته رخصتي ومحضر الاستلام قالي مفيش نمر تجاريه قلتله والله لسه خارج من المعرض اداني ورقي وقلي اتفضل ووصلت بيتنا بالسلامه الحمد لله والعربيه تمام تقريبا من لحظه خروجي من التوكيل لحد ماوصلت بيتنا اخدت 4 ساعات ونص بسبب زحمه وسط البلد والسرعه القليله وصلت ع ماتش الاهلي بالظبط ومكنتش روحت وكلمت البيت قولتلهم اتفرج ع ماتش الاهلي الاول واجي افرجكم ع العربيه الاول رخامه بقي :d
    روحت البيت الحمد لله بالسلامه وركنت العربيه وغطيتها والحمد لله كانت رحله ممتعه
    كتقييم بقي :
    الشكل الخارجي طبعا مش محتاج كلام كلكم عارفينه وكمان بالنسبه للفئه المانوال الطاسات بصراحه شكلها جميله وقررت اني مركبش جنوط بعد ماشوفتها
    من جوه بصراحه العربيه روعه وقعدت الكرسي لما ظبطته ع قعدتي وسوقت حسيت اني اتمكنت من العربيه بسرعه وحفظت المقاسات بشكل اسرع (مع العلم ان في تقريري السابق هنا يو الحجز كانت دي ملاحظه وقلت يومها ان يمكن لما اسوق احس اني هتمكن منها والحمد لله )
    بالنسبه للسواقه بصراحه روووووووعه مع احترامي احسن من اللانسر والصني والسيراتو وعربيات تانيه انا سقتها ثبات مش هحكم عليه لسه لاني مجربتش ع السرعات العاليه بس واضح انه هيبقي تمام ان شاء الله
    العربية عاليه ومناسبه جدا للمطبات والحمد لله ملبستش ولا مطب :d :d
    الفرامل اكتر من ممتاااااااااازة مع اني مقرصتش عليها استجابه ممتازة بمعني الكلمه
    بالنسبه لاستهلاك البنزين انا مكنتش فاهم اوي قراية شاشات المعلومات بس لما روحت حسبتها لقيت اني استهلكت 10 -12 لتر في مسافه اجماليه 145 كم يعني شرطه وحده بس
    التكييف شغلته طول الطريق ع 1 وقفلته من البرد
    انا لسه خارج النهارده بالعربيه اشتريت شوية حاجات وغطاء جديد ودواسات وورق العربيه جالي يوم الحد اللي فات وهرخص بكره ان شاء الله
    االتقييم العام
    بصراحه انا كنت خايف من العربيه خصوصا اني اخدت فتره طويلة محتار بين اللانسر الشارك والبوما والصني شكل قديم والسيراتو والريو والاوبترا والجين 2 والسيتروين سي اليزيه بس لما جبتتها حسيت براحه الحمد شديدة وانجذاب للعربيه الحمد لله وحسيت بفرق .الاوروبي اوربي بردو
    والله من غير مبالغه انا بقول الحمد لله ع الاختيار وانا مرتاح ومطمن ومبسوط بالعربيه عشان حاسس بفرق فعلا
    ان شاء الله هلين ال 1000 ك بسرعه واعمل تقرير تاني
    ادعولي ربنا يباركلي فيها ويديني خيرها ويبعد عني شرها وربنا يكم الجميع ان شاء الله بيها وبالاحسن منها كمان :d
    اتمني تقريري يكون بسيط ويعجبكم يارب وبشكر كل اعضاء المنتدى لانهم ساعدوني كتير ..شكرا :d

  • #2
    معلش تصحيح عربيتي جت بعد 3 اسابيع يوم 23/10 :d

    Comment


    • #3
      ياباشا الف الف الف الف مبروك
      ونفس انطباعاتى بالظبط انا معايا المانيوال برضه

      بالنسبة لاستهلاك البنزين هو المتوسط عندك في 100 كيلو كاتب كام ؟
      ومتوسط السرعة كاتبلك كام ؟

      Comment


      • #4
        الف مبروك يا باشا
        ربنا يكتبلك الخير على قدومها
        و يبعد عنك الشر و عيون الناس

        و متنساش الرقيه و الاذكار :d
        Facebook.com/groups/peugeot.301.fans

        Comment


        • #5
          الف مبروك يا باشا
          ربنا يكتبلك الخير على قدومها
          و يبعد عنك الشر و عيون الناس

          و متنساش الرقيه و الاذكار :d
          Facebook.com/groups/peugeot.301.fans

          Comment


          • #6
            ربنا يديك خيرها ويكفيك شرها
            وأدبح حاجه عليها عشان ربنا يكفيك شر وعين الناس

            Comment


            • #7
              الف الف مبروووووووووووووووك ربنا يحفظهالك يا باشا ويديك خيرها ويكفيك شرها
              . . . . . . . . . . . . [SIGPIC][/SIGPIC] . . . . . . . . . . . .
              . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
              و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

              Comment


              • #8
                المشاركة الأصلية كتبت بواسطة amrelsaqqa مشاهدة المشاركة
                ياباشا الف الف الف الف مبروك
                ونفس انطباعاتى بالظبط انا معايا المانيوال برضه

                بالنسبة لاستهلاك البنزين هو المتوسط عندك في 100 كيلو كاتب كام ؟
                ومتوسط السرعة كاتبلك كام ؟
                الله يبارك فيك ياا.عمرو واشكرك
                المتوسط عندي 7 في ال100 متوسط السرعه هتاكد منه واكتبه
                انا بس هرخص وامسك الكتالوج وافهم كل حاجه ان شاء الله
                انا بس عشان جديد في البيجو فعاوز حد يساعدني في فهم الكبوت الميه والزيوت كلها وكدا ياريت يعني لو حد يصورلنا الكبوت ويشرح عليه يبقي عمل فيا خير والله
                وممكن حضرتك تتواصل معايا ع الخاص نتكلم ان شاء الله

                Comment


                • #9
                  المشاركة الأصلية كتبت بواسطة akram.gamal مشاهدة المشاركة
                  الف مبروك يا باشا
                  ربنا يكتبلك الخير على قدومها
                  و يبعد عنك الشر و عيون الناس

                  و متنساش الرقيه و الاذكار :d
                  الله يبارك فيك يا أ.اكرم
                  ان شاء الله حاضر وربنا يحفظنا جميعا يارب

                  Comment


                  • #10
                    المشاركة الأصلية كتبت بواسطة mohamedxsayed مشاهدة المشاركة
                    ربنا يديك خيرها ويكفيك شرها
                    وأدبح حاجه عليها عشان ربنا يكفيك شر وعين الناس
                    امين يارب العالمين
                    ان شاء الله هدبح قطه بلدي واوزعها ع الاعضاء :d

                    Comment


                    • #11
                      المشاركة الأصلية كتبت بواسطة m i d o مشاهدة المشاركة
                      الف الف مبروووووووووووووووك ربنا يحفظهالك يا باشا ويديك خيرها ويكفيك شرها
                      امين يارب العالمين واشكرك

                      Comment


                      • #12
                        أولاً مبروك علي العربية,, وما شاء الله واضح إن سحب العربية معاك مغري,,
                        ودا اللي أنا بحبه في العربيات الجديدة لما تبقي لسه خفيفة ورايقة كدا,,
                        وحاول تحافظ علي نفس ريتم مشيك دا متقرصش عليها أكتر من 90 كم في الساعة, وعدد لفات موتور ميعدش 3 علي قد ما تقدر لحد ما تعدي 500 كيلو علي الأقل,

                        وغلط جداً أنك تمشي من غير نمر تجارية, وياما حذرنا من الموضوع دا,,
                        أنت حظك إن الظابط محترم وأما ملاحظ أنهم زوق فعلاً اليومين دول في كذا كمين أقف فيه وأكون مقصر في حاجة,
                        المحضر لايغني عن النمر التجارية, ومينفعش بأي حال من الأحوال كقاعدة أنك تمشي بعربية من غير نمر لانك لو خبطت حد مفيش حد هيعرف يجيبك.
                        محضر الأستلام دا بتوع المعارض بيضحكو بيه علي اللي بيشتري جديد وبيفرح بالعربية وبيقوله يروحك, والمفروض بيوفرله نمرة لحد ما يرخص العربية,
                        فخد بالك بعد كدا من النقطة دي عشان متضيعش فرحة العربية الجديدة, وأمشي في السليم.

                        وأهلا بيك في عالم الأوروبي, ومستنين بقي تقريرك التاني اللي وعدتنا بيه,,
                        مبروك تاني علي العربية, وربنا يبارك لك فيها, وشكراً علي التقرير الجميل دا.
                        LeitoSR سابقا

                        Comment


                        • #13
                          مبارك عليك وربنا يديك خيرها ويكفيك شرها باذن الله
                          [CENTER][shfaf2]https://encrypted-tbn0.gstatic.com/images?q=tbn:ANd9GcQiZz5qFtKnd2BEvbAUpUb7-hU-RJQavswzOiBfx61bEqrmegeu[/shfaf2][/CENTER]

                          Comment


                          • #14
                            الكماليات منين؟؟؟؟

                            بسم الله ما شاء الله
                            ألف ألف مليون مبروك

                            ربنا يباركلك فيها و يكفيك حسد كل ذي حسد و عين كل ذي عين
                            و يجعلها لك عوناً في طاعته

                            قلي بقى يا سيدي جبت الدواسات و بقية الكماليات منين؟؟
                            و أسعارها أخبارها ايه؟؟
                            و الدواسات بتاعتها و عليها اسم الموديل و علامة البيجو و لا لأ؟؟
                            و هل العربية فيها EBD و لا لأ...عشان الموضوع ده إختلفت فيه الأقاويل؟؟

                            و ايه اللي خلاك تجيب من القاهرة مش الأسكندرية..رغم أن كفر الشيخ أقرب للأسكندرية على ما أظن؟؟


                            و كفاية كده أسئلة عشان أكيد خنقتك
                            [SIGPIC][/SIGPIC]

                            Comment


                            • #15
                              مبروك يا ريس .. و انا معاك في طلب ان حد يفهمنا نتعامل مع ال 301 ازاي بخصوص الزيوت و المايه و ناخد بالنا من ايه لحد ما نوصل لل10000 صيانه
                              و ايه افضل طريقه للحفاظ علي تيل الفرامل انه يعيش فتره طويله ؟

                              Comment

                              Working...
                              X