حد عمل فرش للـ 301 ؟؟؟؟

[mans336]

السلام عليكم ورحمة الله وبركاته
انا كنت عاوز اعمل فرش اسود جلد للـ 301
كنت حابب اعرف هل حد عملها فرش ولا لا؟؟؟
ولو حد عمل عمله فين وبكام؟؟؟
انا بسمع على جينز كار انه كويس جدا لكن كلمته يوم الاتنين اللى فات طول اليوم محدش بيرد
لو حد يعرف بردو هو قافل اليومين دول ولا ايه؟؟ وهل بيشتغل السبت ولا لا ومواعيد العمل؟؟؟
معلش الاسئله كتير بس انا عارف انى هلاقى الاجابه هنا فى قسم بيجو
وشكرا مقدما

[on1touch]

انا هعمل فرش نايلون للدواسات الاول للعربيه كلهاوبعدين ممكن اركب فرش جلد

[amrelsaqqa]

انا هعمل فرش نايلون للدواسات الاول للعربيه كلهاوبعدين ممكن اركب فرش جلد

النايلون ده يعنى شفاف ؟
وده يستحمل ومش بيتجرح او يتقظع ؟

[damasry]

عملت لل301 فرش جلد فى قماش بخياطة دبل عند جينز كار والارضية والشنطة جلد

التكلفة الاجمالية 2400

[amrelsaqqa]

عملت لل301 فرش جلد فى قماش بخياطة دبل عند جينز كار والارضية والشنطة جلد

التكلفة الاجمالية 2400

مبروك يا باشا :)
عملتوا الالوان ايه ؟ مفيش صور :D

و2400 مش كتير شوية ، خصوصا انه جلد في قماش و لا ده بيبقى اغلى من الجلد ؟ انا كنت عامل حسابى في رينج 2000

[damasry]

مبروك يا باشا :)
عملتوا الالوان ايه ؟ مفيش صور :d

و2400 مش كتير شوية ، خصوصا انه جلد في قماش و لا ده بيبقى اغلى من الجلد ؟ انا كنت عامل حسابى في رينج 2000

الله يبارك فيك يا باشا ويباركلك فى عربيتك، هى مش عربيتى يا باشا هى بتاعة صاحبى الانتيخ والصور حاضر اصورها واحطها ان شاء الله.

الالوان الجلد اسود والقماش اسود بخطوط زرقاء

والنوع اللى مركبه بيكون اغلى طبعا من الجلد بس

وانا بحب النوع ده عشان الجلد فقط فى الصيف بيبقى عذاب لكن النوع ده الضهر والقعدة قماش.

وبال2000 طبعا تقدر تعمل جلد هناك ومتنساش انى عامل الارضية ودى لوحدها 450 جنيه

اى استفسار تحت امرك

[Akram.Gamal]

ياااه ده كتير اوى حضرتك
انا كنت عامل فرش لل ٥٠٤جلد ف قماش كان تكلفته ٥٠٠ جنيه
و فرش الارضيه و الشنطه اتكلف بالمصنعيه بتاعة السروجى حوالى ٥٠٠ جنيه

[amrelsaqqa]

جينز كار شغله جميل وخاامات اصلية غالية بس مكنتش متخيل انها تكسر الـ 2000 بصراحة مع فرش الارضية

[hugan]

2400 كتير جدا

[damasry]

انا عربيتى مكلفها حوالى 2800 :)

ال301 اتكلفت 2400 جلد فى قماش، الفرش الجلد بس ارخص من الارقام دى وكمان شيل منها 450 للارضيات شوف توصل كام.

وكمان الفرش بيركب تحتيه بطانة سفنج والخياطة بتكون على نفس خياطة الفابريقة عشان لما تفك الفرش متلاقيش فرش الفابريقة بايظ.

مفيش مجال طبعا للكلام عن جودة الخامات بتاعة جينز كار والضمان اللى عليها لمدة 3 او 4 سنين، فرش عربيتى بقاله اكتر من سنة استخدام شااااااااق والحمدلله زى اول يوم ركبته فيه

[hossam_win]

السعر مش كتير ولا حاجة . السوق مفتوح والخامات كتير و المصنعية تختلف و التأفيل النهائي ,
لما كل الأشياء دي تكون موجودة ماحدش يقول غالي ابدا

[on1touch]

النايلون دا مشمع بس خامه تقيله للارضيات بس يعني هتبقي تحت الدواسات ب400 جنيه مش اكتر عند اي حد تنجيد بيفك الكراسي ويفرش الارضيه كلها وكمان السقف ممكن يتعمل يبقي كله 500 اما الفرش الجلد فانا اشتريت فرو للكراسي قدام والكنبه ب 550 بردو لونه فيراني بس حميل وهستغني عن الجلد لانه بيحرر وان شاء الله في صيانه ال2500 هركب الزينون

[damasry]

وهو فيه زينون فى التوكيل؟؟

ولو على مشمع ب400 جنيه فاعتقد جلد كامل لأرضية العربية بالكامل والشنطة ب450 جنيه يبقى ممتاز.

[on1touch]

لا ياباشا انا اشتريت الزينون من السعوديه قبل مااجيب العربيه بكام يوم ب 600 ريال الماني وبالجهاز بس هركبه في التوكيل وانا بعمل الصيانه عشان ماالعبش في ضفيرة الكهربا واديهم مصنعيه
بالنسبه للفرش المشمع اللي انا جبته هو شفاف بلاستيك بس خامه تقيله جدا وبتستحمل الهرس جامد وتقريبا مفبش فرق بينها وبين الجلد وكمان معاها فرش للشنطه وهيعملي السقف عشان يحافظ عليه