استفسار لو سمحتوا

[Hema_Basha]

انا معايا بيجو 301 وعاوز احسب استهلاك البنزين ازاي اقدر احسبه لاني حاسس ان استهلاكها عالي شوية ولا وانا بيتهايلي ياريت تيفدوني بعد اذنكوا

[amrelsaqqa]

ماهو عندك في شاشة المعلومات لو قلبت من الزرار اللى في دراع المساحات هتلاقي بتعرضلك طريقتين لمتوسط الاستهلاك واحد لحظى بيتغير معاك اثناء السواقة وواحد متوسط الفترة اللى فاتت كلها ( تقريبا من اخر مرة عملت ريسيت لعداد الرحلات ) ومتوسط السرعة واللى فاضل يمشيك قد ايه ... كل ده موجود


لو انت عايز تحسبها بنفسك سهلة جدا
صفر العداد او احفظ قرايته ، فول العربية للزور ، امشى بيها حوالى نص التنك ، فول تانى للزور

شوفها خدت كام لتر في كام كيلو

الاستهلاك كـ لتر/100 كيلو :

عدد اللترات في 100 على المسافة

يعنى مثلا لو خدت 15 لتر في 150 كيلو
يبقى كدة استهلاكك 15*100÷150 = 10 لتر / 100 كيلو


لو عاوز تحسبها بكام في الصفيحة ( 20 لتر )

يبقى الكيلو متر * 20 على اللترات
= 150*20÷15 = 200 كيلو في الصفيحة

هى نسبة وتناسب ( مقص ) ومش لازم تحفظ الطريقة لو فهمتها هتعملها بأي وحدة حتى لو ميل في الجالون

ودى رسمة توضيحية







بالنسبة للعربية هى عندى في رينج الـ 10 ل في الـ 100 كيلو او 200 في الصفيحة وسااعات اقل ، وانا شايفه عالى شوية ،بس مستنى اروح الصيانة يوم الحد الجاي واشوف ايه الدنيا وبردو العربية لسة 2400 كيلو فانا هستنى عليها شوية

[J A G U A R]

مون العربيه وشوفها هاتمشى كام كيلو على عداد الكيلو مترات فى التموينه