افضل لون في البيجو 301

[chemist1998]

السلام عليكم
بعد عدة مقارنات طيلة شهرين عقدت النية على شراء بيجو 301 لانها الافضل في فئتها على الاطلاق من وجهة نظري. ولكن الحيرة في اختيار اللون خاصة انها ليست متوفرة لمشاهدة كل الالوان. فارجو من الاخوة الذين شاهدوها بكثرة او شاهدو اكثر من لون في نفس الوقت يفيدونا
انا شخصيا عجبي لونين ومحتار بينهم البترولي والموكا . ارجو ان لا تبخلوا برايكم حتى نستفيد جميعا

[Silent~Dream]

رايى الابيض جامد جدا بس عايز محافظه شديده و بعدين الشامبين

[M I D O]

البترولي روعة لاكن الافضل في رايي الفضي

[Akram.Gamal]

والله انا رايى كل الالوان جميله جدا على العربيه
انا شفت كل الالوان بعينى ماعدا الموكا
اكبر ميزه ان البويه المستخدمه ميتاليك ماعدا الابيض و الاسود
و خلى بالك فيه فرق طفيف اذا كانت هايلاين او لا بسبب الفوجات و النيكل و الجنط
ماعدا كده اعتقد الالوان كلها شيك و ده يتوقف على مدى ارتياح حضرتك نفسيا للون
يعنى رايى اللون ال هيحببك فى العربيه يبقا هو الاجمل
وربنا يهدينا و اياك الى خير السبيل

[ِA.Elsobky]

الابيض و البترولى و الفضى و الجراى
الوان تحفه
انا حاجز ابيض او بترولى

[airac2002]

البترولي .............. وان شاء اللة حاستلم خلال الايام

[mahmed0100]

موكا .. او. Gray

[S.Hasan]

الموكا ثم السيلفر

[amrelsaqqa]

وجهة نظري المتواضعة

افضل لون في البيزلاين الفضى ( لون العربية متناسق مع لون الشبكة ، وما تحسش ان العربية ناقصها النيكل اللى ع الاجناب او كروم الشبكة )

افضل لونين في الهايلاين من وجهة نظري الموكا والفيرانى والفيرانى جامد جدا جدا جدا مع النيكل تشوفها تقول باسات :) وده شفته يوم الاستلام وعجبنى جدا جدا خصوصا في الهايلاين

الموكا بيخلى العربية من قدام مش حلوة اوى زي بقية الالوان مش عارف ليه ..

البترولى فيها درجته مش عاجبانى خالص (اذواق) يعنى لو كان نفس الدرجة بتاعت السيفيك او الماتريكس او الاسترا الجديدة كان هيبقى احلى من كدة

الابيض روعة ع العربية ولكن غير عملى في مصر ، هو والاسود والاسود مصغر العربية ومش مبينها اوى

والشامبين حلو بالنهار بس

ده رأيي في كل الالوان بعد ما شفتها كلها ، وعن نفسى قبل ما اشوف الفيرانى كنت حاجز الشامبين ثم الفضى وجت الفضى ( وطلع احلى من الشامبين :) وحبيته اكتر )

[abohend]

شامبين

أنا حاجز شامبين
و في رأيي الشامبين ثم السيلفر ثم الأبيض (دي برضه رغباتي فالحجز)
أنا ساكن في منطقة مليئة بالغبار و التراب و ده طبعا أثر في إختياري للون

الشامبين شيك جداً و جديد و ميتالك و بين الفواتح و الغوامق فتاخد رحابة الفواتح و شياكة الغوامق

السيلفر تقليدي لكن عملي جداً و شيك و ميتالك

الأبيض مكبرها (تدي على ال508) و شكله حلو بس مش ميتاليك (مطفي)

البترولي مبطيأوش لما شفته عند المصرية مكنتش هجيب العربية (أذواق)

الموكا شيك و ميتالك بس غامق فالتراب بيبان فيه و بيصغر العربية (هي أصلا كنزة من ورا)

الفراني تحفة و شيك و ميتالك بس بالنسبة لي غير مناسب عشان التراب و مصغر الغربية شوية

الأسود مش فالمقارنة بالنسبة لي عشان التراب بيبان فيه و مطفي مش ميتالك و بيصغر العربية (كله عيوب)

يتهيألي كده لخبطتك أكتر.....
إستخير ربنا و إن شاء الله خير
بس لو هتركنها بره جراج يبقى إبعد عن الغوامق
بالتوفيق

[amrelsaqqa]

أنا حاجز شامبين
و في رأيي الشامبين ثم السيلفر ثم الأبيض (دي برضه رغباتي فالحجز)
أنا ساكن في منطقة مليئة بالغبار و التراب و ده طبعا أثر في إختياري للون

الشامبين شيك جداً و جديد و ميتالك و بين الفواتح و الغوامق فتاخد رحابة الفواتح و شياكة الغوامق

السيلفر تقليدي لكن عملي جداً و شيك و ميتالك

الأبيض مكبرها (تدي على ال508) و شكله حلو بس مش ميتاليك (مطفي)

البترولي مبطيأوش لما شفته عند المصرية مكنتش هجيب العربية (أذواق)

الموكا شيك و ميتالك بس غامق فالتراب بيبان فيه و بيصغر العربية (هي أصلا كنزة من ورا)

الفراني تحفة و شيك و ميتالك بس بالنسبة لي غير مناسب عشان التراب و مصغر الغربية شوية

الأسود مش فالمقارنة بالنسبة لي عشان التراب بيبان فيه و مطفي مش ميتالك و بيصغر العربية (كله عيوب)

يتهيألي كده لخبطتك أكتر.....
إستخير ربنا و إن شاء الله خير
بس لو هتركنها بره جراج يبقى إبعد عن الغوامق
بالتوفيق

ياه ده انت تقريبا رأيك زيي بالظبط في كل حاجة

[Ahmed Amin]

الأبيض جميل جداً عليها,, الأسود بيصغرها شوية.
وحاول تشوف الألوان علي الحقيقة عشان بتفرق كتير جداً في العربية عن الصور,,,

[Akram.Gamal]

انا شايف ان فيه ميزه فى البترولى مش موجوده ف باقى الالوان
وهي ان العربيه بتبان فاتحه اوى بالنهار و غامقه اوى بالليل
فكرة احساس بالاختلاف مش اكتر
مع ان البترولى ده اصلا قديم اوى فى البيجو موجود فى 504 السماوى

[chemist1998]

شكرا للجميع على التفاعل والرد على الموضوع وانا متاكد ان اراكم هتساعدني في اتخاذ القرار بع الاستخارة ان شاء الله.

[chemist1998]

والله انا رايى كل الالوان جميله جدا على العربيه
انا شفت كل الالوان بعينى ماعدا الموكا
اكبر ميزه ان البويه المستخدمه ميتاليك ماعدا الابيض و الاسود
و خلى بالك فيه فرق طفيف اذا كانت هايلاين او لا بسبب الفوجات و النيكل و الجنط
ماعدا كده اعتقد الالوان كلها شيك و ده يتوقف على مدى ارتياح حضرتك نفسيا للون
يعنى رايى اللون ال هيحببك فى العربيه يبقا هو الاجمل
وربنا يهدينا و اياك الى خير السبيل

فعلا يا استاذ اكرم اللون وشكل العربية بيفرق في الهاي لاين عن البيز