Tweet
انا والـ 301 والتوكيل وصيانة الـ 2500
النهاردة كان عندى اجازة من الشغل استغليتها ورحت عملت صيانة الـ 2500
هحاول اقول الموضوع في نقاط عشان اختصر على قد ما اقدر مع انه صعب :) بس ياريت تقروا للاخر وتقولوا رأيكوا ..
--- حجزت يوم الخميس بالتليفون الصيانة على ان تكون يوم الحد واتفقنا انى اجى على الساعة 12:30 في مركز خدمة غمرة
--- وصلت النهاردة الحمد لله في الميعاد المحدد ع الساعة 12:25 بالظبط ... بعد مشوار من المنوفية على الطريق الزراعى اللعين وغسيل العربية قبل الذهاب لانها كانت متبهدلة جدا من مطرة يوم الخميس ..
-- استقبلونى احسن استقبال بصراحة في الاول وطلبوا رأيي في العربية واي مشاكل بتقابلنى والعربية كانت عاملة بالظبط وقت ما دخلت 2590
--- قلتلهم على مشكلة بحس بيها في الزحمة ان العربية احيانا لما اكون ماشى في زحمة فترة شوية خصوصا لما اكون مشغل التكييف ( مثال وقفة كوبرى قليوب مثلا او وقفات وسط البلد وكوبرى اكتوبر ) العربية بتتخنق وبتنتش بسيط في الطلعة اول وتانى ( مانيوال ) ، واستهلاك البنزين بيزيد شوية ، واول ما الطريق يفتح وامشى بسرعة استهلاك البنزين بيزيد قدامى لفترة لحد ما امشى شوية والعربية بترجع طبيعية تانى ( على فكرة انا يوم الاربع لما العربية عدت 2200 كيلو ، طلعت ع الصحراوى قرصت عليها جامد وجبت اكتر من 180 وجبت 160 ع الرابع ( وثباتها ع الصحراوى كان جميل جدا ، وبعدها جبت ع المحور 150 ، والعربية بعدها بقت جراية بشكل غير عادى وناعمة جدااااااااااااا ) - من الاخر بتبقى جامدة جدا بعد الجري ، وتبقى كسلانة جدا بعد الزحمة
--- المهندس طمنى وقاللى كل ده هيتظبط واستفسرت منه في موضوع السوفتوير والتحديث اللى انا سمعت عنه ، وهل عربيتى ينطبق عليها ولا عشان انا مستلم في سبتمبر ؟ ، وفضلت اتكلم معاه في الموضوع ده شوية ، لغاية ما قاللى الاتى .: العربية بتخرج من اسبانيا متظبطة ومتعايرة ع الجو بتاعهم والبنزين بتاعهم ، هنا بنعمللها برمجة بوابة عشان تناسب البنزين بتاعنا ، وبعد ما نعمل كدة هتحس بفرق كبير في السحب واستهلاك البنزين .. اطمنت وقلت ماشى ، وفهمت من كدة ان الموضوع مجرد ظبط للبوابة بالكمبيوتر مش فكرة تحديث سوفتوير بالكامل زي ما الناس كانت بتقول او هم ممكن يقولوا للناس !
--- المهم اتفقت مع المهندس العربية تخلص بسرعة عشان انا جاي من سفر وكدة بس ما اصريتش على كدة وهو قاللى هحاول اخلصهالك بسرعة ..
--- العربية دخلت وانا قعدت في الاستراحة وطبعا العربية مش تحت عينى
--- فضلنا قاعدين حوالى ساعتين
--- بعدين لمحت عربيتى طالعة من جوة متجهة للخارج
--- خرجت اتابعها قالولى بيجربوها وهتيجى دلوقتى وكدة خلاص .. ..
--- 10 دقايق والعربية رجعت ودخلت جوة تانى
هنا يبدأ الفصل التانى .. .
--- لقيت المهندس بينادى عليا ودخلت وراه جوة ( على غير المتوقع انهم يدخلوا حد جوة ) ، وهنا بدأت اقلق
--- دخلت وكانت الصدمة ، انهم خبطوا العربية خبطة بسيطة في باب السواق ، قاللك معلش الراجل وهو بيجرب العربية حك الباب في العمود ومخدش باله وبتاع .. ! وشوف اللى انت عاوزه ، تسيبها زي ما هى ولا نعملها لك سمكرة ودوكو ! وانا رأيي تسيبها زي ما هى عشان تاخد العين ( تخيل الكلام ده انت بتسمعه جوة التوكيل وحسبى الله ونعم الوكيل ! )
--- انا ما بقتش عارف ارد بإيه ! ندهت لاخويا و صاحبى اللى كانوا معايا جيت ادخل تانى الراجل اللى ع البوابة قاللى ممنوع ، قلتله انا حالة خاصة انتوا خبطتولى العربية وانا كنت لسة جوة دلوقتى وطلعت اجيب الناس اللى معايا ، قاللى خش لوحدك ، قلتله انا عربيتى اتخبطت بقولك عربيتى اتخبطت ، وكنت هعلى صوتى واسمع الناس ، راح جه المهندس بسرعة ودخلنا معاه كلنا جوة
--- قلتله انت كدة من الاخر بتقوللى اخبط دماغك في الحيط بس بطريقة شيك ، يعنى ايه سمكرة ودوكو او تسيبها زي ما هى ! وانا جاى توكيل ، لو مش هأمن على عربيتى في توكيل هأمن عليها فين ! ، قاللى معلش وقدر الله ما شاء فعل والخ ..
-- قلتله حضرتك بصفتك الشخصية لو حضرتك ربنا كرمك وجبت عربية بي ام الفئة السابعة هل تتخيل تروح توكيل بي ام وتلاقى عربيتك اتخبطت جوة التوكيل ومن التوكيل نفسه ، قاللى والله عارف ومش عارف ايه ، وراح قعد يضربلى امثلة مالهاش علاقة اصلا بالموضوع ، ومفيش وجه مقارنة ، وقاللى ياعينى ان واحد في الشارع خبط عربيته وهو سابه يمشى ! يا سلام ! اش جاب دى لدي دلوقتى !
--- المهم اللى حرق دمى كمان انه قعد يقوللى احنا جينا نقولك بنفسنا وكان ممكن ما نقولش ؟ لا والله ؟ قلتله دى حاجة مفروغ منها سعادتك يعنى المفروض اتوقع انكوا تخبطوا الخبطة وتنكروها مثلا ؟
--- قعد يقوللى طب والله ما كنت هتاخد بالك منها !!!!!!! ، وهى واضحة زي الشمس وكانت مبوظة شكل العربية من الجنب وفي وشى كل ما اجى اركب العربية او انزل منها !!!!
--- قلتله كان ممكن ووارد جدا يحصل ان والعربية بتتجرب حد يخبطها خبطة جامدة جدا تأثر على دواخل وشاسيه العربية مثلا ، ويكون العامل او المهندس اللى سايقها مالوش اي ذنب .. ماهو انا في الحالة دى كنت هقوللكوا العربية مش لازمانى ولا حضرتك كنت هتقوللى ايه رأيك نغير نص ولا نرش دواخل !!!! وسيبها تاخد العين !!!!!
-- صاحبى بدأ يتكلم اننا عايزين نغير الباب ، رد وقال ، ماهو الباب هييجى اسود ويترش بردو ( يعنى اخبط دماغك في الحيطة تانى ! )
--- ما بقتش عارف اعمل ايه وكل ما ابص لشكل امها اتغاظ جدا ، والمشكلة ان جزء من الانبعاج اللى حصل حصل في السوكة بتاعت الباب يعنى رده صعب جدا جدا ، وفي الاخر اتفقنا ان العربية تترد ع البارد ولو الشغل ما عجبنيش يبقى اقول اللى انا عايزه ، في الاخر وافقت لانى مكنش قدامى غير كدة ، وقلتلهم تترد ع البارد ومش عايز اشوف فيها خدش واحد ، والا هيبقى فيها كلام تانى خالص ..
و بالمناسبة رفضوا اننا نتفرج عليها ونقف على راس الصنايعي وهو شغال وصاحبى قاللهم دلوقتى ما بقاش فيه Trust ومن حقنا نتابع عربيتنا وهى بتتعمل ، وهم مصممين اننا نقعد في الاستراحة ، دخلنا قعدنا وانا حالتى النفسية زفت ، والفكرة مش فكرة خبطة ، الفكرة انى كدة بقفل من العربية اكتر لان الفترة اللى فاتت كلها وهى عمالة تاخد عين بالهبل وحاجات اصلا محدش يصدقها يعنى مكنتش اتوقع نهائيا ان العربية تدخل التوكيل تتخبط ! ، يعنى ايه الحظ الهباب ده ! يالا الحمد لله على كل حال ..
--- المهم بعد ساعة ونص طلعوا بالعربية وقاللى تعالى اتفرج ، المهم ربنا سهل وفعلا ردوها بطريقة كويسة ، استعوضت ربنا وحمدته ورضيت باللى حصل ومشيت في حوالى الساعة 4 او 4 الا شوية ..
--- كنت ناوى اسأل على فوجات او اشتريهم ، بس بعد اللى حصل مكنش ليا نفس بصراحة ومشيت على طول ...
--- بعد الصيانة مش حاسس بفرق جوهري في العربية اوى لحد دلوقتى ، بس عامة هى كويسة مش سيئة يعنى وموضوع الخنقة في الزحمة ده عادى وبيروح مجرد ما العربية تمشى شوية ويمكن يكون اتظبط او اتحسن وانا مش واخد بالى لانى كنت قرفان جدا بصراحة النهاردة ، وبدل ما اطلع من التوكيل مبسوط طلعت متكدر .. يالا الحمد لله ..
ايه رأيكوا في اللى حصل ده وكنتوا هتعملوا ايه لو كنتوا مكانى ؟
هحاول اقول الموضوع في نقاط عشان اختصر على قد ما اقدر مع انه صعب :) بس ياريت تقروا للاخر وتقولوا رأيكوا ..
--- حجزت يوم الخميس بالتليفون الصيانة على ان تكون يوم الحد واتفقنا انى اجى على الساعة 12:30 في مركز خدمة غمرة
--- وصلت النهاردة الحمد لله في الميعاد المحدد ع الساعة 12:25 بالظبط ... بعد مشوار من المنوفية على الطريق الزراعى اللعين وغسيل العربية قبل الذهاب لانها كانت متبهدلة جدا من مطرة يوم الخميس ..
-- استقبلونى احسن استقبال بصراحة في الاول وطلبوا رأيي في العربية واي مشاكل بتقابلنى والعربية كانت عاملة بالظبط وقت ما دخلت 2590
--- قلتلهم على مشكلة بحس بيها في الزحمة ان العربية احيانا لما اكون ماشى في زحمة فترة شوية خصوصا لما اكون مشغل التكييف ( مثال وقفة كوبرى قليوب مثلا او وقفات وسط البلد وكوبرى اكتوبر ) العربية بتتخنق وبتنتش بسيط في الطلعة اول وتانى ( مانيوال ) ، واستهلاك البنزين بيزيد شوية ، واول ما الطريق يفتح وامشى بسرعة استهلاك البنزين بيزيد قدامى لفترة لحد ما امشى شوية والعربية بترجع طبيعية تانى ( على فكرة انا يوم الاربع لما العربية عدت 2200 كيلو ، طلعت ع الصحراوى قرصت عليها جامد وجبت اكتر من 180 وجبت 160 ع الرابع ( وثباتها ع الصحراوى كان جميل جدا ، وبعدها جبت ع المحور 150 ، والعربية بعدها بقت جراية بشكل غير عادى وناعمة جدااااااااااااا ) - من الاخر بتبقى جامدة جدا بعد الجري ، وتبقى كسلانة جدا بعد الزحمة
--- المهندس طمنى وقاللى كل ده هيتظبط واستفسرت منه في موضوع السوفتوير والتحديث اللى انا سمعت عنه ، وهل عربيتى ينطبق عليها ولا عشان انا مستلم في سبتمبر ؟ ، وفضلت اتكلم معاه في الموضوع ده شوية ، لغاية ما قاللى الاتى .: العربية بتخرج من اسبانيا متظبطة ومتعايرة ع الجو بتاعهم والبنزين بتاعهم ، هنا بنعمللها برمجة بوابة عشان تناسب البنزين بتاعنا ، وبعد ما نعمل كدة هتحس بفرق كبير في السحب واستهلاك البنزين .. اطمنت وقلت ماشى ، وفهمت من كدة ان الموضوع مجرد ظبط للبوابة بالكمبيوتر مش فكرة تحديث سوفتوير بالكامل زي ما الناس كانت بتقول او هم ممكن يقولوا للناس !
--- المهم اتفقت مع المهندس العربية تخلص بسرعة عشان انا جاي من سفر وكدة بس ما اصريتش على كدة وهو قاللى هحاول اخلصهالك بسرعة ..
--- العربية دخلت وانا قعدت في الاستراحة وطبعا العربية مش تحت عينى
--- فضلنا قاعدين حوالى ساعتين
--- بعدين لمحت عربيتى طالعة من جوة متجهة للخارج
--- خرجت اتابعها قالولى بيجربوها وهتيجى دلوقتى وكدة خلاص .. ..
--- 10 دقايق والعربية رجعت ودخلت جوة تانى
هنا يبدأ الفصل التانى .. .
--- لقيت المهندس بينادى عليا ودخلت وراه جوة ( على غير المتوقع انهم يدخلوا حد جوة ) ، وهنا بدأت اقلق
--- دخلت وكانت الصدمة ، انهم خبطوا العربية خبطة بسيطة في باب السواق ، قاللك معلش الراجل وهو بيجرب العربية حك الباب في العمود ومخدش باله وبتاع .. ! وشوف اللى انت عاوزه ، تسيبها زي ما هى ولا نعملها لك سمكرة ودوكو ! وانا رأيي تسيبها زي ما هى عشان تاخد العين ( تخيل الكلام ده انت بتسمعه جوة التوكيل وحسبى الله ونعم الوكيل ! )
--- انا ما بقتش عارف ارد بإيه ! ندهت لاخويا و صاحبى اللى كانوا معايا جيت ادخل تانى الراجل اللى ع البوابة قاللى ممنوع ، قلتله انا حالة خاصة انتوا خبطتولى العربية وانا كنت لسة جوة دلوقتى وطلعت اجيب الناس اللى معايا ، قاللى خش لوحدك ، قلتله انا عربيتى اتخبطت بقولك عربيتى اتخبطت ، وكنت هعلى صوتى واسمع الناس ، راح جه المهندس بسرعة ودخلنا معاه كلنا جوة
--- قلتله انت كدة من الاخر بتقوللى اخبط دماغك في الحيط بس بطريقة شيك ، يعنى ايه سمكرة ودوكو او تسيبها زي ما هى ! وانا جاى توكيل ، لو مش هأمن على عربيتى في توكيل هأمن عليها فين ! ، قاللى معلش وقدر الله ما شاء فعل والخ ..
-- قلتله حضرتك بصفتك الشخصية لو حضرتك ربنا كرمك وجبت عربية بي ام الفئة السابعة هل تتخيل تروح توكيل بي ام وتلاقى عربيتك اتخبطت جوة التوكيل ومن التوكيل نفسه ، قاللى والله عارف ومش عارف ايه ، وراح قعد يضربلى امثلة مالهاش علاقة اصلا بالموضوع ، ومفيش وجه مقارنة ، وقاللى ياعينى ان واحد في الشارع خبط عربيته وهو سابه يمشى ! يا سلام ! اش جاب دى لدي دلوقتى !
--- المهم اللى حرق دمى كمان انه قعد يقوللى احنا جينا نقولك بنفسنا وكان ممكن ما نقولش ؟ لا والله ؟ قلتله دى حاجة مفروغ منها سعادتك يعنى المفروض اتوقع انكوا تخبطوا الخبطة وتنكروها مثلا ؟
--- قعد يقوللى طب والله ما كنت هتاخد بالك منها !!!!!!! ، وهى واضحة زي الشمس وكانت مبوظة شكل العربية من الجنب وفي وشى كل ما اجى اركب العربية او انزل منها !!!!
--- قلتله كان ممكن ووارد جدا يحصل ان والعربية بتتجرب حد يخبطها خبطة جامدة جدا تأثر على دواخل وشاسيه العربية مثلا ، ويكون العامل او المهندس اللى سايقها مالوش اي ذنب .. ماهو انا في الحالة دى كنت هقوللكوا العربية مش لازمانى ولا حضرتك كنت هتقوللى ايه رأيك نغير نص ولا نرش دواخل !!!! وسيبها تاخد العين !!!!!
-- صاحبى بدأ يتكلم اننا عايزين نغير الباب ، رد وقال ، ماهو الباب هييجى اسود ويترش بردو ( يعنى اخبط دماغك في الحيطة تانى ! )
--- ما بقتش عارف اعمل ايه وكل ما ابص لشكل امها اتغاظ جدا ، والمشكلة ان جزء من الانبعاج اللى حصل حصل في السوكة بتاعت الباب يعنى رده صعب جدا جدا ، وفي الاخر اتفقنا ان العربية تترد ع البارد ولو الشغل ما عجبنيش يبقى اقول اللى انا عايزه ، في الاخر وافقت لانى مكنش قدامى غير كدة ، وقلتلهم تترد ع البارد ومش عايز اشوف فيها خدش واحد ، والا هيبقى فيها كلام تانى خالص ..
و بالمناسبة رفضوا اننا نتفرج عليها ونقف على راس الصنايعي وهو شغال وصاحبى قاللهم دلوقتى ما بقاش فيه Trust ومن حقنا نتابع عربيتنا وهى بتتعمل ، وهم مصممين اننا نقعد في الاستراحة ، دخلنا قعدنا وانا حالتى النفسية زفت ، والفكرة مش فكرة خبطة ، الفكرة انى كدة بقفل من العربية اكتر لان الفترة اللى فاتت كلها وهى عمالة تاخد عين بالهبل وحاجات اصلا محدش يصدقها يعنى مكنتش اتوقع نهائيا ان العربية تدخل التوكيل تتخبط ! ، يعنى ايه الحظ الهباب ده ! يالا الحمد لله على كل حال ..
--- المهم بعد ساعة ونص طلعوا بالعربية وقاللى تعالى اتفرج ، المهم ربنا سهل وفعلا ردوها بطريقة كويسة ، استعوضت ربنا وحمدته ورضيت باللى حصل ومشيت في حوالى الساعة 4 او 4 الا شوية ..
--- كنت ناوى اسأل على فوجات او اشتريهم ، بس بعد اللى حصل مكنش ليا نفس بصراحة ومشيت على طول ...
--- بعد الصيانة مش حاسس بفرق جوهري في العربية اوى لحد دلوقتى ، بس عامة هى كويسة مش سيئة يعنى وموضوع الخنقة في الزحمة ده عادى وبيروح مجرد ما العربية تمشى شوية ويمكن يكون اتظبط او اتحسن وانا مش واخد بالى لانى كنت قرفان جدا بصراحة النهاردة ، وبدل ما اطلع من التوكيل مبسوط طلعت متكدر .. يالا الحمد لله ..
ايه رأيكوا في اللى حصل ده وكنتوا هتعملوا ايه لو كنتوا مكانى ؟
روق يا صاحبى هى عين حاول تطلع حاجة لله عن العربية
Comment