مشكله الكومبيتر فى بيجو والسيارات عموما

[ahmed sa3ed]

السلام عليكم

انا ان شاء الله ناوى اشترى بيجو 508 وواحد صاحب الحج قالوا بلاش بيجو علشام معقده والكومبيتر بتاعها فى مشاكل


السؤال هنا
اولا ال 508 فيها الكلام دا فعلا

السؤال التانى


هو اة الكومبيتر واة وظيفتوا وعبارة عن ايه وبيعمل فى العربيات كلها ياريت لو حد يشرحلى يعنى اة كومبيتر عربيه وبيشغل ايه بالظبط فيها

[مهند-النجار]

معرفش حاجة عن كمبيوتر العربية اللي ذكرتها

كمبيوتر اي عربية بينظم البنزين والهوا ووقت الشرارة و بيحسب الاستهلاك بنزين و احيانا بتحكم ف الفرامل و السرعة
قفل وفتح الابواب وحاجات تانية كتييييير

كل م العربية اتطورت وزادت اوبشانتها كل ما زاد الدور اللي بيلعبة الكمبيوتر

انا بقي كربراتير ومعنديش الكلام دة

[ahmed sa3ed]

منا كمان كربيراتير والحاجات دى جديدة عليا علشان كدا بسال وشكرا لحضرتك على الرد

[Anxs111]

حضرتك ممكن تسأل في قسم بيجو هيفيدوك ....

[abdulkhaleq]

طيب انا عارف ان وارد بعض العربيات يظهر فيها مشاكل بسبب الفتي والجهل من الصنايعيه واحيانا التوكيل
بس صاحب الحاج اللي قال كده, هل هو ادرى من (المهندسين) اللي صمموا الوحده دي في العربيه ؟؟
هي مش معايا
بس انا ماشوفتش حد اشتكى منها الشكوى دي بصراحه
وبعدين في الأول والاخر دي وحده بتتبرمج وبتتقري بالاسكانر
مش جايه من مكوك فضاء يعني :)

[Ghamrawy]

سيبك من الكلام ده لو عايز تركب عربية جديدة و محترمة

غير كده حايبقى اخرك فى العربيات سنة 1992

[ahmed sa3ed]

طيب انا عارف ان وارد بعض العربيات يظهر فيها مشاكل بسبب الفتي والجهل من الصنايعيه واحيانا التوكيل
بس صاحب الحاج اللي قال كده, هل هو ادرى من (المهندسين) اللي صمموا الوحده دي في العربيه ؟؟
هي مش معايا
بس انا ماشوفتش حد اشتكى منها الشكوى دي بصراحه
وبعدين في الأول والاخر دي وحده بتتبرمج وبتتقري بالاسكانر
مش جايه من مكوك فضاء يعني :)

اخر جمله دى الى عايزها اوصلها للناس دى مش مكوك فضائى يعنى :d

[abdulkhaleq]

اخر جمله دى الى عايزها اوصلها للناس دى مش مكوك فضائى يعنى :d

مشكلتنا الاشاعات دايما
عموما لو عاجباك
مبروك مقدما :) :)

[Ahmed Amin]

كل العربيات الجديدة شغالة بالكمبيوتر,, سواء أوروبي من بيجو ورينو أو bmw أو حتي الكوري والصيني,,
بيعمل أيه الكمبيوتر ؟ بيعمل حاجات كتير علي حسب نوع العربية,,

بس الأساسي في كل عربية أنو هوا اللي بينظم توقيت الأشتعال جوا الموتور وكمية أو خليط البنزين والهواء المناسبين عشان تاخد أعلي أداء من الموتور مع نسبة عادم قليلة,
فيه أنظمة تانية زي بتاعت الفرامل اللي بتوزع قوة الفرامل علي الفرد اللي أحتكاكها أعلي بالأرض أو اللي ماسكة في الأرض كويس لو كنت ماشي علي أرض نصها مية أو ترابة ونصها التاني أسفلت,

الحاجات في كل العربيات الجديدة, مش في البيجو 508 بس.
والكمبيوتر بتاعها أو بتاع أي عربية مش بيبقي فيه مشاكل زي ما صاحب الحاج قاله.!

[gade2]

كل العربيات الجديدة شغالة بالكمبيوتر,, سواء أوروبي من بيجو ورينو أو bmw أو حتي الكوري والصيني,,
بيعمل أيه الكمبيوتر ؟ بيعمل حاجات كتير علي حسب نوع العربية,,

بس الأساسي في كل عربية أنو هوا اللي بينظم توقيت الأشتعال جوا الموتور وكمية أو خليط البنزين والهواء المناسبين عشان تاخد أعلي أداء من الموتور مع نسبة عادم قليلة,
فيه أنظمة تانية زي بتاعت الفرامل اللي بتوزع قوة الفرامل علي الفرد اللي أحتكاكها أعلي بالأرض أو اللي ماسكة في الأرض كويس لو كنت ماشي علي أرض نصها مية أو ترابة ونصها التاني أسفلت,

الحاجات في كل العربيات الجديدة, مش في البيجو 508 بس.
والكمبيوتر بتاعها أو بتاع أي عربية مش بيبقي فيه مشاكل زي ما صاحب الحاج قاله.!

جميل الكلام دا

[tameraast]

الفتى كتير اوى فى البلد دى :d
و الهرى كمان

[Anxs111]

عندك حق يا باشا ...
اللهم احفظنا ...
وتلقي الواحد وهو بيفتي مصدق نفسه ...مش عارف ازاي ...

[محمد عز]

السؤال الأهم

صاحب الحاج شايف انهو عربية مناسبة حسب وجهة نظره؟

[ahmed sa3ed]

السؤال الأهم

صاحب الحاج شايف انهو عربية مناسبة حسب وجهة نظره؟

فعلا سالتوا قالى هوندا سيفيك واو تويتا كورولا بس الحمد لله شرحت كل حاجة لابويا وفهم الدنيا ماشيه ازاى والحمد لله ال 508 داخله دماغوا اوى

[mahmed0100]

وضح للحج كمان ان الكورولا و الهوندا فيهم كمبيوتر بردوا .. و ربنا يرحمنا من اصحاب المدارس القديمه في العربيات :). و مبروك مقدما يا باشا