حاجة غريبة حصلت في 301

[modysasazin]

النهاردة الصبح جاي ادور العربية سمعت صوت تكتكة غريبة في الموتور
لمدة ثواني وبعدين الموتور اتبرجل زي مايكون فاصل بوجيه
ولمبة التشيك بقت بتنور وتطفي
بطلت العربيه لقيت المروحة شغالة على اقصى سرعة ومش عايزة تفصل
مع ان العربيه بارده اصلا وانا فاصل الكونتاكت
بصراحة انا قلقت وما بقيتش عارف اعمل ايه
قلت اما افصل البطارية واجرب
الحمدلله فعلا العربية اتظبطت وبقت زي الفل
بس انا كنت عايز تفسير للي حصل دا
مع العلم ان العربية مش ماشية الا 1600 كم
وما بحطش بنزين الا من محطات امارات مصر او شيل البحر الاعظم
والاتنين بنزينهم كويس وعن تجربة
اسف على الاطالة وارجو الافاده
اخوكم
د/ محمود صالح

[wel781]

منابع

[المعداوي]

انا كمان مهتم أعرف تفسير ده إيه و إن شاء الله افخوة هنا في المنتدى حيفيدونا

[Ahmed Amin]

التكتكة ممكن تكون من كابل البطارية مكنش ماسك كويس,, أو شحن البطارية ودي بتكون علامات إن البطارية مش كويسة,, ولو وحشة المفروض تتغير لك,
وعشان العربية تبرجل كدا هيبقي في الغالب عندك مشكلة في بوجيه مرطب, أو الكهرباء مكنتش مظبوطة.
أنت فاضلك 900 كيلو علي معاد الصيانة الأولي المجانية,,

لما تروح الصيانة أحكي لهم علي اللي حصل, هيدخلو علي العربية بالكمبيوتر وهيعرفو أنهي سيلندر بالظبط اللي كان فيها misfire وعشان كدا العربية كانت مبرجلة ومتلتة معاك, وهيغرو لك البوجيه دا أو طقم البوجيهات الأربعة,
وهيكشفو علي الموبينة عشان يتأكدو منها ومن الكهرباء,
ويتأكدو من وصلات البطارية وشحنها عشان متعملش التكتكة معاك تاني,

[mohamed hussei]

لية ياباشا شيلت كبل العربية كنت اصبر ربع ساعة كدة او كنت تروح للتوكيل بسرعة علشان كان يشوفلك اليرور دة منين علشان كدة اتمسح

[Mahmoudelgen]

انصح حضرتك تقري الموضوع دة عشان تقريبا نفس الموضوع و هو مش مشكلة من وجهة نظري

http://www.nilemotors.net/Nile/382292-301.html

و خاصة مشاركة الاستاذ احمد امين

http://www.nilemotors.net/Nile/3875219345-post9.html

و استاذ محمد نبيل

http://www.nilemotors.net/Nile/3875220967-post16.html

و ان شاءالله خيير

[Ahmed Amin]

لية ياباشا شيلت كبل العربية كنت اصبر ربع ساعة كدة او كنت تروح للتوكيل بسرعة علشان كان يشوفلك اليرور دة منين علشان كدة اتمسح

تصحيح صغير, الأيرور مش بيتمسح, حتي لو شال الكابل وحطه 100 مرة,,
لمبة Check Engine ممكن تروح لما يشيل الكابل ويركبه, لكن ال Error مش بيتمسح.

[modysasazin]

التكتكة ممكن تكون من كابل البطارية مكنش ماسك كويس,, أو شحن البطارية ودي بتكون علامات إن البطارية مش كويسة,, ولو وحشة المفروض تتغير لك,
وعشان العربية تبرجل كدا هيبقي في الغالب عندك مشكلة في بوجيه مرطب, أو الكهرباء مكنتش مظبوطة.
أنت فاضلك 900 كيلو علي معاد الصيانة الأولي المجانية,,

لما تروح الصيانة أحكي لهم علي اللي حصل, هيدخلو علي العربية بالكمبيوتر وهيعرفو أنهي سيلندر بالظبط اللي كان فيها misfire وعشان كدا العربية كانت مبرجلة ومتلتة معاك, وهيغرو لك البوجيه دا أو طقم البوجيهات الأربعة,
وهيكشفو علي الموبينة عشان يتأكدو منها ومن الكهرباء,
ويتأكدو من وصلات البطارية وشحنها عشان متعملش التكتكة معاك تاني,

شكرا على ردك يا استاذ احمد
بس التكتكة دي كانت في الموتور بعد ما دارت
لان تكتكة البطارية انا عارفها ومجربها
بس كنت عايز اسال حضرتك كمان على موضوع المروحة اللي فضلت شغالة بأقصى سرعة حتى بعد ما بطلت العربيه

[modysasazin]

لية ياباشا شيلت كبل العربية كنت اصبر ربع ساعة كدة او كنت تروح للتوكيل بسرعة علشان كان يشوفلك اليرور دة منين علشان كدة اتمسح

كان لازم اشيل الكابل يافندم لان المروحه كانت شغالة على اقصى سرعه حتى بعد ما بطلت العربيه
فكنت مجبر اعمل كده

[Ahmed Amin]

شكرا على ردك يا استاذ احمد
بس التكتكة دي كانت في الموتور بعد ما دارت
لان تكتكة البطارية انا عارفها ومجربها
بس كنت عايز اسال حضرتك كمان على موضوع المروحة اللي فضلت شغالة بأقصى سرعة حتى بعد ما بطلت العربيه

التكتكة بعد ما العربية تدور ممكن تكون من علبة الفيوزات,,
وممكن تكون بسبب إن الموتور شغال علي 3 سلندر بسبب البوجيه اللي فاصل أو ال misfire اللي حاصل,

المروحة ممكن تفضل شغالة بعد ما العربية تفصل وتشيل منها المفتاح,, ودا بيكون طبيعي في حالة أنك ترجع من مشوار طويل وتكون درجة الحرارة عالية جداً,,
هتفضل المروحة شغالة شوية حوالي من 5 - 10 دقايق بعد كدا تفصل.
وهتلاقي دا مكتوب في الكتالوج, يعني لو مكنتش فصلت البطارية وسيبتها من 5 ل 10 دقايق كانت هتفصل لوحدها.

بس عشان تشتغل معاك وهيا باردة, دا هيكون في الغالب بسبب البرجلة اللي حصلت معاك,
لأن ساعات كتير بيكون فيه عيب ويسمع في عيب تاني أو حاجة تانية ملهاش علاقة بالمشكلة الأساسية,,

فأنت لما تروح لهم وتحكي لهم اللي حصل هما هيشوفو علي الكمبيوتر العربية مسجلة خطأ أيه,,
وأطلب منهم يكشفو علي سينسور الحرارة و علبة الفيوزات والتوصيلات اللي داخلة فيها من البطارية لأنها في الغالب السبب.

[modysasazin]

التكتكة بعد ما العربية تدور ممكن تكون من علبة الفيوزات,,
وممكن تكون بسبب إن الموتور شغال علي 3 سلندر بسبب البوجيه اللي فاصل أو ال misfire اللي حاصل,

المروحة ممكن تفضل شغالة بعد ما العربية تفصل وتشيل منها المفتاح,, ودا بيكون طبيعي في حالة أنك ترجع من مشوار طويل وتكون درجة الحرارة عالية جداً,,
هتفضل المروحة شغالة شوية حوالي من 5 - 10 دقايق بعد كدا تفصل.
وهتلاقي دا مكتوب في الكتالوج, يعني لو مكنتش فصلت البطارية وسيبتها من 5 ل 10 دقايق كانت هتفصل لوحدها.

بس عشان تشتغل معاك وهيا باردة, دا هيكون في الغالب بسبب البرجلة اللي حصلت معاك,
لأن ساعات كتير بيكون فيه عيب ويسمع في عيب تاني أو حاجة تانية ملهاش علاقة بالمشكلة الأساسية,,

فأنت لما تروح لهم وتحكي لهم اللي حصل هما هيشوفو علي الكمبيوتر العربية مسجلة خطأ أيه,,
وأطلب منهم يكشفو علي سينسور الحرارة و علبة الفيوزات والتوصيلات اللي داخلة فيها من البطارية لأنها في الغالب السبب.

ربنا يخليك لينا وما يحرمناش من ذوق حضرتك
وجزاك الله عنا خير الجزاء

[Ahmed Amin]

ربنا يخليك لينا وما يحرمناش من ذوق حضرتك
وجزاك الله عنا خير الجزاء

الله يكرمك,
ومتنساش تبقي تطمنا عملت أيه لما تروح الصيانة وترجع منها علي خير.

[eng_alaaali440]

قدر الله وماشاء فعل . لو حضرتك فاضى ممكن تسجل على رقم الهوت لاين الخاص ببيجو وتروح فرع الصيانة قبل ميعاد الصيانة المجانية لل 2500 لأن ده عطل مفاجىء وعلشان حضرتك تكون كمان مطمن على العربية وبالتوفيق دائما"

[mohamedadelemam]

خير يا فندم ان شاء الله كانت بتحصل كتير عندى بسبب ان اواطيش البطاريه كانت مشروخه ومش قافله كويس فى مكانها

[S.Hasan]

هو انا عندي سؤال لو انت روحت قبل ميعاد الصيانة ب 2500 بتروح عليك الميعاد ده ولا انت بيبقي ليك انك تروح اي وقت بيظهر في مشكلة في العربية ؟؟