اية رأيكم فى بيجو 405 وهل هى احلى ولا مرسيدس200

[msfmagdy]

اية رأيكم فى بيجو 405 وهل هى احلى ولا مرسيدس200
من حيث بهدلة طرق مصر
وقطع الغيار وتوافرها العربيتين ايهما افضل
واسعارهم اية

[Ahmed Amin]

مرسيدس 200 موديل كام ؟ وبيجو 405 موديل سنة كام ؟؟

عموماً المرسيدس أفضل طبعاً من ناحية الركوبة والراحة عن ال 405, دي مفهاش كلام.
بس عيوب المرسيدس القديم أستهلاك بنزين بشكل عالي جداً ومهلك ومش موفر خالص زي ال 405
وقطع غيار أغلي.

[msfmagdy]

تب لو سمحت هو هيبقى فية مشاكل لو قلبت العربية غاز وكنت عايز اعرف حضرتك تعرف اسعار البيجو والمرسيدس كام

[Akram.Gamal]

عادى ممكن تقلبها غاز بس انت حشان تعمل كده هتدفع 5000 الاف جنيه
او تقسط 240 جنيه لمدة سنتين انا شايف كلام مبالغ فيه
لان انت حتى لو عندك غاز يتفول بنزين كل فتره حشان تسخن الصبح عليه
و بعدين تنك الغاز بيمشى 130 كم فقط
ده غير مشاكل الغاز فى العربيات القديمه كتير بصراحه منصحكش بيه

لو احنا كل الفات ده قصاد 405 يبقا اشترى دماغك احسن ... فقهمت قصدى ..؟؟
ولو عايز تعرف حاجه معينه عن الغاز اتفضل !!

[eleanor]

المرسيدس افضل من ال 405
وبلاش فكره الغاز لانه فاشل بلذات فى المواتير القديمه هايخليك تعمر الموتور كل سنه
وبالنسبه للاسعار المرسيدس موديل من 79 ل84 بتتكلم30 لحد 65 حسب الحاله والموديل والكماليات

[Akram.Gamal]

انا شايف انك متفكرش فى المرسيدس الا لو وقعلك حاجه نظيفه و بسعر كويس
و خلى بالك العربيه دى بتستهلك بنزين اكتر مما تتخيل بكتير

[msfmagdy]

اولا شكرا لكل الى ردو
كنت عايز اعرف سعر بيجو405 مو 1994

[AHMEDOOF]

رأيي ان 405 موديل لغاية 2003 هاتكون أرخص في سعرها و سعر قطع غيارها و صيانتها من المرسيدس بس إبعد تماماً عن ال405 الإيراني لإنها مش بيجو و مش 405....
و بالتوفيق