استفسار بسيط بخصوص عدادات بيجو 301

[m.basha]

السلام عليكم كنت قريت الكتالوج بتاع العربية و تصفحته لقيتهم كاتبين ان مكان العدات اللى قدام السائق ممكن تبين غير عداد الكيلو متر و عداد الرحلات كمية الكيلو مترات اللى ممكن تمشيها بالبنزين اللى فى العربية ولقيت اشارات كتبينها زى لما تكون ممور و حاترجع تحط غيار بيظهر فى التابلوه شكل دواسة الفرامل انك لازم تدوس فرامل عشان تنقلو شويه حاجات كده يعنى انا عارف ان استهلاك البنزين و عدد الكيلو مترات المسموح بيها بيظهر فى الشاشة اللى فى النصف فوق الكاسيت انا سؤالى فى المكان اللى امام العدادات بتاعة العربية السؤال الثانى و انا ماشى على سرعة ابتداءا من 60 و طالع فيه زى صوت ونة خفيفة اوى و انا قافل الزجاج انا كنت متابع قبل كده ناس قالت الموضوع ده و قالوا ان ده كانت صوت الاريال و اللى كان قال الكلام ده الاستاذ عمرو و فى ناس قالت ده ممكن يكون من الكاوتش عشان لسه جديد و الصوت حايروح بعد كده مش عارف بصراحة الصوت البسيط اوى ده ممكن يبقى من ايه هو على فكرة مش صوت عالى و لا حاجة بس مجرد استفسار و شكرا لحضراتكم

[maxx]

متابع

[mahmed0100]

اممم و بعدين في موضوع الصوت ده ... العزل مش قد كده و لا في ايه في العربيه !!!!!

[amrelsaqqa]

مفيش اصوات على 60 خالص في العربية
لو صوت على 80 ، 90 ، 100 ده فعلا صوت ونة وبيروح لما اشيل الاريال فعلا !
بعد 130 صوت الهوا الخارجى اللى ممكن تسمعه في اي عربية اصلا ، بس مش مزعج لان صوت الموتور ساعتها هيكون عالى بردو :D


بالنسبة للعدادات والبيانات اللى فيها ، تقدر تستعرض وتقلب كل حاجة عن طريق الزرار اللى في طرف دراع المساحات

ولقيت اشارات كتبينها زى لما تكون ممور و حاترجع تحط غيار بيظهر فى التابلوه شكل دواسة الفرامل انك لازم تدوس فرامل عشان تنقل

بيتهيألى الكلام ده في الفتيس الـ Semi automatic اللى هو مانيوال من جوة بس بتحكم الى ودبرياج كهربا وده اصلا ما نزلش في مصر ( تقدر تشبهه بالايزي ترونيك بتاع اوبل ، وده مش موضوعنا هنا خالص ومالوش لزمة نتكلم فيه لانه ما نزلش عندنا من الاساس )

[m.basha]

بالنسبة للعدادات والبيانات اللى فيها ، تقدر تستعرض وتقلب كل حاجة عن طريق الزرار اللى في طرف دراع المساحات

هومن طرف ذراع المساحات ده بيظبط الشاشة اللى فى النصف تمام لكن بيظبط كمان الكتابة اللى عند العدادات ازاى ؟

[m.basha]

[QUOTE=amrelsaqqa;3875288835]مفيش اصوات على 60 خالص في العربية
لو صوت على 80 ، 90 ، 100 ده فعلا صوت ونة وبيروح لما اشيل الاريال فعلا !
بعد 130 صوت الهوا الخارجى اللى ممكن تسمعه في اي عربية اصلا ، بس مش مزعج لان صوت الموتور ساعتها هيكون عالى بردو :D

هو ممكن يكون الصوت على 80 بس ايه علاقته بالاريال يا باشا هى مش سرعة عالية اوى لدجة انه يعمل صوت ونه مش عارف ممكن يبقى الكاوتش بيعمل كده فى الاول لحد ما يطبع زى ما بيقولوا مش عارف ممكن

[amrelsaqqa]

[QUOTE=m.basha;3875289058]

مفيش اصوات على 60 خالص في العربية
لو صوت على 80 ، 90 ، 100 ده فعلا صوت ونة وبيروح لما اشيل الاريال فعلا !
بعد 130 صوت الهوا الخارجى اللى ممكن تسمعه في اي عربية اصلا ، بس مش مزعج لان صوت الموتور ساعتها هيكون عالى بردو :D

هو ممكن يكون الصوت على 80 بس ايه علاقته بالاريال يا باشا هى مش سرعة عالية اوى لدجة انه يعمل صوت ونه مش عارف ممكن يبقى الكاوتش بيعمل كده فى الاول لحد ما يطبع زى ما بيقولوا مش عارف ممكن

بص هى مش منطقية ومش هعرف افسرهالك بس دى حاجة ثبتت معايا بالتجربة

بالنسبة للزرار اللى في دراع المساحات بيقلب عندى في شاشة العدادات نفسها ، مش عارف ايه نظام الهايلاين

[m.basha]

[QUOTE=amrelsaqqa;3875289269]

بص هى مش منطقية ومش هعرف افسرهالك بس دى حاجة ثبتت معايا بالتجربة

بالنسبة للزرار اللى في دراع المساحات بيقلب عندى في شاشة العدادات نفسها ، مش عارف ايه نظام الهايلاين

عموما هو الصوت مش واضح خالص عشان الناس ما تتوهمشى هى بس الواحد مركز معاها عشان جديدة زيادة عن اللزوم بالنسبة لطرف زراع المساحات بيعرض عندى لما تدوس عليه فى الشاشة اللى فوق الكاسيت مش عارف فى طريقة بيجيب بيها كمان مكان العدادات اى معلومات غير اللى موجوده و لا العدادات فى الهاى لاين بيبقى رقمين عداد الرحلات و عداد الكيلومترات بتاع العربية مش عارف بصراحة

[Ahmedshalaby]

بص يا محمد باشا
مبروك العربية يا ترا رخصت ولا لسه
دا نفس الصوت اللي انا اتكلمت عنه و بيظهر عند ٦٠ صوت الهوا الخارجي خصوصا على البحر
انا عديت على التوكيل مرة و قلت اسالهم و طلع واحد معايا جرب العربية و فعلا قاللي دا صوت هوا اللي برا جنب شباكك وانت سايق و ممكن بتظبيط الكاوتشة اللي في الباب يروح
المهم قاللي ندخلها للسروجي يبص عليها و طبعا التاني قاله دا كالفبريكة و مافيهوش اي مشكلة
و قاللي ممكن ترش سبراي كدا بيغذي الجلد و ينفشه فيقلل الصوت دا او انساه
و اعتقد ان كل الفئة دي من العربيات فيها الموضوع دا
احنا بس اللي مركزين معاها زيادة

[bmw z3]

موضوع العداد دة سهل فى ال 508 من الزراير الي علي اليمين في الدركسيون انما ال301 معرفش

[m.basha]

بص يا محمد باشا
مبروك العربية يا ترا رخصت ولا لسه
دا نفس الصوت اللي انا اتكلمت عنه و بيظهر عند ٦٠ صوت الهوا الخارجي خصوصا على البحر
انا عديت على التوكيل مرة و قلت اسالهم و طلع واحد معايا جرب العربية و فعلا قاللي دا صوت هوا اللي برا جنب شباكك وانت سايق و ممكن بتظبيط الكاوتشة اللي في الباب يروح
المهم قاللي ندخلها للسروجي يبص عليها و طبعا التاني قاله دا كالفبريكة و مافيهوش اي مشكلة
و قاللي ممكن ترش سبراي كدا بيغذي الجلد و ينفشه فيقلل الصوت دا او انساه
و اعتقد ان كل الفئة دي من العربيات فيها الموضوع دا
احنا بس اللي مركزين معاها زيادة

الله يبارك فيك يا ابو حميد لسه و الله ما رخصتش لحد دلوقتى قالولى على الاسبوع ده بالكتير عندهم بطء غريب اوى الناس ده هانت ان شاء الله بس انا بتحرك بيها بس فى القليل يعنى اوقات معينة كده