باب بيجو 301

[S.Hasan]

عندي ملاحظة علي الباب وانا بقفله في المعرض انه مش بيتقفل بسهولة يعنى لازم وانت بتقفله تديله رزعه بسيطة وجربت في بقية العربيات اللي واقفة نفس الكلام علي الرغم لما بركب مثلا مع اصحابي كورولا او اي حاجة تانية الباب بيتقفل بسهولة فهل ده صحيح ولا متهيالي

[amrelsaqqa]

صحيح وخصوصا لو بتقارن بكورولا
انا عندى الكورولا اصلا بتخنق منها قفلتها خفيفة جدا بغباء ، مش عارف ده في عربيتنا احنا بس ولا لا ، بقفل الباب بحس انى قفلت باب مطبخ :d

بس في نفس الوقت باب البيجو برضو تقيل بزيادة ولو عربية مش زيرو كنت هقول الابواب دى عايزة تتظبط !

سيبك انت مفيش زي قفلة الـ 504 القديمة :d

[S.Hasan]

انا ملاحظ حاجة كل اللي بيشتري ال 301 بيجي يعمل تقرير انه استلم ومشاركته بتبقي قليلة

ياتري انا لما استلم هعمل زيهم :-)

[m.basha]

هى الابواب فعلا قفلتها تقيلة و مش بتقل غير لما تديها قفلة جامدة مش عارف ممكن مع الاستخدام اعتقد الموضوع ممكن يبقى اسهل و يقفل بسهولة اكتر اصل بصراحة صعب تروح لحد بتاع ابواب عشان يعمللك اى حاجة و العربية زيرو يعنى

[kamero]

ياباشا مع الاستخدام هيبقى مايه

[hazem_alaedin]

العربيات الأوروبى أبوابها تقيلة, و ده نتيجة أن صاجها محمل و متين !!! علشان كده لازم تهبدها و انت بتقفلها :))))

[m.basha]

العربيات الأوروبى أبوابها تقيلة, و ده نتيجة أن صاجها محمل و متين !!! علشان كده لازم تهبدها و انت بتقفلها :))))

بس يا باشا مش كل الاوربى كده هى فعلا ال 301 ابوابها تقيلة شوية يعنى قليل لما تقفل معايا من اول مرة خصوصا الابواب الخلفية

[eng_alaaali440]

[QUOTE=S.Hasan;3875289450]عندي ملاحظة علي الباب وانا بقفله في المعرض انه مش بيتقفل بسهولة يعنى لازم وانت بتقفله تديله رزعه بسيطة وجربت في بقية العربيات اللي واقفة نفس الكلام علي الرغم لما بركب مثلا مع اصحابي كورولا او اي حاجة تانية الباب بيتقفل بسهولة فهل ده صحيح ولا متهيالى
بالنسبة لموضوع الباب ده عادى جدا" وده بسبب ان جميع الشبابيك والأبواب بالعربية بتكون مغلقة وهذا بسبب فرق الضغوط الخارجية والداخلية للعربية ولكن جرب تقفل الباب عندما يكون هناك زجاج مفتوح ولو حتة صغيرة فى العربية هتلقى الباب بيقفل بكل سهولة

[eng_alaaali440]

عندي ملاحظة علي الباب وانا بقفله في المعرض انه مش بيتقفل بسهولة يعنى لازم وانت بتقفله تديله رزعه بسيطة وجربت في بقية العربيات اللي واقفة نفس الكلام علي الرغم لما بركب مثلا مع اصحابي كورولا او اي حاجة تانية الباب بيتقفل بسهولة فهل ده صحيح ولا متهيالي

بالنسبة لموضوع الباب ده عادى جدا" وده بسبب ان جميع الشبابيك والأبواب بالعربية بتكون مغلقة وهذا بسبب فرق الضغوط الخارجية والداخلية للعربية ولكن جرب تقفل الباب عندما يكون هناك زجاج مفتوح ولو حتة صغيرة فى العربية هتلقى الباب بيقفل بكل سهولة

[kogak1987]

اي عربية اوروبي او محترمة بتبقى كده لان صاجها تقيل و بيفرق في عزل الباب كأنك بتكتم حاجة عشان تقفلها .. معظم الاوروبي و الكوري و الياباني لما بيكون خليجي بتبقى ابوابها قفلتها تقيلة

[m.basha]

اي عربية اوروبي او محترمة بتبقى كده لان صاجها تقيل و بيفرق في عزل الباب كأنك بتكتم حاجة عشان تقفلها .. معظم الاوروبي و الكوري و الياباني لما بيكون خليجي بتبقى ابوابها قفلتها تقيلة

طيب يا باشا ما هو bmw صاجها تقيل و قفلت باباها 10/10 مافيش تقل فى قفلها مش عارف ممكن لما البيجو بعد كده من الاستخدام تبقى افضل

[amrelsaqqa]

طيب يا باشا ما هو bmw صاجها تقيل و قفلت باباها 10/10 مافيش تقل فى قفلها مش عارف ممكن لما البيجو بعد كده من الاستخدام تبقى افضل

هو قصده الباب ماسك نفسه وتقيل في الاوربى كله ، وده فعلا ....

انما باب الـ 301 تحس ان الباب محتاج ظبط ، يعنى تقيل اه ، بس في نفس الوقت لو ما رزعتوش يقفل نص قفلة ، انا الموضوع ده حاسس انه قل عندى بدرجة بسيطة عن وضع الزيرو ، ويمكن يتظبط لوحده بعد كدة ، ولو بعد كدة ما اتظبطش يبقى الكالون يتظبط عادى ع الوضع اللى يريحك بس على ما العربية تقدم شوية وتقدر تظبط فيها اي حاجة ، عكس ما هى لسة زيرو عمرك ما هتلعب في حاجة فيها

[Moh.El Saady]

يا جماعة مشكلة الباب دي ممكن تتحل في التوكيل عادي جدا وانت بتعمل الصيانة قولهم عليه وهما هيخفوه شوية

[Akram.Gamal]

ايوه هما هيظبطوه فى التوكيل ان شاء الله لان ال راح عمل صيانة 2500 قال انهم بيربطوا ع الابواب
و بعدين دى مسألة تعود برضو مش حوار خطير يعنى ولا ايه . ؟ مش الحاجه ال تضايق !!صح ولا ايه ؟