اسفسار هام للجمبع

[Nour_Peugeot]

السلام عليكم

اولا احب اعرفكم بنفسي

انا نور الدين من القاهرة و بقالي 3 سنين بسوق بيجو 405 gl موديل 90 هي مش بتعتي بتاعت ولدي انا عندي 17 سنو و بجري قس ال 18 و بقالي 5 سنين بسوق منغير رخصة هههههههههه

معلش بقي

انا منكتر عشقي للعربية دي بحرم نفسي من حجات كتير علشان احوش فلوس علشان عيز اجبها

انا من فتره كده حوالي اسبوعين طلعت علي طريق السويس و مشيت علي سرعة 192 او 193 مش عارف بس العربية مش قادرة تجيب اكتر من كده هو كده اخرها ولا ايه النظام و عيز اعرف هي كام حصان و ايه رايكم في موتور البرستيج احسن ولا ال mi من حيث سحب البنزين و يريت لو اعبكم شوية و تعملولي مقارنة كاملة بينهم


انا اسق اني طولت عليكم و ياريت تعتبروني اخوكم الصغير و كل سنة و انتم طيبين

[Nour_Peugeot]

محدش عبرني يعني ههههههه

[Mahmoud_405]

اهلا بيك يانور
اولا انا مش عايزك تمشي بسرعة كده خطر قوي انا عارف ال البيجو 405 ثابتة ومبتحسيش بالسرعة لكن اي حاجة لو حصلت في السرعة دي يبقي باي باي..........
البرستيج 2000 سي سي انجكشن 123 حصان موتور حلو وقوي اخر سرع جبتها كانت 190 بالتكييف بس مازروتش لاني كنت خايف وعمري مماشيت بالسرعة دي تاني لاني كنت بجرب العربية وقت مانا كنت لسة شاريها
وال Mi16 1900 سي سي 155 حصان واحسن من موتور البرستيج بس مشكلتة انوا نادر وقطع غياره صعب تلاقيها.

1600 موتورها حلو جدا بالنسبة لاي عربية 1600 موديل 90 والصيانة بتاعتها رخيصة علشان كربرانير ومادام جبت بيها 193 يبقي الموتور لسة بحالة يص 193 كتير عي عربية بقالها 18 سنة ولو فضلت ناشي بيها كتير الموتور حيتعب منك ويفوت.. ولو انت عايز تسقط موتور البرستيج لاوم تعدل في الفرامل وتغير طنابير خلفية وامامية واتغير الفتيس وده حتخوش في 5 الاف جنية.
واي سؤال انا تحت امرك

[Nour_Peugeot]

اولا شكرا جدا جدا علي ردك
و ثانيا انا دلوقتي عندي حلين انا عيز احول العربية اجكشن

اي رايك احولها ولا اجيب موتور mi و اروش العربية معا العلم ان من عشاق السرعة و السفر و الحمد لله انا بجري بعقل مش بتطهور و ربنا يهدينا يا رب

[Mahmoud_405]

لا موتور ال mi16 احسن ماتحولها انجكشن بس ده اولا عايز انك تلاقي الموتور ده وتكون حالة كويسة و ثانيا تلاقي حد بيفهم يركبهوللك

[Nour_Peugeot]

انا معايا مكانيكي ربنا يكرمة بيحب البيجو و كان شغال في التوكيل
بس ربنا فتحها عليه و عمل ورشة و احلا حاجة فيه انه بيشتغل ب مذاج

يس عيز اسال سوال ثالث معلش بقي انا عارف اني ممل

ايه الهيحتاج يتغير في العربيا غير الموتور و التكلفة الاجماليه كام ؟

[the-hero]

بص يا نجم الفرق بين البرستيج وال mi أن البرستيج 8صباب وأحد كامة 2000 سي سي وال mi ي16 صباب 2 كامة1900 سي سي بتسحب بنزين كتير بس عزم جامد جدا
أنصحك بالبرستيج لسهولة الصيانة وقطع الغيار
هتجيب ماتور بالفتيس باليونت بالضفيرة يعمل 3500 -4000
2 مساعدين برستيج بالطنابير بالتيل يعملوا فى حدود 800
وبس ولو عايز تعملها على الجد والمظبوط تجيب تبلوة برستيج بالضفيرة يعمل 1000 جنيه وممكن تدخلة فى اللى عندك

[amir]

السلام عليكم

اولا احب اعرفكم بنفسي

انا نور الدين من القاهرة و بقالي 3 سنين بسوق بيجو 405 gl موديل 90 هي مش بتعتي بتاعت ولدي انا عندي 17 سنو و بجري قس ال 18 و بقالي 5 سنين بسوق منغير رخصة هههههههههه

معلش بقي

ياريت تعتبروني اخوكم الصغير و كل سنة و انتم طيبين

بص يا نور الدين
معني كلامك انق بتسوق و انت عندك 14 سنه البيجو و بقالك كمان 5 سنين و انت بتسوق من غير رخصه يبقي كنت بتسوق من غيرها و انت عندك 12 سنه
انا عارف ان كلامي هيزعلك بس انت قلت نعتبرك اخونا الصغير, و كلامي يزعلك احسن ليك الف مره من انك تعاني و تبهدل اهلك معاك لا قدر الله
انت عارف القياده من دون رخصه في حاله الحوادث لاقدر الله عقوبتها ايه؟ ساعتها بتعامل بدل قتل خطأ و سجن مع ايقاف التنفيذ بتتحول الي جريمه قتل عمد, كل ده علشان الرخصه اللي انت بتسوق من غيرها, شايف حته البلاستك دي بتفرق ازاي؟!!
ده غير ان سنك بكل المقاييس و حتي من غير كلام عن سنك السرعات اللي بتتكلم فيها دي سرعات جنونيه و بتاعت واحد عايز ينتحر
اتق الله في نفسك و اهلك السواقه ملهاش كبير, مش مصدقني عايزك تروح اي مستشفي و تبص علي الاستقبال و تشوف بعينك الناس بتيجي في الحوادث شكلها عامل ازاي

[Nour_Peugeot]

حتضر يا عمرو بس انا عندي 17 سنة دلوقتي لسه تممهوم انهرده

و خلاص هسمع كلامك و الله بس احنا ظروفنا تتطلب اكتر من واحد في البيت سوق و انا اكبر اخواتي و مش هخلي امي تسوق علشان بكره سواقت الستات شكرا

و يا هيرو انا عيز محرك جبار مهو لو علي البرستيج مجبها و احول فتيس عاده احسن ولا ايه رايك ؟

[Nour_Peugeot]

اسف يا امير انا قرات الاسم عمرو

و ثانيا انا مبجريش بالعربية في طرق زحمة علشان محدش يعرف ايه المكتبلنا انا قولت اجرب اشوف اخر العربية كام و الحمد لله احلي حاجة فينا اننا اول ما بنسمع اي صوت في العربية بنعمله ربنا يكرم الهيشتريها بقي

و شكرا علي النصيحة الغاليه و انا خلاص اعتبرتكم اخواتي كلكم

[محمد ابراهيم 1]

على مهلك حاسب على مهلك

[Nour_Peugeot]

حاضر انا تحت امرك هههههههههه