فرار اخير بالنسبة لل 301

[معتز صلاح الدي]

السلام عليكم :)
بصوا يا جدعان انا هريت كل التقارير عن 301 عندكم و صراحة انا منبهر بالمجهود الرهيب ما شاء الله
من الاخر انا قررت اجيبها ان شاء الله و بعد كل الهرس ده انا مش عايز حاجة خالص غير قرار اخير مساعد لاني لاحظت بعض التضارب في الاراء عن صوت الموتور علي سرعة معينة و السحب و الفرامل و الثبات علي السرعة و انا ان شاء الله قررت الهاي لاين
اجيبها بقي و لا لاااااااااااااااااااااااااااااااااء و حد عنده اي معلومة مفاجئة :)

[S.Hasan]

توكل علي الله واستخير وهاتها عربية جميلة ما شاء الله
انا لسه مستلم النهاردة بس الحمد لله محدش اشتكي منها لغاية دلوفتي

[damasry]

صوت الموتور مش عالى
السحب جميل وبحسه افضل فى السرعات العالية
الفرامل ممتازة
الثبات جميل بس مش رائع اوى (سرعات فوق ال160)

[Silent~Dream]

العربيه دى بجد best value for money و تستحق كل الفلوس الى تدفع فيها جوده و تقفيل و تسارع و فرامل ممتازين وشنطه كبيره 506 لتر و اداء عالى جدا بالنسبه لفئه العربيه و سعرها 0-100 فى 9.4 للمانوال و 10.8 للاوتو و افضل كثير من عربيات اعلى منها كاداء

Peugeot 301 1,6i 2013 - acceleration 0-190 km/h - YouTube

صوت الموتور هيزيد على تاكومتر فوق 4500-5000 باختصار لو بتشد او بتقرص على العربيه هتسمع صوت الموتور و لو ماشى هادى او سرعات و نقل متوسط مش هتسمع صوته و بالنسبه لصوت الهواء على سرعات عاليه مثلا 160 فيه كذا عضو فاضل اشاروا ان فيه صوت بسيط من ورا ولازم تركز عشان تسمعه و لو مشغل الكاسيت مش هتسمع حاجه

[mohamedxsayed]

ماشاء الله العربيه بتنتشر بسرعه والواحد مسمعش حاجه وحشه عنها

[Akram.Gamal]

عليك بالاستخــــــــــاره
و ال ربنا يهديك ليه هو الخير ان شاء الله

[Amgad A.alim]

توكل على الله واحجز السيارة فى توكيل بيجو أفضل
الكل يعرف بيجو وسمعتها فى السوق المصرى
سوف تقتنى قطعة ذهبية ، إذا أردت بيعها فى أى وقت - لا قدَر الله - ستجد لها ألف مشترى وبسعر مرتفع

وبالتوفيق إن شاء الله