مشكلتين فى تكييف الـ 301

[mans336]

السلام عليكم ورحمة الله وبركاته
انهرده كنت قافل الازاز الصبح ومش مشغل التكييف
المهم فوجئت ان الهوايات بتاعة التكييف بتدخل هوا وهو مقفول!!!!!
وكل لما ازود فى السرعه طبعا الهوا يزيد اللى داخل من الهوايات
دى اول مشكله
تانى مشكله ان والتكييف شغال بيدخل اى ريحه بره فى الطريق
يعنى لو فى تراب او دخان بشمه جوه وانا فى العربيه والازاز مقفول والتكييف شغال!!!!!!!!
حد عنده الموضوع ده فى العربيه ولا ايه؟؟؟

[Hema_Basha]

يبقي انت عامل التكييف من بره العربية

[elmkaneeki]

دوس علي زرار تدوير الهوا

[mans336]

طيب بالنسبه ان الهوايات بتدخل هوا والتكييف مقفول؟؟؟

[Akram.Gamal]

بص يا باشا انت هتعمل الآتى ان شاء الله
اولا اتاكد انك قافل زرار التكييف
ثانيا اتأكد انك موطى المروحه لاقل درجه
ثالثا اضغظ على زرار تدوير الهواء حشان يتلغى

[Akram.Gamal]

طيب بالنسبه ان الهوايات بتدخل هوا والتكييف مقفول؟؟؟

بص ياباشا انت لما تيجى تشغل التكييف
1 بتفتح المروحه
2 بتشغل الكومبرسور

لما تيجى تقفل
لازم تقفل الكومبرسور اولا
و بعدين تقفل المروحه ازاي؟ بتضغط على زرار المروحه الصغيره لحد ما الشاشه تلغى كل حاجه


العيب ال عندك ده بسبب انك قفلت التكييف و سبت المروحه شغاله

[mans336]

بص ياباشا انت لما تيجى تشغل التكييف
1 بتفتح المروحه
2 بتشغل الكومبرسور

لما تيجى تقفل
لازم تقفل الكومبرسور اولا
و بعدين تقفل المروحه ازاي؟ بتضغط على زرار المروحه الصغيره لحد ما الشاشه تلغى كل حاجه


العيب ال عندك ده بسبب انك قفلت التكييف و سبت المروحه شغاله

اولا الف شكر ياباشا على الرد والمتابعه
ثانيا انا فعلا بدوس على المروحه الاول وبعد كده بشغل الكومبريسور
بس بقفل المروحه بس فعلا مش الكومبريسور
ده اللى بعمله بالظبط .. ممكن يكون ده العيب ولا ايه؟؟
ع العموم بكره هجرب الموضوع ده ان شاء الله

[Ahmed Amin]

بص ياباشا انت لما تيجى تشغل التكييف
1 بتفتح المروحه
2 بتشغل الكومبرسور

لما تيجى تقفل
لازم تقفل الكومبرسور اولا
و بعدين تقفل المروحه ازاي؟ بتضغط على زرار المروحه الصغيره لحد ما الشاشه تلغى كل حاجه


العيب ال عندك ده بسبب انك قفلت التكييف و سبت المروحه شغاله

علي فكرة يا أكرم مش لازم تقفل الكومبريسور الأول قبل ما تقفل المروحة,,
لأنو كدا كدا هيتقفل لما تقفل المروحة, ومالوش علاقة بالمروحة.

وهوا كان قايل إن الهواء بيزيد لما بيزود سرعة, وبيدخله روايح من برة زي الدخان والتراب,
يعنيهوا سايب زرار اعادة تدوير الهواء مفتوح زي ما الزميل قاله,,

نصيحة بقي بخصوص الكومبريسور ودي لكل العربيات مش البيجو بس,
متشغلش التكييف وانت ماشي علي سرعة أو rpm أعلي من ٣٠٠٠ عشان دا ليه تأثير سلبي مع الوقت علي الكومبريسور,
واللي عايز يشغل التكييف يبقي يهدي الاول او يمور وقت ما يجي يشغل التكيف.

[Akram.Gamal]

علي فكرة يا أكرم مش لازم تقفل الكومبريسور الأول قبل ما تقفل المروحة,,
لأنو كدا كدا هيتقفل لما تقفل المروحة, ومالوش علاقة بالمروحة.

وهوا كان قايل إن الهواء بيزيد لما بيزود سرعة, وبيدخله روايح من برة زي الدخان والتراب,
يعنيهوا سايب زرار اعادة تدوير الهواء مفتوح زي ما الزميل قاله,,

نصيحة بقي بخصوص الكومبريسور ودي لكل العربيات مش البيجو بس,
متشغلش التكييف وانت ماشي علي سرعة أو rpm أعلي من ٣٠٠٠ عشان دا ليه تأثير سلبي مع الوقت علي الكومبريسور,
واللي عايز يشغل التكييف يبقي يهدي الاول او يمور وقت ما يجي يشغل التكيف.

معرفش والله يا احمد بيه
انا جربت و لاقيت انى لما بقفل الكومبرسور اول و بعدين المروحه بيبقا تمام
لكن لو معملتش كده بلاقيها بتدخل هواء

انت قصدك ان لما اجى اشغل التكييف ابقا اشغله و انا واقف قبل مامشى او مثلا على سرعه بسيطه !!

اولا الف شكر ياباشا على الرد والمتابعه
ثانيا انا فعلا بدوس على المروحه الاول وبعد كده بشغل الكومبريسور
بس بقفل المروحه بس فعلا مش الكومبريسور
ده اللى بعمله بالظبط .. ممكن يكون ده العيب ولا ايه؟؟
ع العموم بكره هجرب الموضوع ده ان شاء الله

على ايه يا mans بيه احنا كلنا هنا لمساعدة بعض

[Ahmed Amin]

معرفش والله يا احمد بيه
انا جربت و لاقيت انى لما بقفل الكومبرسور اول و بعدين المروحه بيبقا تمام
لكن لو معملتش كده بلاقيها بتدخل هواء

أنت لو فتحت المروحة والكومبريسور مش شغال, هتلف وتطلع هوا بس عادي مش ساقع,
ولو ضغط علي a/c وشغلت الكمبرويسور هيبدأ الهواء الساقع يطلع,
لما تيجي تطفي تبقي لو طفيت الكومبريسور الأول بعد كدا المروحة دا طريقة عادي,
لكن لو طفية المروحة علي طول مجرد أنها تطفي هتطفي الكومبريسور معاها لأنه مش هيبقي ليه لازمة انو يشتغل من غير مراوح,
دا اللي أقصدة, يعني مش لازم نقفل الكومبريسور الأول بعدين المروحة ودي كدا في كل في العربية دا تقريباً.

انت قصدك ان لما اجى اشغل التكييف ابقا اشغله و انا واقف قبل مامشى او مثلا على سرعه بسيطه !!

أه لو عايز الساقع تشغل الكومبريسو قبل ما تتحرك وأنت واقف,
أو لو كان مطفي وعايز تشغله علي طريق تشيل رجلك من علي البنزين لحد ما عدد لفات الموتور ينزل تحت 3000 لفة في الدقيقة علي الأقل وأنا عن نفسي بخليها توصل ل 2000 لفة قبل ما تفكر تشغلة حفاظاً علي الكومبريسور.

[Akram.Gamal]

أنت لو فتحت المروحة والكومبريسور مش شغال, هتلف وتطلع هوا بس عادي مش ساقع,
ولو ضغط علي a/c وشغلت الكمبرويسور هيبدأ الهواء الساقع يطلع,
لما تيجي تطفي تبقي لو طفيت الكومبريسور الأول بعد كدا المروحة دا طريقة عادي,
لكن لو طفية المروحة علي طول مجرد أنها تطفي هتطفي الكومبريسور معاها لأنه مش هيبقي ليه لازمة انو يشتغل من غير مراوح,
دا اللي أقصدة, يعني مش لازم نقفل الكومبريسور الأول بعدين المروحة ودي كدا في كل في العربية دا تقريباً.


أه لو عايز الساقع تشغل الكومبريسو قبل ما تتحرك وأنت واقف,
أو لو كان مطفي وعايز تشغله علي طريق تشيل رجلك من علي البنزين لحد ما عدد لفات الموتور ينزل تحت 3000 لفة في الدقيقة علي الأقل وأنا عن نفسي بخليها توصل ل 2000 لفة قبل ما تفكر تشغلة حفاظاً علي الكومبريسور.

اها تمام انا بعمل كده لكن الاضمن انه يقفل الكومبرسور ف الاول لحد مانتعود و نفهم

انا كنت راجع من القاهره و بفتح التكييف و اقفله عادى و انا ماشى و مش بيأثر ع السحب لكن ال rbn اصلا مكنش معدى 3



ال حصل النهارده بقا انى غلطت و اديتها r قبل ماتقف تماما بس الحمدلله لحقت نفسى و فرملت

[Ahmed Amin]

اها تمام انا بعمل كده لكن الاضمن انه يقفل الكومبرسور ف الاول لحد مانتعود و نفهم

انا كنت راجع من القاهره و بفتح التكييف و اقفله عادى و انا ماشى و مش بيأثر ع السحب لكن ال rbn اصلا مكنش معدى 3



ال حصل النهارده بقا انى غلطت و اديتها r قبل ماتقف تماما بس الحمدلله لحقت نفسى و فرملت

متقلقش, أنا كنت قاري إن في المانيوال بتاع الفتيس أنو فيه خاصية أمان أنو لو أيديك نقلت بالغلط علي R وأنت سايق مش هياخد الغيار الخلفي :-)
وبرضه مرة عملتها وأنا داخل علي مطب وكنت بمور وأديتها R بالغلط ومأخدتش الغيار الخلفي,
بس طبعاً لازم تحرص ومتاخدش علي كدا,

علي عكس في الانسر غلطت مرة وعملتها وأديت N وأنا دايس علي الزرار وراحت علي R
وسمعت التروس بتلف عكس بعضها أكنها بتتكسر جوا الفتيس,
بس الحمدلله برضه ربنا ستر لأني كنت بقت خلاص.

[Akram.Gamal]

متقلقش, أنا كنت قاري إن في المانيوال بتاع الفتيس أنو فيه خاصية أمان أنو لو أيديك نقلت بالغلط علي r وأنت سايق مش هياخد الغيار الخلفي :-)
وبرضه مرة عملتها وأنا داخل علي مطب وكنت بمور وأديتها r بالغلط ومأخدتش الغيار الخلفي,
بس طبعاً لازم تحرص ومتاخدش علي كدا,

علي عكس في الانسر غلطت مرة وعملتها وأديت n وأنا دايس علي الزرار وراحت علي r
وسمعت التروس بتلف عكس بعضها أكنها بتتكسر جوا الفتيس,
بس الحمدلله برضه ربنا ستر لأني كنت بقت خلاص.

لا انا حسيت انها بتفرمل من الفتيس
عارف انت فى المانول لما تعمل انحن بريك
خسياها بتعمل كده فلحقت نفسى
لكن الحمدلله الفتيس كان طبيعى و معملش حاجه زي كده

[Ahmed Amin]

الفتيس دا محترم,

[eleanor]

بالنسبه للتراب والروائح زى الزملاء ما فلو لازم تشغل تدوير الهوا
اما موضوع الهوا اللى بيدخل وبيزيد مع السرعه ده الطبيعى فى اى عربيه بس انت كنت مشغل الهويات الاماميه فى التبلوه وده خلى الهواء بدل مايدخل من تحت البربريز يدخل من الهويات الرئيسيه وده وظيفته تهويه العربيه علشان ماحدش يتخنق جواها حتى لو التكيف مش شغال والمراوح مطفيه وتقدر تتاكد انك وانت ماشى حط ايدك على الفتحات اللى فى اول التبلوه تحت البربريز هاتلاقيها بتجيب هوا