اى ملحوظات على الحجز..؟

[Mandosiom]

السلام عليكم ورحمة الله وبركاته..

ان شاء الله رب العالمين.. هروح النهارده احجز الــــ 301.. البيز لاين..

انا دى اول مره فى حياتى هجيب عربيه..

هل يوجد اى ملحوظات المفروض انى اخد بالى منها ساعة الحجز.. ولا الموضوه كله ساعة الاستلام..!؟

اسف على الازعاج
وشكرا مقدما..

[eng.salama93]

لا ف الأستلام

[Akram.Gamal]

لا بالعكس اكتر حد هيفيدك هو المندوب ال هتحجز و تتابع معاه
ولو عايز تعرف اى حاجه و تتفرج على الطبيعه كمان هو بيقولك ال انت عايزه

[smsm2004w]

مبروك مقدمآ اهم حاجه وانت بتستلم

[mahmed0100]

حتاخد وصل بالمبلغ و استماره حجز و اسال على كل اللى انت عايزه قبل ما تنفذ حجزك و راجع استماره الحجز ببياناتك و شكرا :)

[Mandosiom]

شكرا يا رجاله على النصائح.. فعلا روحت.. و بصراحه اقتنعت اكتر بــــ هاى لاين.. خاصة انى الكام يوم اللى فاتوا.. كنت متابع كل مواضيعكم عنها.. و اللى فهمتوا من خبرتكم... ان فرق المبلغ بين البيز و الهاى مقارتة بالفرق فى الامكانيات يستاهل.. خاصة مع فئتها السعريه.. فقولت على بركة الله.. خلينا فى الهاى لاين.. شكرا جزيلا..

[Akram.Gamal]

ع البركه ان شاء الله

[nonalaziza]

الف الف مبروووووووووووووووووووك ياريت تقولنا حجزتها منين.
ان شاء الله احصلكم

[Mandosiom]

حجزتها من السبع توكيل بيجو فى .. 92 شارع محمد فريد مصر الجديده.. و المفروض ان الاستلام هيكون بحد اقصى.. 21-1-2014.. و بيكتب فى الوصل بتاع الديبوسيت.. ( و يحدد السعر النهائى عند الاستلام) و بياكد ان ماكسيمم الاوفر برايس هيكون 2000 جنيه..

[mahmed0100]

حجز و انتظار ٣ شهور حد اقصي و كمان اوفر برايس 2000 جنيه ؟ ليه :) !!!!
مدام اوفر برايس .. يبقي ادفع كمان الفين او ٣ الاف عند سمير ريان و استلمها في يومين بورقها :)

[mahmed0100]

الف الف مبروووووووووووووووووووك ياريت تقولنا حجزتها منين.
ان شاء الله احصلكم

انتي لسه محجزتيش يا فندم .. اكسبي وقت و احجزي علشان الانتظار وحش :)
طالما قررتي خلاص

[smsm2004w]

و بيكتب فى الوصل بتاع الديبوسيت.. ( و يحدد السعر النهائى عند الاستلام) و بياكد ان ماكسيمم الاوفر برايس هيكون 2000 جنيه..

أولآ الف مبروك بس كنت عايز أعرف ازاى اوفر برايس وانت هتستلم بعد 3 شهور ولا قصدك ان حتى لو سعر العربية زاد مثلآ 5000 هيكون بالنسبة لك 2000 جنية بس حد اقصى ؟؟

[nonalaziza]

ان شاء الله هحجز في اقرب وقت.
التوكيل برضه بيحدد وقت للاستلام ولا لأ؟ و هيكون في اوفر برايس ولا لأ؟ ؟

[mahmed0100]

مفيش اوفر برايس في التوكيل .. و بيقولوا لحضرتك مده بحد اقصي .. لو لسه ناويه علي اوتوماتيك فاضيه حتستلمي في شهر بالكتير ان شاء الله

[mahmed0100]

أولآ الف مبروك بس كنت عايز أعرف ازاى اوفر برايس وانت هتستلم بعد 3 شهور ولا قصدك ان حتى لو سعر العربية زاد مثلآ 5000 هيكون بالنسبة لك 2000 جنية بس حد اقصى ؟؟

انا معاك محتار في الجمله دي :))