طلب من مستلمى بيجو 301

[M.Emam]

سلام عليكم
السادة ملاك بيجو 301 الف مبروك لحضراتكم اللى استلم واللى لسه هيستلم إن شاء الله
انا حجزت العربية بس لسة مخترتش اللون والمشكلة إن الألوان اللى فى الكتالوج غير اللى على الطبيعة خالص يعنى كان عاجبنى فى الكتالوج لون الكافيه الغامق بس لما شوفته حسيته مش محصل بنى ولا بتنجانى والصور على موقع بيجو معمولها اديت فبرده مش واقعية كفاية كدة كلام وخلينا فى المهم
السادة اللى استلموا العربية لو ممكن يصوروا العربية من بره ويحملوا صورها يبقى الف شكر ليهم والف شكر للى مش هيصوروها برده :) ولو حد خايف يصورها من الحسد ممكن يحط لوجو خرزه زرقا على الصورة :)

[Ahmed Amin]

هوا علي فكرة الأحسن أنك تنزل تشوف العربية في المعارض والتوكيل بنفسك حتي لو اللي معروض محجوز ومش هتعرف تشتريه,
عشان تاخد فكرة عن اللون بنفسك وتشوفه علي الطبيعية,,

لأن حتي الصور هنا هتكون غير الحقيقة دي حاجة,
والحاجة التانية والأهم أنك ممكن تعجب بلون وتبقي نفسك فيه وعايز تشتريها بيه ومتلاقيش اللون دا أما تيجي تخلص في العربية ويبقي لازم تستني 3 أو 4 شهر وتضطر ساعتها تاخد لون تاني زي ما حصل مع ناس كتير هنا.

فأنزل بنفسك شوف الالوان في المعارض والتوكيل لأنها زي مانت قلت هتكون مختلفة عن صور الكتالوج وعن صور عربيات الأعضاء برضه ودا رأيي الشخصي عشان تعرف تحكم بنفسك من واقع مش من صور.

[M.Emam]

هوا علي فكرة الأحسن أنك تنزل تشوف العربية في المعارض والتوكيل بنفسك حتي لو اللي معروض محجوز ومش هتعرف تشتريه,
عشان تاخد فكرة عن اللون بنفسك وتشوفه علي الطبيعية,,

لأن حتي الصور هنا هتكون غير الحقيقة دي حاجة,
والحاجة التانية والأهم أنك ممكن تعجب بلون وتبقي نفسك فيه وعايز تشتريها بيه ومتلاقيش اللون دا أما تيجي تخلص في العربية ويبقي لازم تستني 3 أو 4 شهر وتضطر ساعتها تاخد لون تاني زي ما حصل مع ناس كتير هنا.

فأنزل بنفسك شوف الالوان في المعارض والتوكيل لأنها زي مانت قلت هتكون مختلفة عن صور الكتالوج وعن صور عربيات الأعضاء برضه ودا رأيي الشخصي عشان تعرف تحكم بنفسك من واقع مش من صور.

الف شكر لردك يا باشا
الفكرة انا انا نزلت بس ملقيتش غير السيلفر والكافيه الغامق والاسود مش لاقى خالص الازرق والرمادى والشامبين

[Akram.Gamal]

انا هقولك حاجه انا بقا مش مصور العربيه
ليــــــــــــه لان انا رأيى ان لازم تشوف العربيه بلونها و تركب فيها لان لونها ليه تاثير نفسى عليك يعنى لو انت مش حابب اللون هتكره العربيه

انزل فرع صلاح سالم انا كنت هناك يوم الاثنين كان عندهم الاسود و السلفر و الشمبانيا و البترولى
ولو عايز تشوف باقى الالوان بس بقا من غير ماتتفرج عليهم هتخرج بره و تروح ورشة التصليح الباب الجانبى يعنى هتتمسى 5 متر هتلاقى ماشاء الله بدون مبالغه 5 عربيات مثلا 301
اتفرج ع الطبيعه بقا براحتك و سيبك من الاراء

[mohamedyounis]

لو حضرتك رحت التوكيل اللي في صلاح سالم هتلاقي الالوان وايضا يوجد موزعين معتمدين عندهم الالوان ...

[Akram.Gamal]

الف شكر لردك يا باشا
الفكرة انا انا نزلت بس ملقيتش غير السيلفر والكافيه الغامق والاسود مش لاقى خالص الازرق والرمادى والشامبين

طب حاول تنزل فرع صلاح سالم
والله انا لما كنت هناك كان عنده كل الالوان ماعدا الموكا

[M.Emam]

انا روحت فرع صلاح سالم امبارح واول امبارح ويوم الاثنين وهى دى الالوان اللى كانت موجوده سواء فى المعرض او الصيانة كانت سيلفر واسود وكافيه

[Akram.Gamal]

انا روحت فرع صلاح سالم امبارح واول امبارح ويوم الاثنين وهى دى الالوان اللى كانت موجوده سواء فى المعرض او الصيانة كانت سيلفر واسود وكافيه

باشا انا كنت هناك يوم الاثنين
كان عنده فى وش المعرض اسود و شمبانيا و بترولى
و جوه المعرض كان فيه سيلفر
و فى الخلف فى جراج المعرض كان فيه كذ عربيه رمادى

و كان واقف فى الصيانه ابيض و شمبانيا مش فاكر ايه كمان

وهما كانوا خايفين اوى من احداث يوم الثلاثاء و اعتقد انهم رجعوا العربيات تانى لابو رواش

[M.Emam]

باشا انا كنت هناك يوم الاثنين
كان عنده فى وش المعرض اسود و شمبانيا و بترولى
و جوه المعرض كان فيه سيلفر
و فى الخلف فى جراج المعرض كان فيه كذ عربيه رمادى

و كان واقف فى الصيانه ابيض و شمبانيا مش فاكر ايه كمان

وهما كانوا خايفين اوى من احداث يوم الثلاثاء و اعتقد انهم رجعوا العربيات تانى لابو رواش

الف شكر لاهتمامك و ردك بس غالبا كده العربيات ده جاتلهم متأخر لأن انا كنت هناك الساعه 10.30 او 11 كده مكنش فى كل ده

[Mandosiom]

فرع مصر الجديده مش فيه غير السيلفر فقط..

[Akram.Gamal]

الف شكر لاهتمامك و ردك بس غالبا كده العربيات ده جاتلهم متأخر لأن انا كنت هناك الساعه 10.30 او 11 كده مكنش فى كل ده

ياسيدى و الله يوم الاثنين ال فات انا واصل هناك الساعه 12 و مشيت الساعه 2
لكن انا بقولك ال فعلا حصل و هو قالى عليه ان كل العربيات هترجع ابو رواش لحين مايعروفوا هيحصل ايه فى البلد و الوضع يبقا مستقر

فرع مصر الجديده مش فيه غير السيلفر فقط..

فرع مصر الجديده ده ال هو صلاح سالم صح ..
حضرتك واضح انكوا بتروحوا هناك تتفرجوا مع نفسكوا و تمشوا و خلاص
ليه لان اانا بدخل الجراج و بتفرج على ال يعجبنى مش بس ال بره فى الصاله