اسعار صيانة البيجو 301

[الجنرال]

السلام عليكم ورحمة الله

كنت عايز اعرف تكلفة صيانة البيجو 301 فى التوكيل بتتكلف كام؟

يعنى صيانة ال 5 الالف (لو موجودة) بتتكلف كام

صيانة ال 10 الالاف بتتكلف كام

العشرين الف بتتكلف كام وهكذا

وشكرا

[M I D O]

متاااااااااااابع

[smsm2004w]

متااااابع

[Akram.Gamal]

بص ياباشا
انا سألت عن الموضوع ده فى التوكيل و عن جدول الصيانه
قالى احنا مبنعملش جدول صيانه و ده بسبب تغيير سياسة الشركه ليه بقا ؟؟
حشان نعمل الصيانه على حسب ال العربيه محتاجاه يعنى مثلا لو التيل لسا يشتغل 3 الاف كيلو نغيره ليه دلوقتى
لو البوجيهات مثلا متغيرتش بقالها 30 الف بس لسا حالتها تمام و تشتغل من غير مشاكل برضو منغيرهاش و هكذا

يعنى بيكشفوا على حالة العربيه و يشوفوا ال ناقصها او ال هى محتاجاه و يتعمل يعنى انت ال المفروض تعرفه هو اسعار قطع الغيار

اما غير كده تبقا بتتكلم على المصنعيات و دى بتبقا ارقام معقوله يعنى فى العادى بالنسبه لاسعار التوكيلات

[mahmed0100]

الصيانه اول مره بعد 2500 كيلو او 3 شهور و دي صيانه مجانيه
بيتعمل فيها تربيط علي العفشه.
تحديث للسوفت وير الخاص بحرق البنزين تقريبا
بيسألوا حضرتك لو عندك مشاكل مع . او العربيه بيطمنوا عليها
التأكيد علي منسوب الزيوت و السوائل

تاني صيانه بعد 6 شهور او 10000 كيلوا
تغيير زيت و فلتر زيت و تربيط عفشه و نظره عامه علي العربيه ... بالمصنعيه و الضرايب اتكلفت في حدود 580 جنيه علي كلام ٢ من الاعضاء معانا هنا

بعد كده صيانه بعد 6 شهور او 10000 كيلو

تيل الفرامل في البيجو ممكن يتغير ما بين 30 او 40 الف حسب سواقتك
سير الكاتينه ممكن يمشي معاك 50 او 60 الف كيلو
اكتر من موضوع علي المنتدي فيه الاسعار الخاصه بقطع الغيار اقراها و حتستفيد من خبرات المستخدمين كتير ;)

[Ahmed Amin]

أكرم ومحمد قالو المفيد كله, واللي بيحصل في التوكيل بالظبط.

[الجنرال]

جميل .. انا بسأل لانى ان شاء الله خلاص قربت جدا من شراء البيجو 301 .. اسعار قطع الغيار معقولة جدا لكنها مش ماشية مع سمعة العربيات البيجو في ان قطع غيارها غالية جدا جدا

علشان كده قلت يمكن تكون المصنعيات واللى بيعملوه فى الصيانة حاجات كتيرة بتخلي الاسعار نار .. فكنت حابب اتطمن

باقي بقه سؤال واحد محتاجلة اجابة

سيتروين اليزيه = شكل احلى + سعر ارخص + توكيل زبالة متخلف
بيجو 301 = شكل مش عاجبني + سعر اغلى + توكيل محترم وابن ناس

ربنا يكرم ان شاء الله

[limo81]

متابع جداً بإهتمام

[Ahmed Amin]

جميل .. انا بسأل لانى ان شاء الله خلاص قربت جدا من شراء البيجو 301 .. اسعار قطع الغيار معقولة جدا لكنها مش ماشية مع سمعة العربيات البيجو في ان قطع غيارها غالية جدا جدا
علشان كده قلت يمكن تكون المصنعيات واللى بيعملوه فى الصيانة حاجات كتيرة بتخلي الاسعار نار .. فكنت حابب اتطمن
باقي بقه سؤال واحد محتاجلة اجابة

سيتروين اليزيه = شكل احلى + سعر ارخص + توكيل زبالة متخلف
بيجو 301 = شكل مش عاجبني + سعر اغلى + توكيل محترم وابن ناس

ربنا يكرم ان شاء الله

بالنسبة لأول نقطة اللي هيا,

"اسعار قطع الغيار معقولة جدا لكنها مش ماشية مع سمعة العربيات البيجو في ان قطع غيارها غالية جدا جدا !!

يعني لا تعليق,, أنت لو حابب تمشي ورا السمعة والأشاعات دي حاجة ترجع لك,,
أسعار قطع الغيار أنت شوفتها وراجعها تاني وشوف بنفسك هيا غالية ولا لأ,
والأسعار نازلة كدا عشان العربية أصلاً أقتصادية,,
أما لو عايز أسعار قطع غيار أغلي ممكن تطلع علي موديلات أعلي زي ال 508

http://www.nilemotors.net/Nile/378310-301.html

http://www.nilemotors.net/Nile/378310-301-2.html

علشان كده قلت يمكن تكون المصنعيات واللى بيعملوه فى الصيانة حاجات كتيرة بتخلي الاسعار نار .. فكنت حابب اتطمن

متخافش مفيش حد عاملك كمين في التوكيل,, ومش هيعوضو حاجة في حاجة,,
الأسعار حنينة عشان العربية نازلة أساساً في الفئة الأقتصادية,,
ومش هتزيد عن ال 307 اللي هيا أسعار قطع غيارها وصيانتها معقولة.

بالنسبة لأخر سؤال اللي محتاج له أجابة,,
أبقي راجع دول, الشكل بتاع العربيتين دي بتبقي أزواق,
المواضيع دي ممكن تسهل عليك أنك تستقر علي حاجة,

http://www.nilemotors.net/Nile/390270-301.html

http://www.nilemotors.net/Nile/373253-301.html

http://www.nilemotors.net/Nile/388027-301.html

http://www.nilemotors.net/Nile/379551-301-2013-a.html

بالتوفيق.

[MOH_H]

انا بأكد معلومة ان البيجو كتير من الناس بتخااااف منه (و منهم انا) سواء كان علشان قطع الغيار او سعر إعادة البيع لكن بصراحة ال 301 شايف انها هتغير مفاهيم الناس للبيجو علشان عربية اقتصادية (و دى حط تحتيها 100 خط) و ده اللى يناسبنا فى بلدنا

[mahmed0100]

301 عربيه اقتصاديه ممتازه تمشي عائليه و تمشي بتاعت شغل
508 عربيه محترمه بتنافس جيتا و باسات و هوندا كمان
3008 نفسي فيها بس مش معايا فلوسها .. عربيه قويه
208 عربيه روشه و هاتشباك و منافس ممتاز لليارس 2013 و فرنساوي كامله للبنات و هواه الهاتشباك

عايز اقول بيجو نزلت صيحه جديده في كل الفئات باسعار قطع غيار مناسبه للسوق اللي غرقان كوري و صيني و ياباني و بتنافس بتوكيل بيغير من طريقته فعلا و كتير حاسين بكده
و ربنا يوفقك في اختيار يناسبك