التقرير المتين والسريع للحسناء 301

[dryousef]

بسم الله الرحمن الرحيم
اكتب لكم هذا التقرير بعد رحلة بحث استمرت اربعة اشهر فقد بدأت التفكير فى شراء سياره جديده من شهر 7 واخبرنى احد اصدقائى عن السياره 301 ولم تكن مطلقا فى حساباتى فبحثت عنها على الانترنت وبدأت الرحله مع نايل موتورز والتفكير انا وزوجتى ثم اكرمنا الله ان استخرنا واخذت القرار وكلمت بيجو صلاح سالم وحجزت السياره بالتليفون ولم اكن رأيتها من قبل على الطبيعه حيث اننى اسكن فى اسيوط. كان الحجز يوم 25/8 وحولتلهم المبلغ على حسابهم فى البنك وبعت القسيمه بالايميل وبعتولى الايصال بنفس الطريقه . واستمر الشوق والتطلع الى اول شهر 11 بعد ماعقدت مدير المبيعات محمد كامل من كثرة الاتصال وذات يوم استيقظت من النوم واخبرت زوجتى ان بيجو كلمونى وبالفعل كلمونى على العصر تقريبا وكانت موكا هاى لاين الاختيار الاول .وحولتلهم باقى المبلغ وانتظرت من يوم 4/11الى 16 /11 لحد ماورق العربيه جه وسافرت من اسيوط انا وزوجتى وابنى لاستلامها رحت قبل ما حد يوصل من الموظفين وربع ساعه كانو خلصو كل شى وغسلوها ولمعوها وفهمونى كل حاجه وكنت واخدلهم 3 زجاجات برفان هدايا وانطلقت الى مرور فيصل علشان الترخيص وتهت لما شبعت لانى مش بعرف فى شوارع القاهره ووصلت الحمد لله ورخصت فى نفس اليوم وانطلقت الى دمياط حيث اهل زوجتى ورجعت بعدها بيوم الى اسيوط حيث اعمل بالجامعه . وخلصت التليين فى المشوار السحيق ده 1100 ك ولقيت ركنه فى نادى اعضاء هيئة التدريس اللى جنبى والحمد لله..خلصنا الرغى ...نيجى للمفيد
اولا .الشكل الخارجى:
السياره تحفه فنيه واللون الموكا عاجبنى جدا جدا والهاى لاين عامل شغل عالى والتراب مش بيبان قوى فيها لان الموكا لون التراب شويه.
الشكل الداخلى :
ماشاء الله التابلوه ممتاز وخاماته جيده وكويسه
الابواب كنت اتمنى انها تكون خامه افضل
الفرش ممتاز ومريح
الاوبشنز:فعلا حسيت بفرق التكنولوجيا مع البلوتوث والسينسورز والمالتى فنكشن
الرؤيه ممتازه
ثانيا :الاداء
السحب كويس جدا ولسه بيقولو هايتحسن وانا حسيت فعلا بكده لانى لينت فى يومينويمكن اعمل صيانة ال100000 بعد شهرين مثلا
انا التزمت بصراحه بالتليين وقواعده لحد 700 ك وبعدها كنت على طريق الجيش القاهره اسيوط فقلت كفايه بقى ما هيا متلينه فى اسبانيا وانطلللللللللقت بمعنى الكلمه 120 -130 -140-ووووووو150 وقلت ياواد جرب كمان ولقيت واحد معاه اوبل فكترا شكلها 2000 سى سى وشادد معايا قلت العب وحياتك لقطع نفسك وضغت ياباشا 160_وهوا مش عايز يسكت المشكله الواد وامه راكبين جنبى ومراتى تقولى حرام عليك قلتلها لازم اعلمو الادب وجبت 170 وقولت لازم اخليه يتحسر شويه وجبت 180 وقولت كفايه ياواد اتلم وفعلا قلت كفايه ومشيت فتره 170 و160 وكده وال ار بى ام كان 5 عند 180
بس كنت بجيب 180 بصعوبه علشان ضروف المطالع والمنازل
نيجى للثبات والله والله ممتازه مع العلم انى كنت سايق استر موديل 2000
بس لما كنت بعدى مقطوره كنت بحس بتمويجه من فراغ الهوا بصراحه تحفه
الفرامل كفايه اللى اتقال
التكييف ممتاز والله
الفتيس : جيد جدا والنتشه اللى بين الاول والتانى لاتعكر مزاجى ابدا ومافيهاش اى مشاكل وخفيفه جدا
اقول ايه تانى ....................
لو افتكرت حاجه هابقى اقولهالكم ان شاء الله
اه على فكره فى موتوسيكل خبطنى من ورا فى الكصدام تانى يوم بس الحمد لله جت سليمه والبويا بتاعته يدوب علمت عندى ومش باينه فى الموكا واتسترت
انا كنت مشغل الرقيه من اول ماطلعت من المعرض لحد دلوقتى ....
ومعلش دوشتكم بشده
السلام عليكم ورحمة الله وبركاته

[Mzeid]

أحب أكون أول واحد يبارك لحضرتك يا دكتور و ربنا يبارك لك فيها و يحفظها يعطيك خيرها و يكفيك شرها :)

Sent from my GT-I9505 using Forum Runner

[عصام غنايم]

على البركه وربنا يديك خيرها ويكفيك شرها

[dryousef]

أحب أكون أول واحد يبارك لحضرتك يا دكتور و ربنا يبارك لك فيها و يحفظها يعطيك خيرها و يكفيك شرها :)

sent from my gt-i9505 using forum runner

جزاكم الله خيرا واجزل لك العطاء وبارك الله فيك

[dryousef]

على البركه وربنا يديك خيرها ويكفيك شرها

اللهم امين

[Akram.Gamal]

الف مبروووووووووووك يا دكتره
ربنا يرزقك خيرها ويحرسك انت و اولادك من العين
و لما تيجى دمياط تانى مره لازم نعمل الواجب . مفهوم

هو حضرتك كبرت دماغك زيى و مشيت بضغط الكاوتش 40

[hossam_elwani]

الف مبروك عليك اختيار موفق فى فئه الصراع فيها لصالحها

[Ahmed_selmy]

مبرووووووووووك

[modysasazin]

الف مبروك يافندم
وانشاء الله ربنا يكفيك شر عيون الناس

[mahmoud_ali]

الف مبروك وربنا يكفيك شرها

[monamize4]

الف مبروك يا باشا ,, ربنا يباركلك فيها و يديك خيرها

بما ان مفيش فرع لبيجو ف اسيوط ,, هتعمل ايه ف الصيانة ؟

ع فكرة انا كمان من اسيوط

[Ahmed Amin]

ألف مبروك يا دكتور وربنا يبارك لك فيها,,
وفعلاً العربية طلقة لأن موتورها قوي وجسمها خفيف عليه,, فخد بالك بقي ومتجرش كتير علي طرقنا اللي ما يعلم بيها إلا ربنا دي

راجع علي ضغط الكاوتش زي ما أكرم قالك,, ولو فيه فرع ل Fit & Fix بريدجستون ياريت تروح له يفضو الكاوتش ويظبطو الأربعة 30 نيتروجين وهتحس بفرق أعلي في الثبات والراحة عن اللي أنت حاسة دلوقتي كمان,

مبروك تاني وبراحة علي العربية مش كدا,
يعني أبقي هات 170 و 180 لما تكون لوحدك مش مع الجماعة ولما تكون أخدت عليها شوية,

وصبح صبح ياعم الحاج,

http://www.nilemotors.net/Nile/382831-301-2.html#post3875299506

[amrelsaqqa]

الف الف مبروك يا باشا :)
اللهم ارزقك خيرها وخير ما صنعت له ويكفيك شرها وشر ما صنعت له

[dryousef]

الف مبروووووووووووك يا دكتره
ربنا يرزقك خيرها ويحرسك انت و اولادك من العين
و لما تيجى دمياط تانى مره لازم نعمل الواجب . مفهوم

هو حضرتك كبرت دماغك زيى و مشيت بضغط الكاوتش 40

جزاكم الله خيرا. اناضبطت الكاوتش 30 هوا عادى وانا رايح دمياط وانا راجع اسيوط عديت على fit&fixوضبطهم 32 نيتروحين بعد مافرغهم كلهم وهوا اللى قرا القايم وقال 32 .بصراحه ناس محترمه

[dryousef]

الف مبروك عليك اختيار موفق فى فئه الصراع فيها لصالحها

بارك الله فيك