Tweet
لو سمحتوا يا جماعة عندي استفسار صغير انا جايب العربية مش شهر 7 اللي فات وزي ما الناس بتقول المفروض جاي فيها زيت 10000 فانا علي طول بقيس الزيت فانا النهاردة بقيسه لقيته قل للنص كده والعربية عاملة 8600 كم فانا مش عارف اعمل ولزوجته برضه لقتها خفيفة فكلمتهم طبعا في التوكيل حجزت الصيانة يوم الاتنين الجاي ان شاء الله وكان معايا رقم مهندس هناك اتصلت بيه وقولتله علي الموضوع وقولتله اعمل ايه قالي هات زيت موبيل وزوده وقلت استشيركوا الاول قبل ما اعمل حاجة
-
[SIGPIC][/SIGPIC]Www.facebook.com/groups/peugeot.301.fans -
أنا من رأيي متزودش زيت مش مستاهلة طالما رايح التوكيل قريب في معاد صيانة ال ١٠ الأف أو قبلها.
و المؤشر مش معناه إن نص كمية الزيت اللي جوا الموتور ناقصة,
المؤشر بيشير للتر زيت واحد فقط, وأنت كدا عندك نص لتر اتبخر في حوالي ٩٠٠٠ كيبو ودا معدل مش وحش,
نصيحي تغير بزيت شيل او توتال, والعربية هتاخد ٣.٥ لتر زيت بالفلتر,
وهتشيل النص اللي باقي معاك نبقي تزوده علي ٧ او ٨ الاف لان الزيت التخليقي كله بقي يبخر دلوقتي.
بقي يفرق بس مين اللي بيبخر أعلي من التاني.
انت معندكش مشاكل ومتقلقش من اللزوجة.LeitoSR سابقا -
رجاء التوضيح يعنى ايه قل للنصف ؟ يعنى كان عند العلامه العليا اول ماأشتريتها ودلوقت أصبح فى النصف بين العلامتين ؟ ولا قل للنصف أزاى كان فيها أربعه لتر ودلوقت بقى 2 لتر ؟ انا عن نفسى لما كانت عربيتى على الزيرو كان مستوى الزيت ثابت لغايه ميعاد تغييره على 5 الاف كم.[SIGPIC][/SIGPIC]Comment
-
تغير الزيت في البيجو والستروين علي ١٠ الأف كمتوسط ومش بيتغير علي ٥.
اللي بيتغير علي ٥ الزيت النص تخليقي, ودا مش بينزل في العربية ولا بيتحط لها دلوقتي خالص.
ثانياً العلامة بتشير لكمية لتر واحد بس من الزيت,, يعني اللي ناقص عنده نص لتر مش ٢ لتر.!!LeitoSR سابقاComment
-
معنى كده ان الزيت بين الحدين الأدنى والأقصى , يبقى هو فى ال safe side طالما مانزلش عن الحد الأدنى صح كده ؟ طب ليه المهندس بيقوله زود الزيت عقبال ما تيجى ؟المشاركة الأصلية كتبت بواسطة Ahmed Amin مشاهدة المشاركة[SIGPIC][/SIGPIC]Comment
-
إيوة والمسافة ما بين الحد الأدني والحد الاقصي بتشير إلي كمية لتر واحد جوا الفتيس,,
وهوا في ال safe side طالما موصلش للحد الأدني,
والمهندس قاله كدا عشان للأسف أغلب المهندسين مش مهندسين.!!!
والله المستعان.
دلوقتي جركن اللتر بحوال ٨٠-٩٠ جنيه. وجركن ال ٤ لتر بحوالي ٣٠٠ جنيه, القصة مش قصة فلوس,,
بس طالما هوا وصل لحد ال ٩٠٠٠ كيبو وهيغير زيت, يبقي يغير مرة واحدة بالجركن الأربعة وهيفضل معاه نص لتر,
بدل ما يجيب الجركن الخايب ال ١ لتر, وهوا كدا كدا رايح يغير زيت في الصيانة الجاية في خلال ١٠٠٠ كيلو أو أقل.
ولو هوا عايز يزود زيت هوا حر عشان ناس كتير ممكن تختلف معايا في دي,
بس هوا ماشي في الطبيعي طالما العلامة في النص وفوق الحد الأدني, ورايح يغير الزيت قريب ملوش لازمة يشتري ويزوده.LeitoSR سابقاComment
-
شكرا يا استاذ احمد يعني مقلقش من حاجةالمشاركة الأصلية كتبت بواسطة ahmed amin مشاهدة المشاركة[SIGPIC][/SIGPIC]Www.facebook.com/groups/peugeot.301.fansComment
-
متقلقش بس متمشيش عليها أكتر من ١٠٠٠ كيلو من غيرما تروح تغير الزيت,
وخد معاك الجركن بتاعك قبل ما تروح وأطلب النص اللتراللي هيتفضل من الأربعة لترعشان تبقي تزود بيه في الغيار الجاي لما العربية توصل ١٧٠٠٠ الي ١٨٠٠٠ كيلو.
وطبعاً تكشف علي المؤشر كل يوم الصبح وتتأكد انو موصلش لأدني علامة.
طول مانت فوقيها مفيش مشاكل, وهوا مش هيوصلها إن شاءالله
بس لو حصل والزيت وصل لأدني علامة هيبقي طبعاً لازم تزود زيت في الحالة دي ويكون زيت تخليقي كامل من أي نوع,,
أوعي تسترخص وتجيب زيت سايب ولا زيت معدني عشان توفر وتقول دا نص لتر وهمشي بيه نفسي لحد ماغير الزيت كله عشان هينفخ لك الكوستبنات.LeitoSR سابقاComment
-
انت عارف مين المهندس يا استاذ احمد ده البرنس وبيقولي هي صيانة العشرة هتتكلف من 800 ل900 ج تخيل بقيالمشاركة الأصلية كتبت بواسطة ahmed amin مشاهدة المشاركة[SIGPIC][/SIGPIC]Www.facebook.com/groups/peugeot.301.fansComment
-
المشاركة الأصلية كتبت بواسطة Ahmed Amin مشاهدة المشاركة[SIGPIC][/SIGPIC]Www.facebook.com/groups/peugeot.301.fansComment
-
أنت متعب يا إبراهيم,,المشاركة الأصلية كتبت بواسطة ebrahim mayalo مشاهدة المشاركة
الصيانة مش هتتكلف أكتر من ٥٨٠ شاملة الزيت والفلتر والمصنعيات والضريبة والسلاطات والباباغنوج,,
لو أخدت الزيت معاك قبل ما تروح هتخصم ٣٠٠ جندي من ٥٨٠ فدائي اللي كنت هتدفعهم, يعني هتدفع ٢٨٠ جندي بس.
متعب ليه بقي, ؟
عشان أنت عارف التكلفة دي ومشارك في الموضوع اللي كان فيه صيانة ال ١٠.٠٠٠ وتكلفتها وانا كنت رادد في نفس الموضوع معاك,
واللي يقولك إن صيانة تغير زيت هتتكلف ٩٠٠ جنيه أيا كان أسمه,
متتعاملش معاه لما تروح التوكيل ولا تكلمه طالما بيقول أرقام غلط وغريبة كدا.!LeitoSR سابقاComment
-
المؤشر طبيعي وموصلش للنص حتي.المشاركة الأصلية كتبت بواسطة ebrahim mayalo مشاهدة المشاركة
دول حوالي تلت لتر بس اللي نقصو أو أتبخرو من المسافة اللي مشيتها عال زيت, المتوسط ٩٠٠٠ كيلو,,
وكل الزيت التخليقي بينزل لونه كدا زي عندك,, لو نزل لونه نضيف ومش أسود يبقي الزيت مشتغلش كويس.LeitoSR سابقاComment
-
-شئ غريب أكيد الزيت ده مضروب
-لسه مكماتش 10 آلاف و تبخر زيت اكيد عيب الزيت ده الموتور لسه بشوكه
-اهم حاجة بعد تغيير الزيت كل كام يوم تتابعه عشان لو فيه مشكلة تلحق بدريComment
-
الزيت مش مضروب ولا حاجة,!
دا زيت أصلي جاي في العربية من بلادها,,
كل الزيوت التخليقية ليها معدل بخر, ودا طبيعي,,
وأنا جربت كذا نوع زيت تخليقي وكلهم بيتبخر منهم جزء قبل ما يكملو ال ١٠ الأف.
ومش هيكون فيه أي مشاكل قبل أو بعد تغير الزيت بإذن الله,LeitoSR سابقاComment
-
هههههههه والله ما متعب ولا حاجة انا عارف الكلام ده والله انا بحكي علي اللي قالوله بسالمشاركة الأصلية كتبت بواسطة ahmed amin مشاهدة المشاركةأنت متعب يا إبراهيم,,
الصيانة مش هتتكلف أكتر من ٥٨٠ شاملة الزيت والفلتر والمصنعيات والضريبة والسلاطات والباباغنوج,,
لو أخدت الزيت معاك قبل ما تروح هتخصم ٣٠٠ جندي من ٥٨٠ فدائي اللي كنت هتدفعهم, يعني هتدفع ٢٨٠ جندي بس.
متعب ليه بقي, ؟
عشان أنت عارف التكلفة دي ومشارك في الموضوع اللي كان فيه صيانة ال ١٠.٠٠٠ وتكلفتها وانا كنت رادد في نفس الموضوع معاك,
واللي يقولك إن صيانة تغير زيت هتتكلف ٩٠٠ جنيه أيا كان أسمه,
متتعاملش معاه لما تروح التوكيل ولا تكلمه طالما بيقول أرقام غلط وغريبة كدا.![SIGPIC][/SIGPIC]Www.facebook.com/groups/peugeot.301.fansComment
Comment