اولي مشاركاتي و تقريري عن بيجو 301 h.l

[gehadag05]

بســـم اللــه الرحمـــــن الرحــــيم

دي اول مشاركة فعلية ليا في المنتدي وحبيت انها تكون بتقريري عن البيجو 301
بس قبل اي حاجة احب الاول اشكر كل اعضاء قسم بيجو في المنتدي واللي كان ليهم دور كبير
في اني اجيب العربية دي واستفدت بجد من تجاربهم الشخصية و خبراتهم وخصوصا ....LeitoSR

مبدئيا تقريري عن بيجو 301 اليور (هاي لاين)
اللون: موكـــــــــا

انا استلمت العربية (من اسبوع بالظبط) من معرض : الليثي اوتو جروب
استلام فوري : 142000 ... كان نفسي طبعا استلم من التوكيل ولكن للاسف مكانش ينفع استني شهرين

يمكن انا في الاول زي غالبية الناس اللي كانت بتفكر في نيسان صني بس لما روحت المعرض عشان اخلص فيها وركبتها من جوة ... قفلت منها تماما لسوء الخامات والتقفيل و ضعف الصاج بتاعها فنزلت من العربية وانا مقرر اني مش هشتريها وساعتها دورت عالنت و شوفت البيجو 301 لاول مرة وعجبتني جداااا
بعد كدة روحت اتفرجت عليها في المعارض و كونت بفكر في البيزلاين وركبتها لقتها حلوة جدااا بعد كدة نزلت منها وركبت الهاي لاين لقيتها ما شاء الله تحفة ...
وطبعا مع اراء اعضاء قسم بيجو و مع فروق الكماليات الكبيرة بين البيزلاين والهايلاين قررت اضغط نفسي شوية والحمدلله استلمت ال هاي لاين بفضل الله

..... تقريري عن السيارة ....

ما شاء الله العربية جميلة جدااا جدااا و عالطبيعة شكلها احلي كمان من الصور خصوصا الفوانيس الخلفية
انا كونت طالب اللون الموكا بالتحديد لانه كان عاجبني جداااا

-العربية ماشاء الله واسعة جدااا من جوة والمقاعد الخلفية والشنطة طبعا واسعة جداااا
-صوت الموتور مش عالي اوي زي ماكنت فاكر من الاعضاء
-مش حاسس الحمدلله باي نتشة في الفتيس (او يمكن بسيطة اوي مع العلم ان سواقتي هادية)
-سحب العربية ممتاز و مش بيفرق خالص مع التكييف
-العفشة ممتازة مش ناشفة ومش ناعمة ... خصوصا بعد تظبيط ضغط العجلات علي 32
-اتزان رائع ماشاء الله (انا معدتش ال110 لسة مع اني علي طريق اسماعيلية الصحراوي كل يوم بس العربية نفسها تجري كمان )
-شكل العربية من جوة جميل جدااا و الطارة الجلد الرياضية شيك اوي
-فرامل العربية كويسة جدااا ومش بتقطم كدة مرة واحدة
-صاج العربية ماشاء الله برده محمل مش ورق زي (نيسان صني )
-كماليات العربية وخصوصا الهاي لاين بجد فارقة جامد جدااا سواء البلوتوث وسهولة التعامل معاه او الفوج لايتس او مرايات الكهربا او المسند او ال USB او PARKING SENSOR وخصوصا ذراع ال مالتي فانكشن (يمكن كونت مستغرب مكانه في الاول لكن بعد ما استخدمته واتعودت عليه لقيت ان مكانه مميز جدااا و اسهل من انه يكون في الطارة)
-التكييف اكثر من روعة الحمدلله انا بشغله علي اول درجة وساعات ببرد

-سماعات العربية ما شاء الله صوت استريو نقي جدااا مع عمل SURROUNDING للصوت بين ال4 سماعات

..... عيــــوب السيارة ....

يمكن هي مش عيوب علي قد ما هي نواقص
- ينقصها وحدة رفع للزجاج (يمكن عشان انا كان معايا اوبل كورسا سيدان 2003 فكونت متعود علي وحدة الرفع ولكن هي مسألة تعود)
-ينقصها اضاءة للصالون الخلفي ودرج التابلوه

..... التقــــــييم العــــام للسيـــــــــارة .......

بجد سيارة ممتازة و ماشاءالله عليها ويارب ان شاء الله تلاقي نجاح في مصر اكتر من كدة كمان و الناس فعلا ترجع تاني تقدر العربيات الاوروبي (مش بس تبعد عنها عشان قطع غيارها او اعادة بيعها سواء كان الكلام صحيح ام خاطئ)

واخيرا بشكر تاني اعضاء قسم بيجو علي مجهودهم
ودعواتكم ربنا يحفظها ويبارك فيها و يكفيني شرها يارب

[MOTOR HEAD]

عربيه جميله

ربنا يحفظهالك

الصنى الجديده انا حاسس انها كارثه بكل المفايس

[gehadag05]

عربيه جميله

ربنا يحفظهالك

الصنى الجديده انا حاسس انها كارثه بكل المفايس

تسلم يا باشا
للاسف مش عارف ليه نيسان عملت كدة

[Akram.Gamal]

ماشاء الله تقرير جميل فعلا
ربنا يباركلك فيها و يبعد عنك شرها

فعلا النواقص ال حضرتك اتكلمت عليها هي اكتر حاجه مضيقانى
وحدة الرفع و صوت الكلكس وانت قافل الزجاج

[assaf]

الف مبروك علي العربيه

[kar!m]

ألف مبروك و ربنا يبارك لك فيها و يحفظهالك.

[Ahmed Amin]

ياباشا ألف مبروك علي العربية,, وربنا يبارك لك فيها,
وهيا فعلاً أفضل صفقة في السوق في الوقت الحالي في الفئة السعرية بتاعتها.

والشكر لله, أحنا معملناش حاجة غير اللي علينا.
وأهلا بيك معانا في المنتدي. :-)

[mahmed0100]

ربنا يباركلك فيها :)

[gehadag05]

ماشاء الله تقرير جميل فعلا
ربنا يباركلك فيها و يبعد عنك شرها

فعلا النواقص ال حضرتك اتكلمت عليها هي اكتر حاجه مضيقانى
وحدة الرفع و صوت الكلكس وانت قافل الزجاج

اللهم امين يارب
فعلا الكلاكس وانا قافل الزجاج صوته مزعج اوي d:
تسلم لزوقك

[age]

الف مبروك ومفيش عربيه كامله

[gehadag05]

الف مبروك علي العربيه

الله يبــــارك فيك يا باشا...متشكر جدا

[gehadag05]

ألف مبروك و ربنا يبارك لك فيها و يحفظهالك.

الله يبارك فيك يا فندم
امين يارب .. شكرا

[gehadag05]

ياباشا ألف مبروك علي العربية,, وربنا يبارك لك فيها,
وهيا فعلاً أفضل صفقة في السوق في الوقت الحالي في الفئة السعرية بتاعتها.

والشكر لله, أحنا معملناش حاجة غير اللي علينا. :copy of m-s5:
وأهلا بيك معانا في المنتدي. :-)

الله يبارك فيك يا باشا...اللهم امين
الحمد لله وعقبال كل اللي لسة مستلمش ان شاء الله

وبجد انا بشكرك بشكل شخصي لاني اول مرة اركب بيجو وفيه معلومات كتيرة استفدت بيها من ردودك و مشاركاتك في المواضيع المختلفة
والمنتدي منور باعضاءه اكيد .. شكراا

[gehadag05]

ربنا يباركلك فيها :)

امين يارب..شكرا

[gehadag05]

الف مبروك ومفيش عربيه كامله

الله يبارك فيك يا باشا....ولو عالنواقص دي فهي لاتقارن بالنسبة للمميزات طبعااا