اختار اي 307 في دول ؟؟

[gomgoma22]

بسم الله الرحمن الرحيم

شباب انا قدامي دلوقتي اتنين 307 اتفرجت عليهم و بقارن اشتري اي واحده فيهم و محتاج رأيكم :

الاولي 2008 فابريكه بره و جوه بس فيها خبطه ف العتب من طلعة رصيف تقريبا بس مش مأثره ف اي حاجه غير ف الشكل بس - و العربيه دي اول فئه و من غير جنوط ولا فتحة سقف و تكييف بكر يعني فاضيه اوتوماتيك ---- حطتها علي الجهاز لقيتها محتاجه حساس كرنك و طرمبة بنزين و حساس مبينه تكرير تقريبا او حاجه كده يعني مصاريف تقريبا 2000 جنيه

التانيه 2007 كامله اوتوماتيك فتحة سقف تكييف تاتش سنسور بارك " بايظ " جنوط سبور " صيني " و مثبت سرعه - اعتقد انها الفئه قبل الاخيره - راشه بره عدا سقف و شنطه ---- حطيتها علي الجهاز برضو لقيتها محتاجه عبلة دركسيون و علبة فيوزات و حساس كرنك و صيانة السنسور بارك و مثبت السرعه و الاكصدام الامامي شغال بس ال 2008 بصحته عنه شويه يعني مصاريفها حوالي 3000 جنيه

انا بقي مش عارف اختار بينهم مع العلم ان الاتنين ماشيين كيلو متر تقريبا قريب من بعض فرق 10000 كيلو بس بينهم و الاتنين موتور و فيتيس كويسين

دلوقتي لو ال 2008 تخلص 72000 ---- و ال 2007 تخلص 67000 ---- اختار ايه ؟؟

اسف اني طولت عليكم و ياريت النصيحه و لو مكاني هتختار ايه ؟ و لو شايفين ان الاتنين مش كويسين برضو قولولي

[ِA.Elsobky]

انا من رأيى ال 2007 أضمن ... رش السقف دا حاجه مش كويسه
الاحسن ال 2007 بس المفروض صاحبها يصلحها و تاخدها سليمه
و لو ادامك حاجه تانيه غيرهم هما الاتنين احسنلك ... اكيد هتلاقى حالات احسن من كده بكتير

[Akram.Gamal]

مش عاجبنى الاتنين

[gomgoma22]

ِA.Elsobky يا باشا مفيش ولا واحده فيهم راشه سقف !!!
ال 2008 فابريكه بالكامل و ال 2007 شره جنبين و كبوت فقط

و بالنسبه لحاجه غيرهم - هل هلاقي حاجه بالسعر ده و المواصفات دي ؟

[yassine8]

انا من رأيى ال 2007 أضمن و احسن و كمان ارخص من 2008 كمان فرق 5 الاف يتصلو عربيم تيبة عربية 100% و كمان الامكنيات 2007 كنها جبت عربية 2014

[mhmd_farouq]

والله يا باشا انا مش عجبني الاتنين برضه .. بس لو هاختار مكانك هختار ال 2008.. لاني بقلق من اي عربيه راشه بره بالذات من قدام عشان الموتور مع ان حضرتك بتقول ان الموتور كويس بس الامر ميمنعش ان ممكن فيه حاجه لاقدر الله انتا مش واخد بالك منها فى الموتور .. وبعدين الكماليات فى ال 2007 مش عامله فرق اوي بالذات ان السينسور بايظ والجنوط صيني ومثبت السرعه مش من الكماليات اللي تخليك تختار ..معلش ممكن كلامي يكون أحبطك بس انا بتكلم لو انا اللي هشتري ... بالتوفيق انشاء الله .

[Ahmed Amin]

أنا شايف إن الاتنين مش كويسين وهيقرفوك لأن أصحابهم مش مهتمين بيهم,
فهتلاقي مفاجأت تانية هتظهرلك بعد ما تمشي بيها شوية والتكلفة هتزيد بكتير عن الأرقام اللي انت حاططها دي,,

أصبر شوية وهتلاقي حاجات أحسن ويفضل متكنش رشة بس عادي لو رشة جنب أو وش أو ضهر بس متكنش العربية كلها مرشوشة
وعادي لو فيها حكات في العتب كل دا عادي, وهيحصل معاك من المشي في شوارع المحروسة
أهم حاجة حالة الفتيس والكابينة عشان تكون عربية بيت ومش متهانة,,
و متكنش مسجلة أعطال وتكون بتعمل صيانة في التوكيل بالفواتير عشان متتعبكش.

[blazer]

بلاش الاتنين
و العربيه الى عاوزه علبيه فيوزات دى بوظها ازاى! ,, يعنى ممكن تلااقى الضفيره كمان فيها مشاكل و لحامات و لعب
دا الكهرباء هى روح العربيت الاوروبى ولو باظت العربيه كلها بتترمى فى الزباله وعمرها ما بتتصلح حتى لو صرفت عليها الافات
اشترى عربيه نضيفه و عامله كيلو متر قليل شويه و مش مهم تبقى فبريكا بلكامل
اهم حاجه تكون كهربتها سليمه 100% و ميكونش مركب كماليات بره الوكيل و العربيه بتبان لما تبص للحوض بتاع الماتور اذا كانت نضيفه ولا متلصمه

[ِA.Elsobky]

ِa.elsobky يا باشا مفيش ولا واحده فيهم راشه سقف !!!
ال 2008 فابريكه بالكامل و ال 2007 شره جنبين و كبوت فقط

و بالنسبه لحاجه غيرهم - هل هلاقي حاجه بالسعر ده و المواصفات دي ؟

انا اسف قريت غلط ... بس و الله مش عارف ممكن تلاقى بنفس السعر دا ولا لا :\
ان شاء الله ربنا يرشدك للاحسن

[gomgoma22]

طيب يا جماعه لو اخدت ال 2007 و صرفت عليها 3000 او 4000 حتي - مش كده يبقي سعرها كويس لعربيه 2007 هاي لاين ؟؟ بعد ما تتصلح !! يعني هتبقي عامله 71000 مثلا ؟
والعربيه ماشيه حوالي 130000 كيلو
وبالنسبه للفتيس هو عمل قراءة له علي الجهاز بيقولي 3 او 2,7 مش فاكر وانا مش فاهم طبعا دي قراية ايه بس قولتله يعني الفتيس كويس قالي اه - و حتي لو راشه الكبوت عشان خابطه مش مهم مدام مش مسمعه ف الشاسيه ولا ف الشنب ولا ف الموتور هو ممكن يكون خبطة اكصدام و سمعت ف الكبوت بس - لكن العربيه حوضها نضيف

انا بصراحه بفكر اشتري ال 307 لأني مستعجل و هسيبها ف مركز الخدمه يغيروا الحاجات المطلوبه فيها اللي المهندس قالي عليها

بس لسه متردد بسبب حضراتكم و مستني حد يشجعني ... اسوأ الظروف ايه ممكن يحصل ؟:/

[Akram.Gamal]

130000 كم ليه ياعم الحاج
هي العربيات انقرضت حشان تشتريها بالمبلغ ده ماشيه كل المسافه دى
اتفرج على دول و شوف الفرق بينهم و بين ال حضرتك بتشتريهم

https://www.bit.ly/1cD9iXy

و دى كمان عربيه شايفها صفقه كويسه على دوبيزل

https://www.bit.ly/1j0uZW4

و دى بالذات انا شايفها صفقه ممتازه . انصحك تروح تشوفها

https://www.bit.ly/1995U3U

[Ahmed Amin]

قراية الفتيس تعتبر معقولة, بس عايزك تاخدها مشوار مش أقل من ربع ساعة
وتقرص عال فتيس وتبقي كل نقلاتك في الوسط ما بين 3400 ل 4000 RPM عشان تشوف لو هيحصل تفويت في الغيارات لما تقف ولا لأ
وأعرف كان بيحط للفتيس زيت ايه وبكام وكان بيعمل صيانته فين ؟

الجنوط الاسبور الصيني دي ممكن تتكسر في أي وقت وتبهدل العربية,
يا تجيب الجنط الاصلي الالومنيوم بتاعها. يا تجيب نوع محترم ومش تقيل علي العربية يعني يكون في وزن الچنط الاصلي
يا تجيب الجنط الحديد بتاعها.

بالنسبة لموضوع انك بتقول
" محتاجة عبلة دركسيون و علبة فيوزات و حساس كرنك و صيانة السنسور بارك و مثبت السرعه و الاكصدام الامامي شغال بس ال 2008 بصحته عنه"

كل دا هيحتاج مصاريف مش أقل من ٥٠٠٠ جنيه. وممكن متتظبطش أوي بعد المصاريف دي,,
وعلبة الفيوزات أنت وحظك عشان أنا مش عارف هوا فيها أيه بالظبط, لو المشكلة طالت الضفيرة علي بهدلة العربية دي
عمرها ما هتظبط لو قعدت تغير في علب أستيراد لان هيبقي حالتها أنا وحظك.
وطبعا حرام تجيبها جديدة برضه.

والتكييف معرفش يصراحة يتصلح ولا لأ.
والعرببة بصراحة مش مريحة.
شوف كدا كونتاكت كارز وانا معاك.

http://bit.ly/1aNTlyU

وأخر حاجة مراكز الخدمة مش ملايكة, ولو هتصلح بحاجات أستيراد ودا في الأغلب اللي هيتعمل بالنسبة لعلبة الفيوزات وعلبة الدركسيون هيبقي أنت وحظك وممكن تفتح في مصاريف لو أخدت حاجة مش تمام.

[Akram.Gamal]

.......cars |

شوف العربيه دى يا احمد
www.bit.ly/1995U3U

[Ahmed Amin]

شوف العربيه دى يا احمد
www.bit.ly/1995u3u

شكلها بنت ناس اووي من وصف الأعلان وحالتها اللي في الصور وسعر ممتاز جداً لو حالتها بالوصف اللي مكتوب دا.
مش فاضل غير فحص صغير في غمرة او أي مكان ثقة بيفهم وأبعد عن كشف بيجو أبو رواش لانهم كفته.

[Akram.Gamal]

شكلها بنت ناس اووي من وصف الأعلان وحالتها اللي في الصور وسعر ممتاز جداً لو حالتها بالوصف اللي مكتوب دا.
مش فاضل غير فحص صغير في غمرة او أي مكان ثقة بيفهم وأبعد عن كشف بيجو أبو رواش لانهم كفته.

ال لافت نظرى كمان انه عامل صيانتها فى التوكيل بشكل دورى و بيقول " يفضل الكشف بالتوكيل"