افيدوني

[ابو المجد]

السلام عليكم

اريد ان اشتري سيارة بيجو 505 اتوماتيك ايه رايكم فيها وهل الاوتوماتيك بتاعها كويس وايه الموديلات الكويسة فيها واسعار مواتيرها و الجيربوكس بتاعها واسعار قطع الغيار .

اسف للاطالة وشكرا

[moumen_hs]

عربية تستحمل جدا وجراية بس سفاحة بنزين وقطاع الغيار حدث ولا حرج

[J A G U A R]

بلاش اوتوماتيك وتقريبا افضل موديل 86 والله اعلم

[Ahmed Amin]

بلاش أوتوماتيك عشان الأوتو القديم عموماً تقيل في السحب والطلعة وأستهلاكه عالي في البنزين,
غير كدا العربية جميلة جداً ولو جبت حاجة نضيفة ممكن متغيرهاش ولا تركب أي حاجة جديدة.

وبخصوص أستهلاكها في البنزين العربية أستهلاكها معقول جداً بالنسبة لموتور 2000 سي سي ومش عالي زي ما الناس متخيلة,
يعني قريب جداً من أستهلاك ال 1600 الجديد في المشي جوا البلد.

[Akram.Gamal]

كالعاده بص ع العربيات دى و خد فكره :D

https://www.bit.ly/1amiWe3

[eleanor]

بص ال505 الاوتوماتيك جميله جدا بس لو الفتيس سليم واكد على دى لان لو الفتيس فيه مشكله يبقى العربيه مالهاش لازمه
والفتيس الاوتو القديم النضيف فيه غالى يوصل ل3500 استيراد
اما الصاروخ اللى هو من موديلات 86 وطالع بيبتدى من 1000 لغايه 5000 جنيه برده حسب الحاله وطبعا بيبقى على التجربه لمده شهر
بس فى المجمل خليك فى موديلات 86 وطالع واكشف على العربيه كويس جدا من ناحيه السمكره والميكانيكا
وتحت امرك فى استفسار

[ابو المجد]

شكرا لكل من اهتم وارائكم نور بالنسبة لي تحياتي

[Ahmed Amin]

بالتوفيف في الشراء, وأبقي عرفنا عملت أيه,
وربنا وفقك لأيه وجبت أيه في الأخر