إستفسار بخصوص 406

[mostafa afifi]

يا جماعه انا معايا الاسد 406 و كل شويه الكمبيوتر يطلع (anti polution fault ) و الميكانيكي قالي انه حساس شكمان و مش بيأثر علي حاجه.....الكلام ده مظبوط

[Ahmed Amin]

جرب غير بوجيهات الأول,,
لأن في الغالب دا السبب اللي بيخلي الرسالة تطلع قبل الحساس وباقي الكلام دا.
ومتحطش بنزين أقل من 92.
ولو كنت أتضطريت تحط بنزين 90 أو أقل في مرة حط منظف دورة البنزين علي تنك بنزين كامل,

وأبقي عرفنا عملت أيه,

[mostafa afifi]

انا لسا مغير البوجيهات من شهر او اقل تقريبا......و عمري ما حطيط غير 92 حتي في ايام الازمه.....هو في مهندس قالي انه catalizer و بيخلي الفتيس يسخن و بيضعف سحب العربيه و ممكن يخلي العربيه تسخن...و ده انا حسيته فعلا بس حساس الشكمان ده غيرته مره و قعد شويه و رجع باظ تاني

[Ahmed Amin]

لو الرسالة طلعت بعد تغيرالبوچيهات فيه أحتمال إن يكون فيه واحد منهم وحش أو مرطب,,
لو كانت بتظهر قبل تغييرالبوچيهات وبعد يبقي لازم العربية تتحط علي الكمبيوتر ويتشاف رقم العطل اللي خلي الرسالة دي تظهر.

لو كانت مشكلة بوچيهات هتلاقيه قايل إن فيه misfire في سيلندر من السلندرات وهيحدد لك رقمه وبناء علي دا هتغير فقط البوجيه اللي فيه مشكلة.
برضه لو كانت المشكلة من حساس الأكسجين أو من الشكمان المفروض أنها تبان من الكشف عن طريق قرايات الكمبيوتر أفضل ما تفضل تجرب تغير كل حاجة مع الميكانيكي بدون تشخيص.

[mostafa afifi]

لا هي الرساله بتظهر قبل و بعد تغير البوجيهات...كمان هو كشف عنده علي الكمبيوتر و قالي انها في علبه البيئه و غالبا حساس الشكمان...عشان هو باظ قبل كده و غيرته...بس المفروض انه لما يتغيرمايحصلوش حاجه تاني و انا كنت مغيره في التوكيل.

[mostafa afifi]

لو خليت الميكانيكي يصلح فيه احسن ولا اروح لواحد بتاع شكمان...مع العلم ان الميكانيكي كان شغال في توكيل بيجو

[Ahmed Amin]

أنا مش عارف مين الميكانيكي بتاعك ولا فين و هيبقي بيفهم ولا لأ,,
لأن مش كل واحد أشتغل في التوكيل وطلع منه بيبقي بيفهم, في ناس لحد دلوقتي في التوكيل وبتلطش,,

اللي أعرفه أنك قبل ما تغير حساس الشكمان تاني أو علبة البيئة أنك تشوف القرايات الخارجة من الحساس ويكون الكلام دا عند بيفهم عشان يعرف يشخص صح.

[mostafa afifi]

متشكر جدا ..هو كويس مش وحش بس ممكن تقولي علي حد كويس اروحلو بس و عنوانه و رقم تليفونه

[Ahmed Amin]

فيه ميكانيكي شاطر في صقر قريش أسمه علي الدهشوري,
رقمه 01000963549
وهوا بتاع بيجو بس هتلاقي كل اللي عنده 406 و 307 يعني كل شغل في الجديد وعنده الكمبيوتر بتاع بيجو ومصنعيته معقولة.

وعنده هناك قطع غيار أصلي ومش أصلي علي حسب مانتا عايز,
وممكن تجيب قطع غيارك قبل ما تروح له ودا اللي أنا بعمله أحتياطي عشان لو كان الأصلي خلصان من عنده.

لما تروح خليه يشخص لك العيب الأول,,
وبعد كدا شوف هتغير الحساس ولا هيتنضف وأبقي عرفنا عملت أيه,,


العنوان,, لو هتطلع عليهم من ناحية سيتي ستارز هتاخد طريق النصر لأخره وأنت سيتي ستارز في ضهرك وتكمل أتوستراد,,
لحد ما توصل وتعدي من تحت الدائري هتلاقي الطريق بقي فيه حارة يمين بطيئة هتدخل فيها وتفوت شارعين والتالت تدخل منه,,

الورشة قدامها حتة واسعة كبيرة كدا وانا أخدت لك صورة من الخريطة عندي ومن ويكي مابيا عشان تسهل عليك الوصول للمكان لأني دخت شوية علي ما وصلت له أول مرة لما دخلت من الفتحات الأولي,, والمفروض أدخل من تالت فتحة,

دا لنك تشوف مكان الورشة علي الخريطة.
Wikimapia - Let's describe the whole world!

ودي صور كنت واخدها للمكان أخر مرة لما كنت هناك,




بالتوفيق وأبقي عرفنا عملت أيه.

[mohamedadelemam]

يا فندم لو عربية حضرتك ال406 موديلات قبل 2002 هنصح حضرتك نصيحه ... سيبها تكتب اللى هى عايزاه اهم حاجه ان الاستهلاك والسحب تمام

[ahmdghalwash]

يا جماعه انا معايا الاسد 406 و كل شويه الكمبيوتر يطلع (anti polution fault ) و الميكانيكي قالي انه حساس شكمان و مش بيأثر علي حاجه.....الكلام ده مظبوط

السلام عليكم...هذا العيب يختص بخليط وقود غير مكتمل.....فمن المعلوم من الكيمياء العضوية ان البنزين مركب هيدروكربوني...ناتج احتراقه التام اول اكسيد الكربون وبخار ماء....الذي يتكثف عند خروجه من الشكمان وبنزل قطرات ماء...وهو مايشاع عنه ان الموتور بيعرق يبقي مظبوط!!!!!في بداية العمل باكتاليتك كونفرتر...يتم تحويل غاز اول اكسيد الكربون الخانق والملوث للبيئه الي ثاني اكسيد الكربون.......ويتم قياس كمية الكسجين بحساس يعرف بحساس الكسجين-او مايطلق عليه حساس الشكمان-(بعض السيارات يوجد بها حساسين).......هذه المقدمة من الممكن تكون ممله بس تدل ان الحساس ماهو الا ناتج وليس سبب العطل...بمعني يوجد سبب رئيسي قبل تغيير الحساس
مثلا......
1-تنظيف بوابة الخانق
2-بوجهات موصي بيها
3-وجود رطوبة او تلف لاحد اقطاب البوبينة الاربعه
4-تلف في البوبينة(وهو غالبا مايكون هو العيب بنسبة كبيره)
5-سدد في احد الرشاشات
6-تنظيف فيش الرشاشات
7اذا كان هذا المحرك d8والمتوافر في موديل 2001 وبداية 2002 يوجد خساس علي المانيفولد السحب
8-فلتر الهواء
يمكنك البدء بالبنود1238 ثم 4 وان شاءالله العيب هيروح
اسف للاطالة
م-احمدغلوش

[Ahmed Amin]

السلام عليكم...هذا العيب يختص بخليط وقود غير مكتمل.....فمن المعلوم من الكيمياء العضوية ان البنزين مركب هيدروكربوني...ناتج احتراقه التام اول اكسيد الكربون وبخار ماء....الذي يتكثف عند خروجه من الشكمان وبنزل قطرات ماء...وهو مايشاع عنه ان الموتور بيعرق يبقي مظبوط!!!!!في بداية العمل باكتاليتك كونفرتر...يتم تحويل غاز اول اكسيد الكربون الخانق والملوث للبيئه الي ثاني اكسيد الكربون.......ويتم قياس كمية الكسجين بحساس يعرف بحساس الكسجين-او مايطلق عليه حساس الشكمان-(بعض السيارات يوجد بها حساسين).......هذه المقدمة من الممكن تكون ممله بس تدل ان الحساس ماهو الا ناتج وليس سبب العطل...بمعني يوجد سبب رئيسي قبل تغيير الحساس
مثلا......
1-تنظيف بوابة الخانق
2-بوجهات موصي بيها
3-وجود رطوبة او تلف لاحد اقطاب البوبينة الاربعه
4-تلف في البوبينة(وهو غالبا مايكون هو العيب بنسبة كبيره)
5-سدد في احد الرشاشات
6-تنظيف فيش الرشاشات
7اذا كان هذا المحرك d8والمتوافر في موديل 2001 وبداية 2002 يوجد خساس علي المانيفولد السحب
8-فلتر الهواء
يمكنك البدء بالبنود1238 ثم 4 وان شاءالله العيب هيروح
اسف للاطالة
م-احمدغلوش

وعليكم السلام يا بشمهندس أحمد,,
ياريت لو تبعت لي رقمك هنا أو علي رسالة, وتقولي ممكن أبقي أجيلك فين.

بكرة 5 ديسمبر زي ما أتفقنا تبقي توريني الفالف بادي وهوا بيتنضف.
ولو مش فاضي بكرة أو مش مناسب ممكن نحدد أي يوم تاني يناسبك.

[rompo10]

انا عندي نفس العيب وكشف علي الكمبيوتر وطلعت رساله ان نسبه البنزين والهواء مش متناسقه مع بعضها والمهندس قالي عاوزها من اول اليوم عشان هايكشف علي حاجات كتير والعيب دا مخلي rpm مش مظبوط

[mostafa afifi]

لا مش تمام اوي ....الاستهلاك عالي شويه يعني لو جو المدينه و فاتح التكيف ممكن يوصل ل 17 لتر/100 كيلو و العربيه لما بمشي بيها مسافه سحبها بيتقل

[mostafa afifi]

متشكر جدا ...و انشاء الله هرحلو و هطمنك علي الاسد