استفسار بخصوص تقسيط بيجو 301 من التوكيل

[rock82egy]

السلام عليكم ورحمة الله وبركاته

انا كنت رحت توكيل بيجو اللى فى صلاح سالم علشان اتفرج على ال 301
تاموظف هناك قالى انه فيه تقسيط مباشر عندهم بفايده 9.2% على خمس سنين
حد يعرف حاجه عن الموضوع ده؟

[Akram.Gamal]

بص ياباشا هو فى الاول كان عادى انك تجيب بنك و تقسط معاه من الوكيل
يعنى تروح تحجز العربيه الاول و بعدين قبل الاستلام تتم الاوراق مابين البنك و الوكيل كانه معرض عادى
...

و بعد كده سمعنا ان التوكيل هيعمل مكتب مخصوص للمندوب البنك عندهم فى فرع صلاح سالم
و كمان لو عايز تقسط مع بنك معين قولهم و هما يجيبولك رقم المندوب
..

و اطمن مفيش خوف فى الموضوع ده انت اختار البنك ال انت عايزه و هما هيتعاملوا معاه
و هما ناس كويسه ... اعمل صلاة استخاره و توكل على الله

[rock82egy]

شكرا ياباشا لاهتمامك

بس انا بقول انهم عندهم تقسيط مباشر بدون تدخل بنوك اساسا

عن طريق شركة تابعه ليهم اسمها رواج

حد سمع عن حاجه زى كده

[Akram.Gamal]

لا بصراحه معرفش حاجه عن الموضوع ده
بس انت شوف لو عاجبك التقسيط معاهم توكل على الله
لو عايز بنك تانى قولهم و توكل على الله

[Ramy Hazem]

التقسيط المباشر مع التوكيل لا يكون معاه مباشرة ولكنه مع شركة تابعة ليه كما ذكرت " شركة رواج " ومقرها جاردن سيتي , ممكن تعمل بحث علي جوجل وتشوف نظامها ايه
بس انا من رايي انها هتكون زي البنوك , بمعني انها شركة منفصلة عن التوكيل ولكن بفائده اعلي شوية " زي كونتاكت كارز "
ده الي اعرفه وعلي حسب الي فهمته من المندوب بالتوكيل الي في صلاح سالم

تحياتي

[Ahmed Amin]

طيب بنك ناصر الأجتماعي أيه نظامة ؟
أنا كنت أسمع أنو بياخد أقل فايدة في التقسيط علي العربيات,
ممكن تشوف كدا وتكلمه وتشوف بياخد فايدة قد أيه, عشان النسبة اللي مكتوبة دي متهيألي عالية شوية.

[Akram.Gamal]

طيب بنك ناصر الأجتماعي أيه نظامة ؟
أنا كنت أسمع أنو بياخد أقل فايدة في التقسيط علي العربيات,
ممكن تشوف كدا وتكلمه وتشوف بياخد فايدة قد أيه, عشان النسبة اللي مكتوبة دي متهيألي عالية شوية.

بنك ناصر بيتعامل بفايده 6% و ده اقل فايده فى مصر
و التوكيل رافض انه يتعامل معاه و بيقول ده البنك الوحيد ال مش بنتعامل معاه .. الكلام ده على لسان عضو معانا هنا

[Ahmed Amin]

بنك ناصر بيتعامل بفايده 6% و ده اقل فايده فى مصر
و التوكيل رافض انه يتعامل معاه و بيقول ده البنك الوحيد ال مش بنتعامل معاه .. الكلام ده على لسان عضو معانا هنا

أنا سمعت كدا برضه, مع أن الفايدة بتاعت بنك ناصر من أفضل الأختيارات وأقل الفوايد,
طيب ليه التوكيل رافض يتعامل معاهم ؟ حد عنده خلفية ؟

[Akram.Gamal]

أنا سمعت كدا برضه, مع أن الفايدة بتاعت بنك ناصر من أفضل الأختيارات وأقل الفوايد,
طيب ليه التوكيل رافض يتعامل معاهم ؟ حد عنده خلفية ؟

و الله معرفش بس اصلا بنك ناصر بيطلب ضمانات كتير و حاجه ملل

[Ahmed Amin]

و الله معرفش بس اصلا بنك ناصر بيطلب ضمانات كتير و حاجه ملل

بس فرق الفايدة يشجع أي حد أنو ياخدها عن طريق بنك ناصر,
لأن أي فايدة بتقرب ل 10% بتبقي قطم وسط وبتقتل فرحة العربية خصوصاً لو سعرها مناسب علي أمكانيتها.

[damasry]

لان بنك ناصر فيه مشاكل وبقى يتأخر فى السداد للتوكيلات

[Akram.Gamal]

بس فرق الفايدة يشجع أي حد أنو ياخدها عن طريق بنك ناصر,
لأن أي فايدة بتقرب ل 10% بتبقي قطم وسط وبتقتل فرحة العربية خصوصاً لو سعرها مناسب علي أمكانيتها.

لان بنك ناصر فيه مشاكل وبقى يتأخر فى السداد للتوكيلات

ادينا عرفنا السبب
اانا كنت جربت فمره اشوف لو يمكن الحال يمشى معاه و لما دورت لاقيت القسط ده اصلا بهدله و مفيش احسن من الكاش