301 مانيوال

[mostgood]

تحيه لجميع الأعضاء

ارجو الأفاده بكمليات ال 301 بيزلين مانيوال عشان كل لما اروح معرض مبلقيش غير الهاي لين.....


شكرا

[Ahmed.Essam]

المفروض بتنزلك بالطلب بتحجزها وتستنى فترة على ما تنزل

[mostgood]

؟؟؟؟؟ عفوا

[mostgood]

انا بسأل عن الكمليات ( تكييف باور سينسور جنوط )

[Ahmed.Essam]

يعني حضرتك بتروح مثلا توكيل بيجو ومش بتلاقي هناك بيجو 301 مانيوال لان كل اللي بيطلبها بيطلبها اوتوماتيك عشان كده المانيوال لازم حضرتك بتطلبها من المعرض وهما بيجيبوها بعد فترة ولتكن شهرين .. والله اعلم

[amrelsaqqa]

المانيوال زي البيزلاين اوتوماتيك بالظبط
ناقصة عن الهايلاين :

الجنوط والمرايات الكهربا والشبكة الكروم و الفوجات والنيكل في الجوانب والباركنج سنسورز ، ده من برة
من جوة ناقصة الطارة الجلد ودراع التحكم والحلية اللامعة اللى في الطارة والتابلوه والكاسيت البلوتوث واليو اس بي وشاشة المعلومات والمسند ومقابض الابواب الطويلة والتكييف التتش والولاعة (السوكت موجود ولكن بدون الولاعة نفسها )


ولكن فيها كمبيوتر رحلات وabs+ebd+eba و 2 airbag و ايموبلايزر وتكييف مانيوال وكاسيت سي دى عادى وامكانية طي الكنبة والتحكم في النور كهربة (خفض ورفع مستوى النور ) و فوج خلفى وممكن تركيب الفوجات الامامية بسهولة لان الضفيرة وذراع التحكم راكبين بالفعل ...

كمان العربية فيها تنبيه صوتى عند السير والهاند مرفوعة
وفيها انك لو ماشى بسرعة جدا وهديت مرة واحدة فرامل مفاجأة الانتظار يشتغل لوحده مع معدل اسرع عشان تنبيه للى وراك ان في طوارئ وانك بتقف جامد
طبعا فيها فتح الشنطة كهربة من جوة او بالمفتاح ولا يوجد كالون خارجي للشنطة سواء في البيزلاين او الهايلاين
ولكن تقدر تفتح الشنطة من الريموت ( المفتاح من نوع القابل للطي )

لا يوجد وحدات رفع في اي فئة ، وفي الهايلاين المرايات كهربة ولكن بدون ضم ، و لا يوجد لمبة صالون خلفية او وسطية ( امامية فقط ) ، ولا يوجد اضاءة في درج التابلوه ( في كل الفئات )
لا يوجد مؤشر حرارة في كل الفئات ولكن يوجد لمبة تنبيه في العدادات زي لمبة الزيت والبطارية مثلا

[Ahmed.Essam]

انا بسأل عن الكمليات ( تكييف باور سينسور جنوط )

اه اسف افتكرت حضرتك بتسأل ان المانيوال مش بتلاقيها معروضة زي الهاي لاين .. غلط مني مقرأتش كويس معلش

[mostgood]

شكرا لرد حدرتك جدا
بس ياترى حد عنده معلومه عن الكماليات ؟؟

[mostgood]

اه اسف افتكرت حضرتك بتسأل ان المانيوال مش بتلاقيها معروضة زي الهاي لاين .. غلط مني مقرأتش كويس معلش

ههههههه ولا يهمك

[mostgood]

المانيوال زي البيزلاين اوتوماتيك بالظبط
ناقصة عن الهايلاين :

الجنوط والمرايات الكهربا والشبكة الكروم و الفوجات والنيكل في الجوانب والباركنج سنسورز ، ده من برة
من جوة ناقصة الطارة الجلد ودراع التحكم والحلية اللامعة اللى في الطارة والتابلوه والكاسيت البلوتوث واليو اس بي وشاشة المعلومات والمسند ومقابض الابواب الطويلة والتكييف التتش والولاعة (السوكت موجود ولكن بدون الولاعة نفسها )


ولكن فيها كمبيوتر رحلات وabs+ebd+eba و 2 airbag و ايموبلايزر وتكييف مانيوال وكاسيت سي دى عادى وامكانية طي الكنبة والتحكم في النور كهربة (خفض ورفع مستوى النور ) و فوج خلفى وممكن تركيب الفوجات الامامية بسهولة لان الضفيرة وذراع التحكم راكبين بالفعل ...

كمان العربية فيها تنبيه صوتى عند السير والهاند مرفوعة
وفيها انك لو ماشى بسرعة جدا وهديت مرة واحدة فرامل مفاجأة الانتظار يشتغل لوحده مع معدل اسرع عشان تنبيه للى وراك ان في طوارئ وانك بتقف جامد
طبعا فيها فتح الشنطة كهربة من جوة او بالمفتاح ولا يوجد كالون خارجي للشنطة سواء في البيزلاين او الهايلاين
ولكن تقدر تفتح الشنطة من الريموت ( المفتاح من نوع القابل للطي )

لا يوجد وحدات رفع في اي فئة ، وفي الهايلاين المرايات كهربة ولكن بدون ضم ، و لا يوجد لمبة صالون خلفية او وسطية ( امامية فقط ) ، ولا يوجد اضاءة في درج التابلوه ( في كل الفئات )
لا يوجد مؤشر حرارة في كل الفئات ولكن يوجد لمبة تنبيه في العدادات زي لمبة الزيت والبطارية مثلا

شكرا جزيلا على مجهودك العظيم ......

بس كده اللوجان الي معايا اغنى منها بكتير

[amrelsaqqa]

ازاى انت عندك ايه زيادة مش موجود في البيجو البيزلاين ؟

[mostgood]

1- دراع تحكم في الصوت و الراديو والبلوتوث ورا عجله القياده
2-بلوتوث للتليفون
3- مرايات كهربا
4- فوج لايت
5- نور درج الطبلوه

[amrelsaqqa]

1- دراع تحكم في الصوت و الراديو والبلوتوث ورا عجله القياده
2-بلوتوث للتليفون
3- مرايات كهربا
4- فوج لايت
5- نور درج الطبلوه

ااها ده انت معاك اللوجان الكاملة
بس مفيش abs+ebd+eba ولا ايموبلايزر ولا ايرباج والحاجات دى مكلفة وفي نفس الوقت بقت مهمة جدا دلوقتى

[mostgood]

ااها ده انت معاك اللوجان الكاملة
بس مفيش abs+ebd+eba ولا ايموبلايزر ولا ايرباج والحاجات دى مكلفة وفي نفس الوقت بقت مهمة جدا دلوقتى

فى امبوليزر و ايرباج واحد واشتريتها ب 86000 بس اكيد بيجو شكلها احدث بس الفرق كتير

[smsm2004w]

فى امبوليزر و ايرباج واحد واشتريتها ب 86000 بس اكيد بيجو شكلها احدث بس الفرق كتير

بعيدآ عن الفرق فى الكماليات البيجو فئه تانيه اعلى من اللوجان بمراحل وربنا يهديك للأصلح لك