اسود ولا فضى ل 301

[maio_do]

بسم الله الرحمن الرحيم

السلام عليكم ورحمه الله وبركاته

مش باقى غير عربيتين ادامى اسود ولا فضى مع انى مش حابب الفضى لانى زهقت منه وعربيتى كانت فضى

[aliabdo]

الاسود حلو بس اي لون غامق فى مصر بيلم تراب و بيتبهدل بسرعه
خد الفضى :)

[maio_do]

الاسود حلو بس اي لون غامق فى مصر بيلم تراب و بيتبهدل بسرعه
خد الفضى :)

لا وقالوا هيجير ولونه هيروح بعد سنتين لمعته

[mahmed0100]

الاسود جميل عليها ... و انت شاري عربيه زيرو اكيد حتحافظ عليها و حتغطيها .. و تقريبا ضمان البويات حوالي ٧ سنين او ١٠ سنين في ال 301 يعني اكيد حاجه محترمه

[maio_do]

الاسود جميل عليها ... و انت شاري عربيه زيرو اكيد حتحافظ عليها و حتغطيها .. و تقريبا ضمان البويات حوالي ٧ سنين او ١٠ سنين في ال 301 يعني اكيد حاجه محترمه

حيرتونا يا جدعان يعنى مش هيجير ولمعته تروح

[abdozoon]

الفضي جميل على العربية دي هو والفيراني

[maio_do]

الفضي جميل على العربية دي هو والفيراني

شكلى انا االلى هختار فى الاخر

[mohjarr]

نصيحتى لك أن تتوكل على الله و تأخذ الفضى .. اللون ممتاز عليها ولافت للنظر و عن تجربة فى سيارتين من سيارات أقاربى.. ودائماً أنصح بالألوان الفاتحة فى هذه السيارة نظراً لأبعاد السيارة فتعطيها حجم أكبر خارجى.
الأسود لون ممتاز ولكن ليس فى مصر..بمجرد ما تنظف السيارة سيظهر عليها التراب فى خلال دقائق ده غير الخرابيش إللى هاتظهر و هاتظهر جامد فى اللون الأسود.

[abdozoon]

شكلى انا االلى هختار فى الاخر

الموكا جميل عليها برضه ، الصراحة احلى الترتيب بالنسبة ليا فضي ، موكا ، فيراني ، أزرق ، بترولي
وطبعاً الاختيار النهائي ليك ومبروك مقدماً

[xname2004]

فضى علشان لون فاتح:
علشان التكييف يكون كفاءه أعلى لأن الاسود بيمتص الشمس قوى و التكييف ف البيجو أعلى من المتوسط ف الطوالى و متوسط جوه البلد ( ده كلام الناس هنا)

لون فاتح علشان العربيه كنزه شويه و الأسود هيخليها كنزه قوى و بالذات من الخلف

[Ahmed Amin]

الفضي حلو جداً علي العربية, والفضي بيليق علي أي عربية ومش بيتروح لمعته ولونه بسرعة زي الأسود.
كمان العربيات السوداء بتبقي أشيك في الأحجام الكبيرة مش الصغيرة,
الأسود مع العربيات اللي جسمها صغير بيصغر شكلها أكتر.

[damasry]

الاسود على العربية شكله حكاية وبصراحة معجبنيش الفضى عليها.

الالوان بالترتيب عندى هى الرمادى - الازرق - الموكا - الاسود - الفضى - الابيض - السماوى

[abdozoon]

الموكا جميل عليها برضه ، الصراحة احلى الترتيب بالنسبة ليا فضي ، موكا ، فيراني ، أزرق ، بترولي
وطبعاً الاختيار النهائي ليك ومبروك مقدماً

آسف قصدي الشامبين مش الموكا
فضي ، الشامبين ، فيراني ، أزرق بترولي ، موكا

[abohend]

فضي قولا واحدا

بدل الإختيار منحصر بين الأسود و الفضي يبقى الفضي قولا واحدا

[modysasazin]

فضي وبدون تفكير