Tweet
تقرير مبدئى عن 301 بعد الاستلام (100 كيلو)
بسم الله الرحمن الرحيم
السلام عليكم ورحمه الله وبركاته
الحمد لله استلمت العربية من معرض اليثى الهاى لاين جبتها لون بترولى
جبتها صدفة باللون ده كنت رايح اشتريها من الريان الاسود ولقيتها فى الشارع السوده وقفت اتفرج عليها واوريها لصاحبى لانه كان بيقولى سيبك من البيجو وهات ريو هاتشباك وانا بحاول اقنعه لقيت استيكر اليثى ملزوق كلمته قالى موجوده وتعال استلم حالا
استلمت كان اول تعليق ليا انى فتحت الكابوت ولقيت الصدر لون بيج غير لون العربية استغربت ونزلت موضوع برقمى والحمد لله مفيش ربع ساعه كلمنى استاذ اكرم وعربيته نفس اللون وطمنى وقالى ده عادى وبعدها استاذ ابراهيم اتصل بيا وعرفنى حاجات فى العربية وبشكره جدا على مساعدته
اولا سحب العربية جميل جدااا ضعيف فى الاول ونتشة فى التانى بس بعد كده تمام وانا مجريتش بيها لسه اخرى 80 لانها لسه بتلين
الفتيس عايز الواحد يتعود عليه مش عارف ليه متعملش زى باقى العربيات بس مش وحش
العفشة مفيش اى شكوى منها جميلة وناعمة بعكس السيراتو تماما
الفرامل كويسه جداااا وانا لسه مجرتش بس عن اول تجربة تمام
المتعه فى قمه الفرحه فعلا العربية جميلة جدا الحمد لله
البلوتوث اكثر من رائع يتعبك شوية فى اول مرة وانت بتوصله بالموبيل وبعد كده تمام صوت المكالمة واضح جدااا لاتنين غير انك تقدر تقلب فى ميديا الموبيل الصوتيه بسهوله جدا كانك من الموبيل نفسه بس المشكلة مبيقراش عربى ولا الاسماء ولا الاغانى واعتقد ان كل العربيات كده
الصوت الصوت جيد جدا بحس التقسيم والبيظ وكل حاجة جميلة بحس ان السماعات الوراء ضعيفة لسه مسالتش حد قاعد وراه وتقسيمة السماعات يعنى كانوا يحطوا 2 زيادة فى البابين كانت تبقى اجمد
العربية جميلة جداا شنطة واسعه الكنبة اللى ورا تشيل 3 متوسطين الحجم
راضى تماما عن العربية ومبسوط جدا منها صفقة مربحه جداا الحمد لله
العيوب
حاجات بسيطة بس تتضايق مثلا اماكن التخزين وحشه جدااا متعرفش تحط الموبايل فين
حاجات بسيطة بس تتضايق مثلا اماكن التخزين وحشه جدااا متعرفش تحط الموبايل فين
وذراع المالتى كان من الافضل انه يبقى فى الطاره زى ال 508 وزى اى عربية بس مع التعود عادى
فيه شوية حاجات فى كمبيوتر العربية لسه مش فاهمها واهمها ان مبيظهرليش البنزين يمشينى اد اية؟
كده التقرير ده خلص ان شاء الله اعمل تقرير عند اول صيانه 2500 وعن التوكيل وتعامله
احب اشكر كل الناس اللى فادونى والله فى كل الاقسام لحد ماوصلت انى اشترى البيجو
وبالاخص هنا اكرم وابراهيم واحمد امين واحمد رفعت والسقا وكل الناس واللى نسيته يسامحنى
والله انا مبسوط انى انضميت للقسم وبقيت من الاسره البيجاوية معاكوا 
Comment