فى حد أستلم

[Amr Hussain]

السلام عليكم

النهاردة شوفت كساحة عليها 6 عربيات بيجو 301 كان فيهم 2 اسود بيز لاين و 2 سماوى و مش فاكر اخر الاثنين كانت فى محور الشهيد متوجهة الى طريق النصر يامسهل انا كنت فقدت الامل ان فى حد بيستلم اصلا

ياريت حد يفيدنا

[mohamed hussei]

انا مش عاوز احبطك ممكن الكساحتين دول لمعرض "احتمال ضعيف"

[eng_alaaali440]

على فكرة ياجماعة موضوع الجيش ودخوله فى حجوزات العربيات البيجو 301 ده اكيد ومن التوكيل نفسه كان الرد عليه بخصوص الأستلامات خلال هذا الشهر

[Amr Hussain]

هو فى حد أستلم الشهر دة عايزبن نعمل الموضوع دة لمتابعة التسليم لمعرفة هل فى استلام ام لا

[mahmed0100]

،متابع

[Amr Hussain]

متابع

[ابو هنا]

متابع انا حاجز هاي لاين بتاريخ 1 / 11 من عباد الرحمن بالاسكندرية

[abohend]

عبادالرحمن

أنا حاجز مانيوال يوم 30-10-2013 من عباد الرحمن اﻷسكندرية
يومها قال من شهر و نص لشهرين
دلوقتي الكلام على أول يناير
بس أنا عارف أنه مش قبل نص يناير ﻷن المركب اللي المفترض نستلم عليها هتوصل آخر الشهر
يبقى عقبال إجراءات اﻹفراج الجمركي و التوزيع على الفروع تتم يبقى على نص يناير
كان المفترض حاجزي سبتمبر و أكتوبر يستلموا على المركب اللي جت أول الشهر لكن موضوع الجيش كان السبب
لنا الله...ربنا يصبرنا

[eng_alaaali440]

الموضوع ان الجيش حاجز المركب الى دخلت اول شهر 12 والمركب الى داخله اخر شهر 12 موديلات مانيوال وبيزلاين علشان كده حصل تاخير فى الموديلات ديه عن المتفق عليه سابقا" وده مع جزء من التاثير على موديلات الهاى لاين فى هذا الشهر . ولكن من التوكيل نفسه احب اقول لكل السادة الحاجزين مانوال او بيز لاين لن يتم التسليم قبل نهاية شهر يناير القادم بمعنى ان التسليم ممكن يوصل لبداية شهر 2 القادم.
اما الناس الى حاجزة اخر شهر 9 وكمان شهر 10 بالكامل موديل هاى لاين هيستلمو فى المركب الى داخله اخر شهر 12 الحالى .والله الموفق والمستعان وربنا يعينا على المصايب الى شغالة تقع فوق دماغنا دية

[mohamedyounis]

السلام عليكم

أنا حاجز من يوم 28 سبتمبر اللي فات هاي لاين ويا دوب كلموني امبارح عشان نتفق علي مواعيد التسليم بعد ما ورقها ييجي وكده. كنت حاجز من السبع - مصر الجديدة وهما وكيل معتمد وأكدولي ان في تأخير هايحصل في البيز لاين عشان الجيش حاجز كمية كبيرة منها وكمان المانيوال . وكان بيقولي ان هما عندهم عملاء بقالهم شهرين وكانوا المفروض يستلموا ومش هايعرف يسلمهم في مركب 12 اللي دخلت دي وهايستنوا المركب الجاي.

ربنا يسهل للجميع ومعلش الصبر مفتاح الفرج

الله المستعان

[smsm2004w]

كده حرااام بجد احنا نستنى والجيش يركب مهو لو على الفلوس كلنا كان ممكن ندفع كاش بيقولوا فى التوكيل ان الجيش دافع مقدم مع شرط استلام عدد فى خلال 3 شهور والتوكيل علشان يوفر ليه العدد ده لازم ميسلمش حد الا العربيات اللى الجيش مش طالبها وتقريبآ الجيش بنسبة 90% حاجز مانيوال وأتو وده سبب التأخير اما الهاى لاين فكده كده حجزها 3 شهور مقفولة ومش عاملة مشكلة علشان الجيش حاجز منها قليل ربنا معانا ويكون فى عونا

[mohamed hussei]

مبروك للجيش :] مفروض يبئا فية مساواة مش كل منظمة او اي وزارة في بلد تطلب عربيات بكمية كبيرة يأجل الناس الي حاجزة

[fourseasons]

يا باشا هى جت على الجيش.طب ما الموزعيين الكبار بيتعاملوا معاملة الجيش بارضوا و كل الناس لو عاوزة تشترى بتشترى بأوفر برايس من التجار.التوكيل يهمه انه يخلص بنظام اللكشة هاهاهااه الطلبية يعنى, لاكن عميل عميل ديه بتخنق فى التخليص و الجمارك وووو لاكن الأسهل انه بشوف شركة ادوية او شركة لليموزين او اى منشأة اى كانت تشيل مرة واحدة و هو بياخد الكوميشن بتاعه.يعنى الموضوع لا عشان جيش او يحزنون...الموضوع سلكنى تجدنى من الأخر.

[eng_alaaali440]

ملحوظة اكتشفتها مؤخرا" للى عاوز يحجز العربية احسن يروح معرض b1 auto الى فى مساكن شيراتون طريق المطار. السعر عنده ذى التوكيل وبتستلم فى اسرع وقت عن التوكيل الى بيتاخر شوية لأن المعرض موزع معتمد وبياخد كميات ثابتة كبيرة من التوكيل.

[limo81]

شكرا للافادة وجزاكم الله خيرا