سؤال عاجل بخصوص صوت فى بيجو 301 فى المطبات

[m.basha]

السلام عليكم عندى استفسار مهم العربية عاملة معايا يدوبك 700 كيلو كده و بقالى كام يوم كده بسمع زى صوت دبة كده فى المطبات بس مش اى مطب فى المطبات القويه و بتبقى على سرعة خفيفة كده يعنى لو هديت و اخدت المطب على الهادى مفيش صوت بس لو حاجة مفاجئة ونقرة غويطة شويه بسمع زى صوت دبة او تكة فى الامام انا قلت ممكن تكون حاجة فى الشنطة بتعمل الصوت ده بس فضيتها خالص و لقيت مالوش علاقة برجاء الافادة ممكن يبقى ايه الصوت ده و شكرا ؟

[Hema_Basha]

ممكن تكون صوت العفشة انا كان عندي كده واما عملت صيانة وربطوا العفشة الصوت ده راح

[Akram.Gamal]

ده تربيط عفشه و حاجه طبيعيه جدا
ان شاء الله فى صينانة 2500 هيربطولك العفشه و هتبقا تماام

[hossamalsadik]

عفشه تتربط
متقلقش خالص

[m.basha]

ده تربيط عفشه و حاجه طبيعيه جدا
ان شاء الله فى صينانة 2500 هيربطولك العفشه و هتبقا تماام

يا باشا طيب معلشى هى العفشة لحقت تبقى عايزة تتربط انا عامل بالعربية 700 كيلو فقط انا اعرف تربيط العفشة ده بيبقى بعد فترة من المشى و بعدين يعنى انا مالحقتش امشى فى شوارع مدخدخة اوى

[amgomaa]

من خبرتى فى ركوب عربيات كتير صوت الدبه ده طبيعى مع الطرق الزباله بتاعتنا بس سؤال انت بتسوق وانت قافل الازاز ولا فاتحه علشان أكيد الصوت ده واضح بس و انت قافل الازاز

[Karim Alaa]

يا باشا طيب معلشى هى العفشة لحقت تبقى عايزة تتربط انا عامل بالعربية 700 كيلو فقط انا اعرف تربيط العفشة ده بيبقى بعد فترة من المشى و بعدين يعنى انا مالحقتش امشى فى شوارع مدخدخة اوى

معظم العربيات بيتم تربيط العفشه فى اول صيانه الى بتبقى مبين 1000 كيلو و 5000 كيلو فده العادى العفشه مش بتبقى فى افضل حالاتها غير بعد تربيطها و ده عادى جدا متقلقش :)

[abohend]

عفشة

إن شاء الله عفشة تتربط و كله يبقى تمام
طمنا بعد صيانة ال2500

[wella3330]

ضبطت ضغط الكاوتش ؟

واذا كان لا , املاه نيتروجين و هيفرق معاك جدا ؟

[Akram.Gamal]

يا باشا طيب معلشى هى العفشة لحقت تبقى عايزة تتربط انا عامل بالعربية 700 كيلو فقط انا اعرف تربيط العفشة ده بيبقى بعد فترة من المشى و بعدين يعنى انا مالحقتش امشى فى شوارع مدخدخة اوى

الكلام ده تقوله بعد اول تربيطه للعفشه لكن حاليا هي جيالك من غير تربيط اصلا

[eng_alaaali440]

اتاكد حضرتك اولا" من ضغط الكاوتشات ثم موضوع تربيط العفشة ده طبيعى لآن مع الاستخدام فى مسامير وخصوصا" فى المناطق التى تتحرك بكثرة اثناء السير بالعربية والتربيط مابيكونش كتير لأن الفرق بيكون بسيط بعد التحرك بالعربية . ولكن ضغط الكاوتش هوه المهم حاول تشترى مقاس هواء للكاوتش وتخليه فالعربية دايما" معاك لأن مش فى كل الأوقات المقاس عند محلات الكاوتشات بيكون سليم.وبالتوفيق دائما"

[m.basha]

اتاكد حضرتك اولا" من ضغط الكاوتشات ثم موضوع تربيط العفشة ده طبيعى لآن مع الاستخدام فى مسامير وخصوصا" فى المناطق التى تتحرك بكثرة اثناء السير بالعربية والتربيط مابيكونش كتير لأن الفرق بيكون بسيط بعد التحرك بالعربية . ولكن ضغط الكاوتش هوه المهم حاول تشترى مقاس هواء للكاوتش وتخليه فالعربية دايما" معاك لأن مش فى كل الأوقات المقاس عند محلات الكاوتشات بيكون سليم.وبالتوفيق دائما"

والله يا باشا الكاوتش لسه ظابطه عند بريدجستون و انا كمان ماليه نيتروجين من اول ما استلمت العربية ممكن فعلا تكون العفشة عايزة تتربط انا حاتابع الصوت كده و اشوف لما ميعاد صيانة ال 2500 كيلو ابقى اقولهم ان شاء الله

[m.basha]

إن شاء الله عفشة تتربط و كله يبقى تمام
طمنا بعد صيانة ال2500

ان شاء الله اطمنك بعد الصيانة و انت يا باشا لو عايز تستفسر منى على حاجة قبل الاستلام معاك يا برنس انا عارف ان احنا من اسكندرية زى بعض وربنا معاك لحد ما تستلم على خير

[m.basha]

الكلام ده تقوله بعد اول تربيطه للعفشه لكن حاليا هي جيالك من غير تربيط اصلا

طيب ما هو يا اكرم باشا الناس كلها اللى استلمت العربية ماعندهومشى نفس الشكوى مع انت بتقول يعنى ان العفشة بتبقى جايه مش متربطة اصلا ؟

[Akram.Gamal]

طيب ما هو يا اكرم باشا الناس كلها اللى استلمت العربية ماعندهومشى نفس الشكوى مع انت بتقول يعنى ان العفشة بتبقى جايه مش متربطة اصلا ؟

لا ازاي الكلام ده
انا كان عندى نفسى الموضوع و ابراهيم برضو
انت بس ال مش متعود على الصوت ده !!