إعـــــــلان

Collapse

.

,
See more
See less

الصيانة و قطع الغيار المهمة

Collapse
X
 
  • Filter
  • الوقت
  • Show
Clear All
new posts

  • الصيانة و قطع الغيار المهمة

    عندي سؤال بالنسبة للصيانة فالتوكيل (أي عربية بيجو مش موديل معين)
    هل عند تغيير سيور أو تيل أو غيره سواء فالصيانات الدورية أو في الإصلاحات
    التوكيل بيدي للعميل قطع الغيار القديمة و لا لازم تطلبها
    أنا بسأل السؤال ده عشان ممكن الواحد يتزنق في أي وقت من الأوقات في سير دينامو , سير كاتينة, ...فيبقى معاه القديم إحتياطي يمشي بيه لحد ميوصل أقرب مركز صيانة
    بدل ميضطر يسيب العربية و يرجعلها بعد ميجيب قطعة الغيار و الميكانيكي (تتكلبش-تتخبط-تتسرق)
    و سؤال تاني لخبراء البيجو

    ايه الأجزاء المهمة اللي الواحد يخليها معاه إحتياطي عشان تنفعه وقت اللزوم؟؟!!
    [SIGPIC][/SIGPIC]

  • #2
    و ضيفلي كمان سؤال يا باشا :)

    لما بروح للتوكيل في معاد غير معاد الصيانه علشان مشكله في العربيه بدفع رسوم فحص ??

    Comment


    • #3
      المشاركة الأصلية كتبت بواسطة abohend مشاهدة المشاركة
      عندي سؤال بالنسبة للصيانة فالتوكيل (أي عربية بيجو مش موديل معين)
      هل عند تغيير سيور أو تيل أو غيره سواء فالصيانات الدورية أو في الإصلاحات
      التوكيل بيدي للعميل قطع الغيار القديمة و لا لازم تطلبها
      أنا بسأل السؤال ده عشان ممكن الواحد يتزنق في أي وقت من الأوقات في سير دينامو , سير كاتينة, ...فيبقى معاه القديم إحتياطي يمشي بيه لحد ميوصل أقرب مركز صيانة
      بدل ميضطر يسيب العربية و يرجعلها بعد ميجيب قطعة الغيار و الميكانيكي (تتكلبش-تتخبط-تتسرق)
      و سؤال تاني لخبراء البيجو

      ايه الأجزاء المهمة اللي الواحد يخليها معاه إحتياطي عشان تنفعه وقت اللزوم؟؟!!
      اي حاجه حضرتك هتغيرها جوه التوكيل و هتدفع تمن القطعه الجديده
      هتاخد القطعه القديمه ال طالعه من عربيتك حتى ولو كانت لمبه
      وكل حاجه هتتغير هتلاقيه حاططلك القديمه فى علبة القطعه الجديده فى الشنطه
      Facebook.com/groups/peugeot.301.fans

      Comment


      • #4
        المشاركة الأصلية كتبت بواسطة akram.gamal مشاهدة المشاركة
        اي حاجه حضرتك هتغيرها جوه التوكيل و هتدفع تمن القطعه الجديده
        هتاخد القطعه القديمه ال طالعه من عربيتك حتى ولو كانت لمبه
        وكل حاجه هتتغير هتلاقيه حاططلك القديمه فى علبة القطعه الجديده فى الشنطه
        طب و بالنسبة للحاجات المهمة اللي أنت شايف إن الواحد يحتفظ بيها فالعربية عشان يستخدمها وقت اللزوم؟؟؟
        [SIGPIC][/SIGPIC]

        Comment


        • #5
          المشاركة الأصلية كتبت بواسطة mahmed0100 مشاهدة المشاركة
          و ضيفلي كمان سؤال يا باشا :)

          لما بروح للتوكيل في معاد غير معاد الصيانه علشان مشكله في العربيه بدفع رسوم فحص ??
          لو روحت في معاد الصيانة أو غير معاد الصيانة طبعاً هتدفع رسوم, دا لو العربية دخلت الورشة.
          ودا في أي توكيل مش بيجو بس.

          يعني أي عربية بتدخل توكيل تكشف علي حاجة, بتاخد أمر شغل,,
          وأمر الشغل دا أو الكشف بحساب طبعاً, لأنها بتاخد وقت من وقت عمل التوكيل.

          لكن لو روحت التوكيل عشان عندك مشكلة ووقفت بالعربية برة في الأستقبال قبل ما تدخل الورشة ويتعملك أمر شغل,
          والمهندس طلع لك وشاف العربية معاك وكان فيها مشكلة ظاهرة وتشخيصها سهل والمهندس قالك دي هتحتاج يتغير لها كذا وتتكلف كذا, وكان الكلام دا قبل ما يطلع أمر شغل.
          ممكن تاخد بعضك وتمشي عادي من غير ما تدفع فلوس وهتكون عرفت العيب,
          أو لو مش عايز تعملها يومها أو المبلغ ميكفيش معاك.

          لكن مش في كل الأحوال ومش كل المهندسين بيكونو ودودين كدا, وفيه منهم اللي هيقولك لازم يعمل أمر شغل عشان تدخل الورشة ويتكشف عليها.
          حالات نادرة بس بتكون العربية ظاهر المشكلة فيها لو رايح بتشتكي من عيب, وبيتقالك أيه العيب دا قبل ما تدخل تصلحة, ويتعمل أمر شغل وتدفع حق كشف فقط, أو أصلاح.
          LeitoSR سابقا

          Comment


          • #6
            المشاركة الأصلية كتبت بواسطة abohend مشاهدة المشاركة
            عندي سؤال بالنسبة للصيانة فالتوكيل (أي عربية بيجو مش موديل معين)
            هل عند تغيير سيور أو تيل أو غيره سواء فالصيانات الدورية أو في الإصلاحات
            التوكيل بيدي للعميل قطع الغيار القديمة و لا لازم تطلبها
            أنا بسأل السؤال ده عشان ممكن الواحد يتزنق في أي وقت من الأوقات في سير دينامو , سير كاتينة, ...فيبقى معاه القديم إحتياطي يمشي بيه لحد ميوصل أقرب مركز صيانة
            بدل ميضطر يسيب العربية و يرجعلها بعد ميجيب قطعة الغيار و الميكانيكي (تتكلبش-تتخبط-تتسرق)
            و سؤال تاني لخبراء البيجو

            ايه الأجزاء المهمة اللي الواحد يخليها معاه إحتياطي عشان تنفعه وقت اللزوم؟؟!!
            التوكيل بيحط الحاجة اللي بتتغير في الشنطة زي ما أكرم وضح,
            الكلام دا في الحاجات اللي زي السيور والبلي والبوجيهات وأجزاء من العفشة والكلام دا,
            لكن فيه حاجات زي فلتر الزيت دا بيترمي ومش بيكون ليه أستخدام تاني ولا ينفع لانه بينزل أسود بلاك, ولو أتحط في العربية هيوسخها.

            ومش كل الحاجات القديمة ممكن تستخدمها, سير زي الكاتينة بيترمي, ولو فكرت تركبه تاني تبقي بتغلط غلطة عمرك, لأنو لو قطع العربية هتجيب طقم صبابات أو وش سلندر,
            ومفيش ميكانيكي أصلاً ولا توكيل هيركب سير كاتينة أستعمال.!
            سير المجموعة بس اللي ممكن تحتفظ بيه, أما الكاتينة والبلي والبوجيهات والفلاتر كل دا بيترمي.
            المشاركة الأصلية كتبت بواسطة abohend مشاهدة المشاركة
            طب و بالنسبة للحاجات المهمة اللي أنت شايف إن الواحد يحتفظ بيها فالعربية عشان يستخدمها وقت اللزوم؟؟؟
            مفيش حاجة مهمة إلا لو كنت بتفهم في الميكانيكا ومعاك عدة وبتعرف تشتغل بالعربية في أيديك,
            يعني مثلاً لو سير الكاتينة أتقطع, هل أنت متخيل أنك ممكن تغيرة بنفسك ؟
            سير الكاتية ليه توقيت معين وظبطه معين بيتركب بيها, وإلا هيخلف في التوقيت,
            كمان عشان تفك جنب الموتور دا حوار مش سهل ومش واحد عادي بيعمله لأزم واحد فني ومتمرن علي الموضوع دا.
            لو طلمبة البنزين عطلت, هل معاك العدة اللي هتفك بيها الطلمبة من قلب التانك ؟
            وهل معاك أمكانية أنك تخلي طلمبة جديدة أو حتي موتور وتفك الطلمبة وتطلع القلب وتركب واحد مكان واحد وتمشي بيها تاني.!

            ممكن تخلي سير مجموعة معاك, بس حتي دا مش مهم لأنو لو أتقطع العربية هتمشي عادي من غير مشكلة ومش هتحتاج تركب واحد عشان تروح لأقرب مركز خدمة.

            فا متشغلش بالك بالكلام دا.
            LeitoSR سابقا

            Comment


            • #7
              المشاركة الأصلية كتبت بواسطة ahmed amin مشاهدة المشاركة
              التوكيل بيحط الحاجة اللي بتتغير في الشنطة زي ما أكرم وضح,
              الكلام دا في الحاجات اللي زي السيور والبلي والبوجيهات وأجزاء من العفشة والكلام دا,
              لكن فيه حاجات زي فلتر الزيت دا بيترمي ومش بيكون ليه أستخدام تاني ولا ينفع لانه بينزل أسود بلاك, ولو أتحط في العربية هيوسخها.

              ومش كل الحاجات القديمة ممكن تستخدمها, سير زي الكاتينة بيترمي, ولو فكرت تركبه تاني تبقي بتغلط غلطة عمرك, لأنو لو قطع العربية هتجيب طقم صبابات أو وش سلندر,
              ومفيش ميكانيكي أصلاً ولا توكيل هيركب سير كاتينة أستعمال.!
              سير المجموعة بس اللي ممكن تحتفظ بيه, أما الكاتينة والبلي والبوجيهات والفلاتر كل دا بيترمي.

              مفيش حاجة مهمة إلا لو كنت بتفهم في الميكانيكا ومعاك عدة وبتعرف تشتغل بالعربية في أيديك,
              يعني مثلاً لو سير الكاتينة أتقطع, هل أنت متخيل أنك ممكن تغيرة بنفسك ؟
              سير الكاتية ليه توقيت معين وظبطه معين بيتركب بيها, وإلا هيخلف في التوقيت,
              كمان عشان تفك جنب الموتور دا حوار مش سهل ومش واحد عادي بيعمله لأزم واحد فني ومتمرن علي الموضوع دا.
              لو طلمبة البنزين عطلت, هل معاك العدة اللي هتفك بيها الطلمبة من قلب التانك ؟
              وهل معاك أمكانية أنك تخلي طلمبة جديدة أو حتي موتور وتفك الطلمبة وتطلع القلب وتركب واحد مكان واحد وتمشي بيها تاني.!

              ممكن تخلي سير مجموعة معاك, بس حتي دا مش مهم لأنو لو أتقطع العربية هتمشي عادي من غير مشكلة ومش هتحتاج تركب واحد عشان تروح لأقرب مركز خدمة.

              فا متشغلش بالك بالكلام دا.

              Comment


              • #8
                احمد امين رمز الاجابات الوافيه النموذجيه :))
                شكرا جدا يا باشا علي التوضيح ده :)

                Comment


                • #9
                  حقيقي استاذ احمد امين موسوعه موجزه وشافيه

                  لا فوض فوك يا احمد بيه
                  د. محمود شوقي

                  Comment


                  • #10
                    الشكر لله يا رجالة,
                    وربنا يبارك فيكم.
                    LeitoSR سابقا

                    Comment


                    • #11
                      المشاركة الأصلية كتبت بواسطة Ahmed Amin مشاهدة المشاركة
                      الشكر لله يا رجالة,
                      وربنا يبارك فيكم.
                      الناس شكرتك قبلي و أنا صاحب الموضوع
                      ينفع الكلام ده

                      ربنا ميحرمناش منك يا أحمد
                      [SIGPIC][/SIGPIC]

                      Comment


                      • #12
                        ربنا يخليك, ولا يحرمنا منك,,
                        وأحنا كلنا هنا واحد.
                        LeitoSR سابقا

                        Comment

                        Working...
                        X