إلى كل حاجزي ال301 ربنا يستر

[abohend]

العربيات اللي أنت محددها ما بين القوسين دا سعرها زاد من بلد المنشأ أصلاً,,
وأسعارها زادت حتي في أوروبا والخليج,, يعني مش مصر بس.!!
السيراتو والكارينز الجديدة سعرهم زاد كتير عن الشكل القديم عشان الأضافات اللي أتعملت ليهم.

لحد هنا OK
إنت أدرى مني , أنا بنيت النظرية على زيادة الأسعار

لكن بالنسبة للجزء التاني

مفيش دليل علي الكلام دا,, وبلاش تسبق الأحداث وعمل قلق للناس.!!
واللي ربنا عايزة هيكون,,

البيجو 301 والاليزية نازلين للدول النامية بسعر أقتصادي من الأساس,,
مش زي الكوري اللي أسعارة رفعت من بلد المنشأ.
ومفيش نية لرفع أسعار البيجو والستروين,, لأن كدا كدا سعر الهاي لاين فيهم قريب من سعر البيز لاين في العربيات الأعلي منها 308 أو 208 مثلاً.

وأسعار الأوروبي هتفضل تقل كل سنة علي حسب الأتفاقية,, حتي لو أتخصم من سنة من الحسبة دي.
لكن العربيات الكوري والياباني مش هتقل طبعاً لأنها مش من ضمن أتفاقية الأوروبي, فبلاش تقارن بيها وبأسعارها الجديدة لأنها مش مقياس صح تقارن بيه.

فأنا من البداية وضحت إن ده توقع شخصي بناءا على الخبر و حتى الآن مفيش توكيل أوروبي رفع سعر أو قال هيرفع و أنا قلت بالبنط العريض
طبعا الموضوع كله نظرة شخصية مفيش أي حد من توكيل بيجو أو أي توكيلات أوروبية أخرى قال إن هيبقى في زيادة..لكن أنا شفت الخبر و حبيت أنقله للأعضاء

و أظن موضوع النية ده الله أعلم بيه

ومفيش نية لرفع أسعار البيجو والستروين,, لأن كدا كدا سعر الهاي لاين فيهم قريب من سعر البيز لاين في العربيات الأعلي منها 308 أو 208 مثلاً.

إلا لو عندك إتصال بتوكيل بيجو و هما أكدولك المعلومة

و الخبر منقول من جريدة رسمية و أنا طرحته مع الأعضاء للنقاش و التحليل (مش عايز أعمل قلق للناس و لا حاجة)
أنا حاجز زيي زي غيري و طول فترة الحجز و عدم إلتزام التوكيل بوعوده هو السبب الرئيسي للحيص بيص اللي إحنا فيه
و يا رب الموضوع فعلا مش يأثر على أسعار الحجز أو الموديلات الجديدة
و شكرا على التوضيح و الرد
تقبل تحياتي

[Ahmed Amin]

أنا عارف أنك حاجز وأن طول فترة الحجز بتزهق,,
بس مش عايزك تقلق أنت أو أي حد حاجز,

فيه ناس كتير أستلمت زمان وقريب,
وأول لما تيجي عربيات جديدة هتستلم علي حسب دور حجزك.

المشكلة زي مأنت عارف وأتكلمنا فيها قبل كدا إن الطاقة الأنتاجية بتاعت المصنع فعلاً مكنتش كافية إنها تغطي الطلب اللي نزل علي العربية لأن دي أول سنة ليها,
يعني بيجو وستروين كانو حاطيت تارجت, والطلبات علي العربيتين عدت التارجت دا,,
أنا واحد من الناس كنت متوقع نجاح العربية دي بس بصراحة مش بالشكل الرهيب دا,
وكنت عايز أجيب واحدة كمان جنب اللي عندنا, وفيه ملايين غيري نفسهم يجربو الأوروبي ويركبو بيجو,,

فا مش عايزك تفكر وتقول "عدم إلتزام التوكيل" لأن برضه دا مش بأيديه, وأنا مش بدافع عنه بس بتكلم بالمنطق,
التوكيل من مصلحته يبيع ويكسب منك, ويسيطر علي السوق في المبيعات كمان,, ولو في أيديه يطلب أكتر من العربية هيطلب مش هيتأخر,,
ونفس الحال مع المعارض,,

لكن لما يكون المصنع متوسعش عشان يزود من كمية العربيات المنتجة كل يوم,, يبقي هيحصل صفوف أنتظار لفترة لحد ما المصنع يزود من طاقته الأنتاجية أو الطلب علي العربية يقل.
ودا اللي حاصل دلوقتي,,

فعشان كدا بقولك سيبها علي ربنا واللي عايزة ربنا هيكون,
لو مستعجل وعندك أمكانية تشتري أستلام فوري أعمل دا,
لو مش عندك أستني علي أول سنة وهيا كلها أسبوع وممكن يكون فيه أخبار حلوة أو زيادة في عدد العربيات اللي نازلة مصر عشان تغطي الطلب الكبير دا علي العربية.

[Mzeid]

الأسعار لو زادت يبقى بسبب حاجة من 2 :

اما زيادة في سعر العملة
او
كعادة التجاريين عمل قيمة من لا شئ

و بصراحة كدة السوق المصري لازم يتظبط صح .. أي نعم هو مش موضوع حيوي زي الصحة و خلافه و لكن يظل موضوع مهم

[lanos2004]

هنشجع صناعه التكاتك

[abohend]

هنشجع صناعه التكاتك

ههههههههههههههههههههههههههه
و الله ضحكتني من قلبي

[maxx]

العامل صحيح ممكن يكون شكله متغير بس عند التطبيق ثابت على الكل.
زي التغير فى سعر صرف العملات الاجنبية ... صحيح هو بيتغير طالع طالع, مش طالع نازل

بس عند التطبيق هو بينطبق على كل العربيات سواق مستوردة بالكامل او تجميع محلي. الدولار ما بيغلاش بقدر ما الجنيه اللي بيرخص .. و من هنا الدولار لما بيغلي بيغلي معاه العملات التانية يمكن بنسب اقل بس الفروق مش ضخمة العربيات في الفئات الصغيرة و المتوسطة مش هتحس بفرق ان الدولار زاد 10% و اليورو زاد 13% او العكس. خصوصا ان جشع التوكيلات و فكرة ال Currency Exchange Margin هتلعب لعبتها و تساوي الكل تقريباً


يعني التأثير مش هيبقي على ماركة معينة لأن الكل اتأثر بيه بنفس النسبة تقريباً.

الاستراتيجية للتوكيل المفروض الفترة اللي جاية تبقي اقتحام السوق ... مكسب متوسط مقابل انتشار و اطلاق سمعة قوية فى السوق و المنتج بتاعة كفاءته تسمح بده.

مكسبه على المدي البعيد تطبيق الخفض الجمركي بناء على اتفاقية الجات بينا و بين اوروبا. حتى لو عطلت سنة هتكمل هتكمل.

لو كسب السوق بدري ... يقدر يبلع هو جزء من الخفض الجمركي فى خلال السنين الوسطى للتطبيق. و يبلعها بالكامل فى اخر أعوام التطبيق لأنه هيكون بالفعل فرق عن المنافس الكوري و الياباني و الصيني اللي لا ينطبق عليه الخفض الجمركي.

اللي اعتقد انهم مش هيسكتوا و هيسعوا بأي شكل انهم يعملوا اتفاقية مشابهة علشان يحموا الصناعات بتاعتهم.


و ده ليه تأثير على اقتصادنا الهلامي

الاتفاقية هتقلب السوق هتقلبه ... آجلا أو عاجلاً
لحد ما الدول الاسيوية تتشقلب و تعمل حاجة ترجع تظبط بيها المعادلة والميزة النسبية اللي بتحصل عليها اوروبا النهاردة و السنين اللي جاية

[assaf]

الجمارك كانت بتقل كل سنه 10 % من 2009 يعني المفروض الجمرك علي العربيه 40 % لو 1600 سس
هي دلوقتي 28 % لانها متطبقتش في 2013 برضوه الفكره انها كانت المفروض تقل 4 % كمان في الجمارك من اول السنه هما وقفوها يعني نفس الجمارك و طبعا القرار دا لتظبيط ناس معينه

[Karim Alaa]

السلام عليكم و رحمة الله و بركاته
أنا مش عايز أخضكم بس للأسف هخضكم
كان في إتفاقية في 2010 بين مصر و و الإتحاد الأوروبي و تركيا على خفض الجمارك تدريجيا على السيارات الأوروبية المستوردة بنسبة 10% سنويا حتى يتم إلغائها تماما بحلول 2019
الموضوع باختصار إن الحكومة الله يعمر بيتها هتعطل إتفاقية تخفيض الجمارك على السيارات الأوروبي و التركي لمدة عام (بحجة تشجيع الصناعة المحلية....مش عارف قصدهم صناعة ايه بالضبط)

طب و إحنا مالنا يا عم.....إحنا مبنشتغلش فالإستيراد
المشكلة الكبرى إن الغلابة الحاجزين و لسه مستلموش و إستلامهم هيبقى فالسنة الجديدة فالغالب و الله أعلم هيطبق عليهم التعريفة الجمركية الجديدة (بدون تخفيض) و للأسف الشديد إن إستمارات الحجز اللي إحنا ماضيين عليها مع التوكيل بتقول (يتم تحديد السعر عند الإستلام)
و طبعا تأخير الإستلام عن وعود المندوبين مكانش بسبب المشتري لكن بسبب التوكيل (و طبعا مفيش تاريخ إستلام مكتوب في إستمارة الحجز .... لعيييبة)
من الآخر هنشربها إحنا و أي تغيير في التعريفة الجمركية هنلبسها إحنا
:i_angr1[1]::i_angr1[1]::i_angr1[1]::i_angr1[1]::i_angr1[1]::i_angr1[1]::i_angr1[1]:

دي روابط الخبر

لمصلحة من: وقف خفض الجمارك علي السيارات الأوروبية ؟ - الأهرام اليومي

تعطيل إجراءات خفض الجمارك على السيارات الأوروبية والتركية لمدة عام | egy speed

عشان كده رأيي اللي يعرف يجيب العربية فوري من أي معرض يجيبها أحسن (لأن ممكن الأوفر برايس ده تدفعه فرق جمارك بين 2013 و 2014 و متستلمش فوري)

طبعا الموضوع كله نظرة شخصية مفيش أي حد من توكيل بيجو أو أي توكيلات أوروبية أخرى قال إن هيبقى في زيادة..لكن أنا شفت الخبر و حبيت أنقله للأعضاء

و عن نفسي هشوف العربية بره فالمعارض عاملة كام لو الفرق أقدر عليه هبيع عربيتي و أشتري ال301 فوري أحسن
تقبلوا تحياتي

القرار معناه انها فى السنه الجديده مش هتقل ال 10 فى الميه بس يعنى هيفضل تمنها زى مكان السنه الى فاتت :) و كده السعر المفروض ميتاثرش هى كان المفروض ينزل بس

[د عمرو العمرجى]

أخبار السيارات-أهرام الجمعة 20-12-2013
لا تخفيضات جمركية على السيارات الاوروبية 2014
و من تفاصيل الخبر:
1- و افق الاتحاد الاوروبى على طلب مصر و تم ابلاغ الجمارك حتى لا تطبق التخفيضات اوتوماتيكيا كما كان من المقرر حدوثه
2-مصر تقدمت بطلب التأخيل لمدة عامين لكن الموافقة جاءت لمدة عام واحد
3- مصر كانت قد تقدمت فى عام 2012 بطلب للإتحاد الاوروبى للتأجيل عام 2013 لكن الموافقة جاءت لمصر متأخرة فى منتصف عام 2013 و لم يكن من الممكن تطبيقها على السيارات بعد مرور معظم شهور العام فتعذر تطبيقها
4-لا بد بحلول عام 2019 ان يتم تطبيق التفاقية بالكامل بمعنى ان النسبة المؤجلة لو كانت لمدة عام واحد 10% فلابد من تحميلها على السنوات المتبقية (إنتهى الإقتباس)
للأسف زى أبو هند ماقال انا متوقع زيادة فى الأسعار على أول السنة
و المشكلة أن الموضوع ده مبهم و عليه تعتيم غريب من الدولة و محدش عايز يشرح للناس....إزاى إحنا مش حاسين بأى إنخفاض للأسعار مع تخفيض كل سنة

[hossam_elwani]

الدولار واليورو بيرفعو فى السوق السودا يارب سترك

[Tanderia]

السلام عليكم و رحمة الله و بركاته
أنا مش عايز أخضكم بس للأسف هخضكم
كان في إتفاقية في 2010 بين مصر و و الإتحاد الأوروبي و تركيا على خفض الجمارك تدريجيا على السيارات الأوروبية المستوردة بنسبة 10% سنويا حتى يتم إلغائها تماما بحلول 2019
الموضوع باختصار إن الحكومة الله يعمر بيتها هتعطل إتفاقية تخفيض الجمارك على السيارات الأوروبي و التركي لمدة عام (بحجة تشجيع الصناعة المحلية....مش عارف قصدهم صناعة ايه بالضبط)

طب و إحنا مالنا يا عم.....إحنا مبنشتغلش فالإستيراد
المشكلة الكبرى إن الغلابة الحاجزين و لسه مستلموش و إستلامهم هيبقى فالسنة الجديدة فالغالب و الله أعلم هيطبق عليهم التعريفة الجمركية الجديدة (بدون تخفيض) و للأسف الشديد إن إستمارات الحجز اللي إحنا ماضيين عليها مع التوكيل بتقول (يتم تحديد السعر عند الإستلام)
و طبعا تأخير الإستلام عن وعود المندوبين مكانش بسبب المشتري لكن بسبب التوكيل (و طبعا مفيش تاريخ إستلام مكتوب في إستمارة الحجز .... لعيييبة)
من الآخر هنشربها إحنا و أي تغيير في التعريفة الجمركية هنلبسها إحنا


دي روابط الخبر

لمصلحة من: وقف خفض الجمارك علي السيارات الأوروبية ؟ - الأهرام اليومي

تعطيل إجراءات خفض الجمارك على السيارات الأوروبية والتركية لمدة عام | Egy Speed

عشان كده رأيي اللي يعرف يجيب العربية فوري من أي معرض يجيبها أحسن (لأن ممكن الأوفر برايس ده تدفعه فرق جمارك بين 2013 و 2014 و متستلمش فوري)

طبعا الموضوع كله نظرة شخصية مفيش أي حد من توكيل بيجو أو أي توكيلات أوروبية أخرى قال إن هيبقى في زيادة..لكن أنا شفت الخبر و حبيت أنقله للأعضاء

و عن نفسي هشوف العربية بره فالمعارض عاملة كام لو الفرق أقدر عليه هبيع عربيتي و أشتري ال301 فوري أحسن
تقبلوا تحياتي

اللي أعرفه، إن الجمارك 40% و إن النسبة دي مش هتتغير في السنة الجديدة؟
هو فيه تعريفة جمركية جديدة؟
من موقع وزارة المالية، آخر تعديل للتعريفة الجمركية كان في 21 مارس 2013 بقرار من الرئيس السابق محمد مرسي لتغيير بعض التعريفات لم تتضمن سيارات الركوب الخاصة بند 87.03، بس تقريباً كان فيه زيادة على الآلات و الذي منه المستوردة للسياحة بس استثنى منه المركبات برضو.
Untitled ........
[url=http://www.almasryalyoum.com/news/details/359966]

طبقاً للخبر ده، إن مصر تقدر تأجل الاتفاقية لمدة سنة واحدة فقط لو الاتحاد موافقش على التأجيل، و ده اللي حصل، بس أنا شايف إن السعر السنادي زي السنة الجاية، لإن مفيش تغيير في الجمارك.
مش كدة ولا إيه؟

[Hosam_Optrawy]

على فكره دى تانى سنه يأجلوا التخفيض

السنه اللى فاتت حصل نفس الكلام

وكان الاتحاد الأوروبى قد وافق على تأجيل مصر إجراء خفض جديد على السيارات المستوردة من أوروبا بنسبة 10% للعام الحالى مراعاة الظروف الراهنة التى يمر بها الاقتصاد المصرى, وهو ما يعنى أن نسب الجمارك على السيارات 28% بالإضافة إلى 15% ضريبة مبيعات على السيارات 1600 سى سى. وأضاف أن قرار التأجيل لمدة عام كانت قد عرضته لجنة المشاركة المصرية ـ الأوروبية وتم طرحه على الجانب الأوروبى فى 28 فبراير الماضى وأن هذا القرار قد أتخذ من الجانب المصرى نظرا للظروف التى تمر بها البلاد وتأثيرها على صناعة السيارات فى مصر فى الوقت الذى تساءل فيه الجانب الأوروبى عن جدوى هذا الطلب فى حين أن السيارات التى تحتل الشريحة الكبرى من المبيعات فى السوق المحلية المصرية من السيارات الآسيوية!

والسنه دى أهو نفس الكلام

وحتى لو التخفيض إتطبق

مجرد ما الدولار يطلع كام قرش الوكيل يزود بال 10 الاف

[abohend]

اللي أعرفه، إن الجمارك 40% و إن النسبة دي مش هتتغير في السنة الجديدة؟
هو فيه تعريفة جمركية جديدة؟
من موقع وزارة المالية، آخر تعديل للتعريفة الجمركية كان في 21 مارس 2013 بقرار من الرئيس السابق محمد مرسي لتغيير بعض التعريفات لم تتضمن سيارات الركوب الخاصة بند 87.03، بس تقريباً كان فيه زيادة على الآلات و الذي منه المستوردة للسياحة بس استثنى منه المركبات برضو.
untitled ........
[url=http://www.almasryalyoum.com/news/details/359966]

طبقاً للخبر ده، إن مصر تقدر تأجل الاتفاقية لمدة سنة واحدة فقط لو الاتحاد موافقش على التأجيل، و ده اللي حصل، بس أنا شايف إن السعر السنادي زي السنة الجاية، لإن مفيش تغيير في الجمارك.
مش كدة ولا إيه؟

يا باشا الجمارك ثابتة على كل العربيات و الأسعار بتغلى سنة عن التانية
الدولار و اليورو و الين و حتى عملة مدغشقر بتزيد قدام الجنيه
تخفيض الجمارك يدوب بس يخلي الزيادات معقولة لكن مع القرار ده أتوقع زيادة كبيرة على جميع العربيات
و غير هو الحكومة بجد عايزة تساعد الصناعة المصرية (صناعة مين يا عم)
دي ناس تقيلة دفعت اللي فيه النصيب عشان تحافظ على مبيعاتها و مكاسبها و ترجع تمسك السوق من الأوروبي تاني

[abohend]

صدقت التوقعات

السيتروين زادت 5000 جنيه
يا ترى الدور على مين فالأوروبي
و هل بعد أربع شهور حجز هلاقي توكيل بيجو المحترم بيقولي العربية زادت؟؟

[ABOMO3AZ HASBO]

السيتروين زادت 5000 جنيه
يا ترى الدور على مين فالأوروبي
و هل بعد أربع شهور حجز هلاقي توكيل بيجو المحترم بيقولي العربية زادت؟؟

يا بو هند ما تقلقش ان شاء الله خير وانا عرفت ان هما اكيد ان شاء االه هيسلموا من يوم ٢/١٥ ان شاء الله