حصريا السعر الحقيقى للبيجو308

[ana]

السلام عليكم بناء على اللى شوفته هنا فى المنتدى واهتمام الاعضاء بمعرفه السعر الحقيقى للبيجو ال308 احدث اسد للبيجو فى الاسواق المصريه فانا عرفت السعر الحقيقى ليها علشان افيد اخوانى عشاق الاسد الفرنسى بالنسبه لسعر السياره فهى بتبدأمن 147 الف جم لحد 170 الف جم اما بالنسبه للحكم على العربيه فانا مركبتهاش ومعرفش ايه عيوبها بس بكره تمشى فى الشوارع ونعرف ايه عيوبها ويا خبر النهارده بفلوس بكرة بمعلومه واتمنى انى اكون افدتكم

[amr mokhtar]

شكرآ على الخبر
بس هل الأسعار دى اللى هتنزل من التوكيل و لا دى برضه خليجى؟
انا كنت سامع إنها هتنزل من التوكيل فى 2009
اما بالنسبة للعربية فلا غبار عليها بصراحة ما شاء الله جميلة و قوية

بس 147 الف جنيه ده معناه إن خلاص 307 كده خلصت تمامآ يعنى مفيش منها جديد و لو التوكيل لسه عنده منها فى المخازن فسعرها هينزل و بصراحة لو ده حصل انا هتبسط اوى لإنى بحب 307 جدآ

[ana]

السعر دة معرفش خليجى ولا توكيل بس المهم ان ده السعر الفعلى ليها بس اعتقد ان ده سعر الخليجى لانها عند بعض التجار فى السوق دلوقتى

[ssafwat]

السعر ده للخليجي اللي تبع التوكيل لسة منزلتش

[mas23]

سعر الخليجي لل sw هيكون 180 ألف

[mohelsherief]

ana asef 3ala el taree2a di fil ketaba laken ana el keyboard 3andi mafihoosh 3araby.

ana sa2alt enaharda fi wagih abaza w 2alooli khalas el 3arabeyat gayya fil taree2...laken el as3ar gheer el 7adaratko betetkalemo fiha tamaman! 2alooli fi version esmo premium da haykoon 170 ta2reeban...ba3deen fi premium pack...w da se3ro 7awaly 180. W fih version highline esmaha feline w di 2alo eno se3raha lesa mesh ma3roof w hatkoon akeed aghla mn el 180.

el so2al ba2a...howa el khaligi beykoon aghla walla arkhas men el tawkeel 3mooman? 3ashan ana mesh fahem ezay haybi3o peugeot for 180 w el golf tamanha 185!!!

ah...wel tasleem kaman shahr mn enaharda...el mafrood tetsalem ba3d el 3eed b 10 days

[ana]

انا فعلا استفسرت عن الاسعار اللى انا كنت كاتبها وهى اسعار الخليجى بالفعل وموجوده دلوقتى عند السقا للسيارات وهو لسه بايع واحده وبيجيب العربيه بالطلب وسالته عن الsw هاى لاين قالى عامله 170 وبانوراما قولتله العربيه موجوده اعاينها قالى زى ما قولتلكو بتيجى بالطلب وانا اللى عندى اتباعت قولتله ازاى اشترى عربيه ماعينتهاش قاللى ممكن تتفرج عليها بالتوكيل او احد الموزعين قولتله ازاى دى لسه ما نزلتش قالى مفيش حل غير انك تستنى تنزل فى التوكيل عشان تتفرج عليها وعلى فكرة الخليجى ارخص من التوكيل بس بتبقى مواصفات احلى بتبقى كماليات اكتر ودوكو العربيه اتقل عشان الحر عندهم بس مش بيبقى عليها ضمان ولا تامين وده اللى مرخص سعرها عن التوكيل

[ana]

على فكرة انا متابع الموضوع من ارض الواقع ومش بكتب كلام مغلوط لانى ناوى إن شاء الله انى اكون اول واحد راكبها فى المحروسه او التانى بالكتير بس لازم اتفرج عليها برضه عشان مبعزئش الفلوس عالفاضى

[Nour_Peugeot]

بجد بجد هي بيجو كل فتره تطلع بعربية تقلب السوق و سدا القال الغالي تمنه فيه و بالموتير الفي ال 308

تبقي ماشي حطيت في بطنك بطيخة صيفي علشان الموتير الجديده جبارة

[mas23]

الف شكر علي المعلومات و في انتظار المعاينة ان شاء الله

[ana]

اهلا وسهلا بيك

[chekoromeo]

على فكرة انا شوفتها فى معرض فى شارع السودان واتفرجت عليها
العربية ما شاء الله تحفة العربية كان سعرها 158000 وطبعا خليجى
والعربية فية معارض كتير جبتها غلى فكرة وانا شوفتها فى الشارع بتاع مرتين تلاتة