خدمه العملاء 19207

[Mahmoud Mok]

كنت حابب اعرف منكم تجربتكم مع خدمة العملاء ............
طبعا هو كلام غريب شويه ,,
بس اقصد هل لما بتتكلم معاهم كان ايه شعورك فى التعامل وهل كانو بيقدموا حلول او بيوضحوا اى معلومه لو متاحه معاهم ولا لا
وهل كان فى موقف حصل خلاك تكون سواء مبسوط او مدايق من خدمه العملاء او من الشركه كلاها بصفه عامه ؟؟!

[Mahmoud Mok]

اتمنى المشاركة

[menaraafat85]

استفسار

معلش بس هو الرقم ده بتاع خدمة عملاء أنهى شركة؟؟؟؟؟؟؟؟؟؟

[M.Emam]

معلش بس هو الرقم ده بتاع خدمة عملاء أنهى شركة؟؟؟؟؟؟؟؟؟؟

شركة سى دى سى ام (القاهرة للتنميه وتصنيع السيارات)

[kimo-81]

انا اتعاملت مع خدمة العملاء بصراحه ذوق واحترام عالى
مهتم انو يوصلك كل المعلومات اللى تحتاجه
لدرجة انى حجزت بالتلفون بعد ماحولونى على المبيعات

[mahmed0100]

الرد على المكالمه مش بياخد وقت انتظار فى 4 مرات اتصلت بيهم
و دى ميزه كويسه

[Amr Hussain]

محترمين جدا حصل معايا موقف معاهم انى كنت بكلمهم وانا مروح من الشغل فالموبيل فصل وكنت قربت من البيت قلما وصلت البيت اتصلت بيهم ساعتها الى رد عليا عرفنى و قالى حضرتك كنت لسة بتكلمنى من شوية فهما ذوق بصراحة واحد غيرة كان افتكر انى قفلت فى وشة

[Mahmoud Mok]

انا اتعاملت مع خدمة العملاء بصراحه ذوق واحترام عالى
مهتم انو يوصلك كل المعلومات اللى تحتاجه
لدرجة انى حجزت بالتلفون بعد ماحولونى على المبيعات

المشكله بقى يا كيمو ان رغم ان كا خدمه عملاء بيكون فى محاوله لمساعده العملاء وبيكون فى محاوله لتوضيح اى بيانات ممكن العميل ميكنش عارفها وتفيده تلاقى ردود احيانا من بعض العملاء بتحسسك ان مسئول خدمه العملاء بيحاول يطول فى المكالمه , وده طبعا غلط ده المفروض ان خدمه العملاء بيتحاسبوا على وقت المكالمات ومن المفروض انهم ينجزو فى المكالمات , وتلاقى رد فعل العميل لالالالالالا بعد اذنك حولنى ياعم على المعرض وردود طبعا بتكون مستفزه جدا

ومعروف ان خدمه العملاء من معناها هما موجودين لمساعدتك بس طبعا تقول لمين بقى :)
بس طبعا مش كل العملاء ده بعض منهم قليل يعنى انما فى ناس محترمين جدااااا

[Mahmoud Mok]

الرد على المكالمه مش بياخد وقت انتظار فى 4 مرات اتصلت بيهم
و دى ميزه كويسه

احيانا بيكون فى ضغط كبير على خدمه العملاء بس قليل جدا لما مش بيتم الرد
وان شاء الله مايكونش فى اى مشاكل بتواجهك :)

[Mahmoud Mok]

محترمين جدا حصل معايا موقف معاهم انى كنت بكلمهم وانا مروح من الشغل فالموبيل فصل وكنت قربت من البيت قلما وصلت البيت اتصلت بيهم ساعتها الى رد عليا عرفنى و قالى حضرتك كنت لسة بتكلمنى من شوية فهما ذوق بصراحة واحد غيرة كان افتكر انى قفلت فى وشة

وده فى حد ذاته شئ كويس ودايما ان شاء الله مايكونش فى اى مشاكل ودايما فى اى وقت يكونو موجودين فى خدمتك :)

[Mahmoud Mok]

سؤال بس واحد بيكون ملح اعرف اجابته
ان مسوئل خدمه العملاء بيكون موجود عشان يساعدك فى اى وقت تتصل بيه حتى لو معندوش اى رد للسؤال بيساعدك وبيوضح مين اللى هيكون عنده المعلومه
ليه بقى بيكون فى شخصيات بتتكلم بأسلوب مش كويس وكأن اللى قاعد ده وبيحاول يساعده مش بنى ادم

وطبعا حتى لو العميل بيتكلم باسلوب مش كويس برددو بيكون رد مسئول خدمه العملاء واحد وثابت ومبيتغرش سواء مع المحترم او الشخص اللى اسلوبه مش مهذب

[Ahmed Amin]

احيانا بيكون فى ضغط كبير على خدمه العملاء بس قليل جدا لما مش بيتم الرد
وان شاء الله مايكونش فى اى مشاكل بتواجهك :)

يا أستاذ محمود هوا كان بيقول العكس,
كان بيقول "الرد على المكالمه مش بياخد وقت كتير في الأنتظار,"
في الأربع مرات اللي أتصل فيهم كانو بيردو علي طول دا قصده.

ونفس الحال معايا بالمناسبة, مش بستني علي الأنتظار خالص.

[Ahmed Amin]

سؤال بس واحد بيكون ملح اعرف اجابته
ان مسوئل خدمه العملاء بيكون موجود عشان يساعدك فى اى وقت تتصل بيه حتى لو معندوش اى رد للسؤال بيساعدك وبيوضح مين اللى هيكون عنده المعلومه
ليه بقى بيكون فى شخصيات بتتكلم بأسلوب مش كويس وكأن اللى قاعد ده وبيحاول يساعده مش بنى ادم

وطبعا حتى لو العميل بيتكلم باسلوب مش كويس برددو بيكون رد مسئول خدمه العملاء واحد وثابت ومبيتغرش سواء مع المحترم او الشخص اللى اسلوبه مش مهذب

هما فعلاً بيكونو موجودين عشان يساعدو الناس في حجز معاد الصيانات بالتوكيل,
أو معرفة أسعار قطع الغيار بالبارت نمبر بتاعها.

ولو موظف خدمة العملاء معندوش رد علي أستفسارك بياخد رقمك أو أيميلك وبيرجع يكلمك أو بيردو عليك علي الميل,
وكتير يكلموني بعد ما بتصل بيهم عشان يعرفو رضائي عن أخر مكالمة, وبيكونو صبورين جداً وأنا بكلهم.

ولو حد في مرة متكلمش معاك بأسلوب كويس, دا بيكون لسه جديد أو عنده مشكلة محتاجة تتحل,
وحلها أنك بترجع تتصل تاني وبتقول أنك عايز تكلم مسؤل وبتحكي له عن اللي كلمك أخر مرة وأيه اللي أنت مش راضي عنده وبيهتمو هما بالموضوع دا عشان ميتكررش تاني مع العملاء لو كان موظف خدمة العملاء مش كويس.

[mahmed0100]

يا أستاذ محمود هوا كان بيقول العكس,
كان بيقول "الرد على المكالمه مش بياخد وقت كتير في الأنتظار,"
في الأربع مرات اللي أتصل فيهم كانو بيردو علي طول دا قصده.

ونفس الحال معايا بالمناسبة, مش بستني علي الأنتظار خالص.

بالظبط كده هو ده قصدى

[Mahmoud Mok]

يا أستاذ محمود هوا كان بيقول العكس,
كان بيقول "الرد على المكالمه مش بياخد وقت كتير في الأنتظار,"
في الأربع مرات اللي أتصل فيهم كانو بيردو علي طول دا قصده.

ونفس الحال معايا بالمناسبة, مش بستني علي الأنتظار خالص.

اها لالالا انا فاهم ان مبيبقاش فى انتظار كتير بس فى ايام بيكون فى ضغط كبير على خدمه العملاء
فى فى بعض المكالمات احيانا بتقع مش كتير طبعا
بس طبعا بنحاول على قد مانقدر اننا نكون دايما على قد المسئولية ويتم الرد وميكونش فى تأخير ده اللى اقصده :)