سؤال لمن امتلكو بيجو 301

[miceg]

السلام غليكم ورحمه الله وبركاته
أخواتي الاعزاء
انا معجب جداااااا ب ال 301 وحاسسها ماشاء الله استايل مختلف تجمع مابين الاناقة والفخامة
بس سؤالي
امتلك صني 2010 والعربية ممتازة فالسحب وجيدة في الفرامل
وانا من هواة الجري والشد والسفر
الصني معايا مشكلة فالغرز الضيقة والمواقف الصعبة زي الدخول بين حارتين والثبات على الحارة في السرعات العالية
وبصراحة عاوز أغير لان العربية داخلة على 75 الف كيلو
وفنفس الوقت عاوز اخرج برة النطاق الياباني واجرب التكنولوجي ألاوروبي
والمحير جدااااااااا لو هشتري اجيب التوب لاين ولا اكمل واجيب الفلوانس الجديدة الفيس ليفت اول فئة اوتوماتيك
كل ده محيرني بجد وقولت اخد رأيكو

[mahmed0100]

من احد ملاك ال 301 انها بعد 160 مش ثابته اوي خصوصا لو سايق لوحدك من غير وزن في مطبات الهوا
انا عن نفسي لسه مجربتش
لكن الكل بيشكر في ثبات العربيه لحد 140 ... اسرع من كده خد رأي هواه ركوب الطيارات الارضيه :)

[AhmedNaeem]

لو السؤال البيجو 301 ولا الفلوانس
يبقي الفلوانس

[saddam]

صديقي المواطن
قولا واحدا مش عايزين نهزر
البيجو 301 أحسن من الصني بتاعتك بمرتين لكن الفلوانس باينة أوضح من الشمس ومن غير متحتار وحيرتك غير مقبولة ولا مبررة والفلوانس أفخم وأقيم وأعلى من البيجو 301 ب ثلاث أو أربع مرات وميغركش إن الفلوانس رخيصة العيب مش عليها إنها رخيصة العيب عالزمن بصراحة اللي خلى عربيات زي سيراتو وإلانترا تكون أغلى منها بس معلش ده في صالحك تاخد حاجة فخيمة بسعر معقول بمقاييس الأيام دي
فبكرة تخش جمعية وتستلف وتكمل وتجيب فلوانس ونرجع ونقول قولا واحدا فلوانس فاضية وقرعة أحسن 10 مرات من بيجو فول لودد وبشعر وتوب لاين وهاي لاين واﻹفتكاسات دي
بس أمانة لو خدت فلوانس تغير الكلاكس العرة الذي لا يليق بها وتركب كلاكس إبن كلاكس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ah-elgendy]

راى الشخصى عربيه فيها كماليات وتعيش وتستمتع بالتكنولوجيا ديه احسن من عربيه فاضيه
بيجو 301 اااااااااااااحسن

[Akram.Gamal]

انا رأيى انك تنزل تتفرج على العربيتين كويس جدا جدا
و بعد كده ممكن تبقا تحاول تاخد اراء الناس .. غير كده يبقا يفتح الله

حاجه كمان استاذ صدام ههههههههه يخرب بيت ابو كده انت ملكش حل

[heeshooheeshoo]

ياااااا راااااجل .. بقى محتار بين بيجو 301 أو فلوانس ؟!!
لا وجه للحيرة إطلاقا .. بلا جدال أو نقاش الفلوانس طبعا جدا خالص قوى بشدة على الآخر.
لو معاك توكل على الله وإنت مغمض .. ولو مايكملش إدفع إللى معاك وقسط الباقى .
وربنا يوفقك لما فيه الخير .

وتقبل تحياتى ،،،

[J A G U A R]

فلوانس طبعا دى فئه ودى فئه

[maio_do]

بص موضوع الصنى خلصان لو بتفكر تغير

المقارنة مابين الاتنين ظالمة للفلوانس

يبقى اختيارك هيبقى ع اساس هتمشى معاك العربية فاضية هات الفلوانس

عايزاها تبقى هاى لاين يبقى البيجو والعربية جامدة جداااا

[ABOMO3AZ HASBO]

حسب احتياجك الشخصي تقدر تحدد اي واحده من حيث الامكانيات والشكل
ومتنساش تستخير ربنا

[amrelsaqqa]

فلوانس حتى لو فاضية والبيجو حلوة برضو بس الفلوانس فئة اعلى

[miceg]

بشكركم جداااااااااا
انا عارف ان المقارنة صعبه
لكن فنفس الوقت انا مبحبش تكون العربية فاضية وده اللي خلاني اذكر نقطة المقارنة وانا عارف انها متنفعش لاختلاف التكنولوجي بين السيارتين

[Ramy Hazem]

الفئتين مختلفتين بيجو 301 وفلوانس
الي يحدد اختيارك امكانياتك المادية وراحتك النفسيه للسيارة واحتياجاتك
في الاخر انت الي هتركب وانت الي هتسوق فشوف ايهم انسب لك
نصيحتي متعتمدش علي كلام الناس وشوف بعينك واحكم بنفسك صدقني هتفرق كتير معاك

تحياتي

[mostafa afifi]

فلوانس حتى لو فاضية والبيجو حلوة برضو بس الفلوانس فئة اعلى

فعلا الفلوانس فئه سيدان كبيره و فتيس cvt هيعجبك بعد التعود و مش هتلتقي فيها مشاكل انشاء الله كمان هي تعتبر اعلي.من الكرولا و اللانسر مع احترامي ليهم طبعا..كمان الفولوانس بعد الفيس ليفت تحفه.. بس البيجو طبعا عربيه محترمه جدا و انا شخصيا بحبها و مش هتركب بعدها غير بيجو عن تجربتي الشخصيه و اعتقد سوقها هيكون افضل..شوف انت بتحب الفئه الكبيره و الشياكه خليك في الرينو.. لو لو بتحب الكماليات و الاوبشن يبقا بيجو