بيجو 301 لمبة المحرك الصفراء و البطاريه الحمراء نورت

[carizma1]

السلام عليكم

امبارح مع تدوير الكونتاكت بدون تشغيل المحرك لاقيت لمبة المحرك الصفرا منورة وثابته وكذلك لمبة البطاريه الحمرا

مع تدوير المحرك بتختفي


حسب الكتالوج بيقول انه اللمبه الصفراء بتاعت المكينه يعني خلل فنظام منع التلوث

واللمبه الحمراء بتاعت البطاريه يعني مش متوصله كويس وشيكت عليها الاقطاب متوصله كويس والشحم اللي عليها مالي الفراغات

وعامل بالعربيه 1000 كيلو ومشتدتشي عليها اوي غير كام مره وصلت للميه 150 او 130 كم وبالمعقول كمان!

فهل دا مستدعي اروح للوكاله ولا استني تشيك 2500 ؟

[HOSSAM99]

و عليكم السلام و رحمة الله و بركاته
متقلقش حرتك هو ده الوضع الطبيعي لمبات الفحص تنور قبل الدوارة و بعد الدوارة تطفي
لونورت لمبة بعد الدوارة أو كان فيه رسالة تحذير يبقي هنا فيه مشكله
أستمتع بالعربيه و مبروك عليك

[ahmedsrs]

عادى لما تفتح الكونتاك لازم اللمض تنور ولما تشغل المحرك تطفى ولو شغلت الكنتاك من غير مدور هتفضل منورة يعنى مفيش مشكلة

[foxhonda2008]

كلام الاخوه مظبوط ميه في الميه

[rotanamasoud]

هى بتنور مع الكونتاك كدليل انها شغاله بحيث لو واحده اتحرقت تعرف من الكونتاك مش تتفاجى بعطل عدم شحن بعد البطاريه ما تفضى او عطل فى المحرك بعد ما يكون مبيدورش

[carizma1]

شكرا علي الردود جميعا اخواني

حقيقي بيحصل ان كل اللمض بتاعة التشيك بتنور مع بداية تشغيل كهربة الكونتاكت

ولكن كان كل اللمض بتطفي علي طول قبل تدوير المحرك ما عدا بتاع الحزام عشان مش مربوط وكذلك لمبة الهاند بريك عشان مرفوعه

انما الجديد انه لمبة المحرك الصفرا بقت بتفضل منوره وكذلك لمبط البطاريه الحمراء لغاية التشغيل ويختفوا
!

[maio_do]

شكرا علي الردود جميعا اخواني

حقيقي بيحصل ان كل اللمض بتاعة التشيك بتنور مع بداية تشغيل كهربة الكونتاكت

ولكن كان كل اللمض بتطفي علي طول قبل تدوير المحرك ما عدا بتاع الحزام عشان مش مربوط وكذلك لمبة الهاند بريك عشان مرفوعه

انما الجديد انه لمبة المحرك الصفرا بقت بتفضل منوره وكذلك لمبط البطاريه الحمراء لغاية التشغيل ويختفوا
!

عادى متقلقش زى ماقلولك الاخوة فوق

اهم حاجة متشتغلش وهى دايرة وقتها لقدر الله هتبقى مشكلة غير كده عادى

[amr011111]

لو اللمبه بتاعة المحرك وبتاعة البطاريه بتفضل منوره بعد الدواره يبقى عندك مشكله

لو بتطفى يبقى ده العادى

[dr/hamza]

و عليكم السلام و رحمة الله و بركاته
متقلقش حرتك هو ده الوضع الطبيعي لمبات الفحص تنور قبل الدوارة و بعد الدوارة تطفي
لونورت لمبة بعد الدوارة أو كان فيه رسالة تحذير يبقي هنا فيه مشكله
أستمتع بالعربيه و مبروك عليك

كلام صح ..وهو ده العادى ف اى عربية

[carizma1]

ياريت يا اخواني تقروا مشاركتي كويس

العادي انها تشيك وتطفي علي طول حتي من قبل الدوران
انما انا بقولكم انها بتفضل منوره قبل الدوران

ومذكور فالكتالوج اللي قولته فأول مشاركه

فسؤالي لأهل الخبره

هل دا شغل حساسات ومستدعي اروح للوكاله من دلوقتي ولا استني تشيك 2500 كم؟؟؟؟

[Mohamed_Ayman]

الأخ الفاضل/

الحقبقة أنا لسة مستلمتش السيارة ، بس أنا بصيت ف user manual وكان كالتالى:
" Certain warning lamps come on for a few seconds when the vehicle's ignition is switched on.
When the engine is started, these same warning lamps should go off"

وكدا اعتقد ان الأنوار بتطفى لما تدور ، مش بعد فترة ولاحاجة.

[maio_do]

ياريت يا اخواني تقروا مشاركتي كويس

العادي انها تشيك وتطفي علي طول حتي من قبل الدوران
انما انا بقولكم انها بتفضل منوره قبل الدوران

ومذكور فالكتالوج اللي قولته فأول مشاركه

فسؤالي لأهل الخبره

هل دا شغل حساسات ومستدعي اروح للوكاله من دلوقتي ولا استني تشيك 2500 كم؟؟؟؟

يا اخ انا قريت مشاركتك وعملتلك عليها اقتباس

وبقولك عادى اللى حصل معاك ده حصل معايا ونفضت لانى عارف المشكلة هتبقى موجوده لو استمرت بعد الدوراة متقلقش

[mohamedzian]

انا حكلمك عن عربيتى لمبة البطاريه بتطفى لما ادور لانها بتشيك على شحن الدينامو لكن لمبة الموتور بتطفى بعد شوية مش لازم ادور ويا ريت حد من اللى معاه نفس عربيتك يجرب ويرد عليك

[Akram.Gamal]

السلام عليكم

امبارح مع تدوير الكونتاكت بدون تشغيل المحرك لاقيت لمبة المحرك الصفرا منورة وثابته وكذلك لمبة البطاريه الحمرا

مع تدوير المحرك بتختفي


حسب الكتالوج بيقول انه اللمبه الصفراء بتاعت المكينه يعني خلل فنظام منع التلوث

واللمبه الحمراء بتاعت البطاريه يعني مش متوصله كويس وشيكت عليها الاقطاب متوصله كويس والشحم اللي عليها مالي الفراغات

وعامل بالعربيه 1000 كيلو ومشتدتشي عليها اوي غير كام مره وصلت للميه 150 او 130 كم وبالمعقول كمان!

فهل دا مستدعي اروح للوكاله ولا استني تشيك 2500 ؟

ياعم كاريزما هو ده الطبيعى و ده ال بيحصل عندنا كلنا
ولو اتكلمت فى الموضوع ده تانى هتزعل منى ايه رايك

[amrelsaqqa]

هههههههه ياباشا طبيعى ، وقريت كلامك بالظبط ، اه بالظبط زي ما بتقول ، انا عندى بفتح الكونتاكت ، كل اللمبات بتنور الايرباج والاي بي اس والاستوب والحرارة وكله .................
ثانيتين ، كله يطفى ما عدا الاتشك والبطارية ، بعد ما ادور المفروض كله يطفى

ده في البيجو الـ 301 و تقريبا كل العربيات

موضوع انها في الاول كان بتطفى قبل ما تدور بما فيها الاتشك والبطارية ، يمكن يكون كان بيتهيألك ، مش عارف بصراحة ...