حوادث 301

[mahmed0100]

فى سنه 2013 المنقضيه
حصلت حوادث بال 301
اتعرفت على 2 منهم و من كلام الملاك ان العربيه الموكا تكلفتها 46 الف جنيه للتصليح فى التوكيل
علما بان العربيه مؤمن عليها

http://im40.gulfup.com/MkhlF.jpeg

http://im40.gulfup.com/5CVkA.jpeg

و العربيه التانيه البترولي تكلفه اصلاحها فى التوكيل 84 الف جنيه علما بانها مانيوال ب 108 الف و هى زيرو

http://im40.gulfup.com/RYAa7.jpeg

السؤال هنا :

هل لو نفس الحادث بنفس التلفيات فى عربيات تانيه من نفس الفئه السعريه زى( كيا ريو و لانسر بومه ) .. حتكون نفس التكلفه فى توكيلهم ؟؟ او حتى مبالغ قريبه منها ؟

طول الانتظار بيساعد على التفكير فى كل حاجه تخص العربيه .. ملحوظه انا المفروض استلم 301 الشهر ده ان شاء الله

[Ahmed Amin]

طول الانتظار بيساعد على التفكير فى كل حاجه تخص العربيه .. ملحوظه انا المفروض استلم 301 الشهر ده ان شاء الله

موضوعك فيه قلق ودا طبيعي,,
لكن فيه طريقة التفكير غلط ودا اللي مش طبيعي,,

لو قلقان من الحوادث وأي حد بيجيب عربية جديدة مهما كان نوعها لازم يأمن,,

عشان أنت متضمنش أيه اللي ممكن يحصلك وأنت ماشي بيها وهيا لسه مكلمتش 1000 كيلو,
دا التفكير اللي مفروض تفكرة بدل ما تفكر المقياسات في التوكيلات التانية هتكون كام بما أنك حجزت البيجو خلاص,
وعشان مش كل واحد فينا بعد ما بيشتري بيكون معاه فلوس زيادة يصلح بيها لو حصل حادث لا قدر الله.

وبالنسبة للتوكيلات التانية فا فيه توكيل زي فيات لما كان مع أوماترا,
كان العربية مع واحدة قريبتنا وماشية بيها علي الطريق وعربيت نقل خبطتها خبطة جابت الباب اللي ورا باللي قدام من ناحية السواق,

المقايسة في التوكيل أتكلفت حوالي 35 ألف جنيه في تغير باب وسمكرة والكلام دا من 5 سنين والعربية كانت زيرو في رينج ال 70 ألف تقريباً مش متذكر أووي.

زميلنا عمرو السقا كتب قريب أنو عمل حادثة تانية, ومكتبش التفاصيل كلها,
بس هوا راح التوكيل والمقايسة دخلت في حاجة وتلاتين ألف,
ونصحته يعملها برة وكتب بعدها في موضوع هنا أنو عرف يجيب كل الحاجة والعربية رجعت بنسبة كبيرة زي الأول ومدفعتش ربع المبلغ اللي قال عليه التوكيل في المقايسة.

فأنت الصح أنك تأمن علي العربية, مش تفكر في المقايسات في التوكيلات التانية كام.
كمان العربية اللي كانت واخدة أهلاك كلي وأتغيرت تبع التأمين اللي في أول صورتين دي مع أنها تتصلح وتمشي لأنها مفهاش أي مشكلة في الميكانيكا,,
أما التانية فادي متخرشمة شوية, وهتتكلف ولو هتتصلح برة هتدخلها في حوالي 20 ألف لو الخبطة لحد السربنتينة بس وتغي أكصدام وشبكة وكبوت وفانوس وأزاز.

[mahmed0100]

انا مش مختلف معاك ان التأمين ضرورى
بس معامله التأمين فى مصر بلدنا الحبيبه مش لطيف
غير ان التوكيل ممكن يركن العربيه فى الاصلاحات عنده فتره اطول علشان يخلص اجراءاته مع شركه التأمين
و ده غالبا بيحصل
بصرف النظر عن فكره اني مش حدفع حاجه فايه المشكله ان العربيه تتاخر شويه !
لكن بسابق خبره مع الجين 2 مثلا
علشان يغيروا كبوت العربيه موديل 2007 خدت شهرين فى التوكيل و شهر انهاء اجراءات مع شركه التامين
دى خبرات متراكمه تخلينى اقول بلاش تأمين و هين قرشك و لا تهين نفسك :))
بس المبالغ دى تخوف
و لو كنت مخصص المبالغ دى كلها للعربيه .. كنت ركبت عربيه تانيه خالص اعلي من ال 301

ده اللى انا بفكر فيه

[Ahmed Amin]

طيب شوفت كونتاكت كارز,, ؟

أحسن شركة تأمين في مصر من رأيي كونتاكت كارز, لأن عندهم مصداقية,
وبتوفر لك ونش يجي ياخد العربية لو حصل حادث لقدر الله, وبتتعامل مع التوكيل علي طول,
وفيه تأمين تاني عندهم بيزيد 0.50% عن اللي قلت لك عليهم, دا بيوفر لك كل حاجة زي التأمين العادي بس بيوفر لك كمان عربية تتحرك بيها 3 أيام بعد اما الونش يجي ياخد عربيتك عشان تعرف تتحرك,
ولو حبيت تخليها معاك أكتر من 3 ايام لو عربيتك هتغيب في التصليح اليوم بيتحسب ب 200 جنية تقريباً,
وأنا شايف أن دي مناسبة للناس اللي مش بيبقي عندها وقت تدور علي عربية أيجار أو العربية عطلت وكان معاك أهلك.

علي عكس معظم شركات التأمين التانية يقولك صلح وحاسب بعد كدا أبقي تعالي حاسبنا !!! طب أفرض معييش فلوس يكفي ؟

أنا رأيي أنها أفضل شركة وأقري شروط كل شركة قبل ما تأمن, وأعرفة نسبة التحمل والمزايا والعيوب.

شوفها كدا وأبحث في مواضيع التأمين في المنتدي وخصوصاً الموضوع دا,

http://www.nilemotors.net/Nile/15248-a.html

خد وقتك فيه في القراية أنهارده.

وشوف أيه اللي يناسبك وأبقي عرفني عملت أيه في الأخر.
ودا منتدي التأمين
منتدي الاستشارات التأمينية - نايل موتورز - NileMotors.net

ودي تجربة مش لطيفة, مع شركة من الشركات اللي بتحور,, وهما كتير,,

http://www.nilemotors.net/Nile/389902-a.html

فا نصيحتي ليك أستغل وقت أنتظارك بأنك تقري كفاية في منتدي التأمين عشان تعرف أفضل شركة فيهم.

بالتوفيق.

[Mostafa.Mahran]

الموديلات التانية هتلاقى قطع غيار استعمال و اصلى و تقليد انما البيجو مفيش غير التوكيل لحد الان

[mahmed0100]

الموديلات التانية هتلاقى قطع غيار استعمال و اصلى و تقليد انما البيجو مفيش غير التوكيل لحد الان

ده اكيد يا مصطفي بس لو خدت بالك انا اقصد التعامل مع التوكيل في كل الحالات. سواء بيجو او لانسر او ريو

[mahmed0100]

يا جماعه انا لاقيت رد مناسب جدا لسؤالي و مناسب جدا لاي حد بيقارن 301 مع كيا ريو

حادثه ب كيا ريو علي سرعه 50 ك في الساعه و اقروا التلفيات
و تكلفه التوكيل في الاصلاح
و الاهم .. ركزوا مع حجم التلفيات ( المقص معجون بكل ما تحمله الكلمه )

غير شكاوي ظبط الزوايا ;)

الحمد لله علي اختيار ال 301

http://www.nilemotors.net/Nile/376192-2013.html

هو ده الرابط المقصود. :)
و طبعا مشكور ردك يا ا. احمد امين
بس الموضوع ده كان مناسب لطريقه تفكيري اكتر :))

[Akram.Gamal]

الموديلات التانية هتلاقى قطع غيار استعمال و اصلى و تقليد انما البيجو مفيش غير التوكيل لحد الان

كلام غير صحيح
انا للاسف معنديش مرجعيه ارد بيها علي حضرتك لانى لم اجرب بعد
و لكن هنتظر زميلنا عمرو السقا يدخل يرد لانه جاب كل الحجات ال محتاجها من بره التوكيل

[mahmed0100]

كلام غير صحيح
انا للاسف معنديش مرجعيه ارد بيها علي حضرتك لانى لم اجرب بعد
و لكن هنتظر زميلنا عمرو السقا يدخل يرد لانه جاب كل الحجات ال محتاجها من بره التوكيل

منطقيا يا اكرم اكيد الريو ليها قطع غيار بره التوكيل
العربيه بقالها كذا سنه في الشارع .. مش شرط كل اجزاءها و مش شرط قطع غيار اصليه لكن البيجو لسه اول سنه و مفتكرش قطع غيارها متوفره بره التوكيل كتير

[amrelsaqqa]

بصراحة الريو والنيسان صنى ... كل دول ليهم انصاص كاملة في الحرفيين

البيجو 301 لسة مالهاش انصاص وناس قليلة اللى جابت حاجات بالصدفة بس في واحد في الحرفيين قاللى انه هيقطع 301 يوم 15/1 ده .. الله اعلم بكلامه

الحادثة اللى بـ 84 الف دى ، ربنا مع صاحبها بجد ، بجد قلبى معاه وربنا يعوض عليه خصوصا لومكنش مأمن زيي ..

الحمد لله انا في حادثتى اخترت اخبط في الرصيف والعفشة بدل ما اخبط بوش العربية والحمد لله دلوقتى لما شوفت العربية اللى التوكيل بيقول فيها 84 الف حمدت ربنا ، لان قطع الغيار الخارجية لا مفر من التوكيل فيها وفعلا مش موجودة برة لحد الان ده غير انها بتعيب العربية كدواخل ، الحمد لله


بالنسبة لى انا لحد الان ، لانى ماشى في التصليح واحدة واحدة ومعرفتش اخد غير يومين اجازة بس من الشغل :

فاضللى الكرتيرة بتاعت العجل واستعدال الرفرف ع البارد ، والعفشة رجعت ناعمة 100% الحمد لله ، الزوايا 95% بس ان شاء الله هظبطها عشان لسة عندى حدفة خفيفة جدا يمين


جربت العربية بعد الاصلاح والحمد لله ثباتها وتماسكها ع الطريق زي ما هو وجبت بيها 160 ع المحور بالليل والطريق فاضى على سبيل التجربة فقط ، وكانت ممتازة زي حالتها وهى زيرو باستثناء الحدفة البسيطة يمين اللى هعملها بردو ان شاء الله

بالنسبة لقطع الغيار : العفشة فيها كتير اوى من 207 وده اللى نفعنى الحمد لله ، انما لو بنتكلم في كبوت ورفارف وشبكة وفوانيس ..... دى مالهاش غير التوكيل للاسف لحد دلوقتى والموتور متشابه مع كل مواتير بيجو ...

المقص بتاع الـ 207 بـ 350 استيراد نضيف وجبت الشمعدان 3 مرات ورجعته لحد ما جبت واحد زيرو مفيهوش غلطة والبلية بتاعته زيرو ، بـ 450 استيراد بتاع 207 بردو ، بالطنبورة والتيل والكاليبرات وحساس الاي بي اس، بس انا مكنتش محتاج الفرامل ، ركبت الشمعدان بس ، طبعا ده سعره في التوكيل معدي الـ 2000

علبة الدركسيون في التوكيل سعرها مهول 20 الف جنيه ، ولكن موجودة استيراد في حدود 2500

الكوبلن معرفتش اجيبه خالص ، لان في منه اشكال والوان ومقاسات كتير حسب موديلات البيجو ، وده برضه معدى الـ 3 في التوكيل ، بس الحمد لله اتعدل ورجع زيرو بـ 150 جنيه في الحرفيين


سربنتينة التكييف سألت عليها في التوكيل من باب العلم بالشيء بـ 3300 شاملة الضريبة ، بس الحمد لله ماعنديش حاجة في التكييف

الخلاصة اللى انا شايفه العربيات دى حلوة في سعرها وتكلفة تشغيلها العادية ، ولكن في الحوادث لازم تأمين ، والتوكيلات كلها بتهزر في مقايسات الاصلاح على اساس ان الناس كلها بتبقى مأمنة ومش دافعة حاجة من جيبها ، يعنى لما وش العربية بيتصلح بأكتر من سعرها قبل الجمارك ، ده يبقى قلة ادب كمان مش هزار

[amrelsaqqa]

طبعا التوكيل مرخص اسعار حاجات كتير اوى لدرجة انها ارخص من برة ! في نفس الوقت اللى لسة مخلى حاجات غالية جدا

على سبيل المثال ، المساعد ( زي بتاع الـ 207 بس اطول شوية ) سعره في التوكيل حلو 700 بالضريبة ، جبته من التوكيل

الجنط الحديد بـ 300 بالضريبة وده سعر كويس بس الطاسة البلاستيك اغلى منه وسعرها 500 ! اه والله زي ما بقولك كدة :d

كاوتشة البطاحة بـ 70 جنيه فقط ، وبرة بـ 175 ! بس انا جبتها من برة عشان ماكنتش موجودة في التوكيل ساعة ما سألت وقلت اجيبها وخلاص بدل ما افك واركب كل شوية

عمود الميزان سعره برضه جميل جدا ، بـ 84 قبل الضريبة ، وده برة مش بأقل من 130 جنيه !

[mahmed0100]

تمام .. كلامك يطمن يا عمور .. و افتكر مع الوقت و نزول موديل 2015 الوضع حيختلف و حنلاقي قطع غيار بره بشكل مناسب زي باقي موديلات البيجو

[Akram.Gamal]

الموديلات التانية هتلاقى قطع غيار استعمال و اصلى و تقليد انما البيجو مفيش غير التوكيل لحد الان

منطقيا يا اكرم اكيد الريو ليها قطع غيار بره التوكيل
العربيه بقالها كذا سنه في الشارع .. مش شرط كل اجزاءها و مش شرط قطع غيار اصليه لكن البيجو لسه اول سنه و مفتكرش قطع غيارها متوفره بره التوكيل كتير

بصراحة الريو والنيسان صنى ... كل دول ليهم انصاص كاملة في الحرفيين

البيجو 301 لسة مالهاش انصاص وناس قليلة اللى جابت حاجات بالصدفة بس في واحد في الحرفيين قاللى انه هيقطع 301 يوم 15/1 ده .. الله اعلم بكلامه

الحادثة اللى بـ 84 الف دى ، ربنا مع صاحبها بجد ، بجد قلبى معاه وربنا يعوض عليه خصوصا لومكنش مأمن زيي ..

فاضللى الكرتيرة بتاعت العجل واستعدال الرفرف ع البارد ، والعفشة رجعت ناعمة 100% الحمد لله ، الزوايا 95% بس ان شاء الله هظبطها عشان لسة عندى حدفة خفيفة جدا يمين


جربت العربية بعد الاصلاح والحمد لله ثباتها وتماسكها ع الطريق زي ما هو وجبت بيها 160 ع المحور بالليل والطريق فاضى على سبيل التجربة فقط ، وكانت ممتازة زي حالتها وهى زيرو باستثناء الحدفة البسيطة يمين اللى هعملها بردو ان شاء الله

بالنسبة لقطع الغيار : العفشة فيها كتير اوى من 207 وده اللى نفعنى الحمد لله ، انما لو بنتكلم في كبوت ورفارف وشبكة وفوانيس ..... دى مالهاش غير التوكيل للاسف لحد دلوقتى والموتور متشابه مع كل مواتير بيجو ...

المقص بتاع الـ 207 بـ 350 استيراد نضيف وجبت الشمعدان 3 مرات ورجعته لحد ما جبت واحد زيرو مفيهوش غلطة والبلية بتاعته زيرو ، بـ 450 استيراد بتاع 207 بردو ، بالطنبورة والتيل والكاليبرات وحساس الاي بي اس، بس انا مكنتش محتاج الفرامل ، ركبت الشمعدان بس ، طبعا ده سعره في التوكيل معدي الـ 2000

علبة الدركسيون في التوكيل سعرها مهول 20 الف جنيه ، ولكن موجودة استيراد في حدود 2500

الكوبلن معرفتش اجيبه خالص ، لان في منه اشكال والوان ومقاسات كتير حسب موديلات البيجو ، وده برضه معدى الـ 3 في التوكيل ، بس الحمد لله اتعدل ورجع زيرو بـ 150 جنيه في الحرفيين

طبعا التوكيل مرخص اسعار حاجات كتير اوى لدرجة انها ارخص من برة ! في نفس الوقت اللى لسة مخلى حاجات غالية جدا

على سبيل المثال ، المساعد ( زي بتاع الـ 207 بس اطول شوية ) سعره في التوكيل حلو 700 بالضريبة ، جبته من التوكيل

الجنط الحديد بـ 300 بالضريبة وده سعر كويس بس الطاسة البلاستيك اغلى منه وسعرها 500 ! اه والله زي ما بقولك كدة :d

كاوتشة البطاحة بـ 70 جنيه فقط ، وبرة بـ 175 ! بس انا جبتها من برة عشان ماكنتش موجودة في التوكيل ساعة ما سألت وقلت اجيبها وخلاص بدل ما افك واركب كل شوية

عمود الميزان سعره برضه جميل جدا ، بـ 84 قبل الضريبة ، وده برة مش بأقل من 130 جنيه !

يا جماعه انا كل ال كنت قاصده فى كلام استاذ مصطفى الجمله دى فقط (مفيش غير التوكيل لحد الان )
و الحمدلله عمرو اثبت كلامى
بخلاف كده كلام حضراتكوا صح طبعا ولا غبار عليه

[Ramy Hazem]

اعتقد توافر قطع الغيار خارج التوكيل مسائلة وقت وخصوصا ان السيارة مبقلهاش سنة في السوق , فاعتقد انتظار سنة اخري هيفرق كتير في توافر قطع الغيار وانحفاض سعرها
بالاضافة الي ظهور البدائل الاخري باسعار اقل من الاصلي زي التيواني والصيني والكلام ده وده برده ممكن وجوده ياثر علي اسعار القطع الاصلية
في الاخر هي مسائلة وقت وان شاء الله كله هيبقي متوافر خارج التوكيل وباسعار كويس

تحياتي

[mahmed0100]

الخوف ان التوكيل يواجه توافر قطع الغيار في السوق بسعر اقل انه يستخدم قطع غيار صيني .. خصوصا ان في خط انتاج ليه حيتم تشغيله في الصين و دي حاجه توكيلات كتير عملتها
بس في حاله ان بيجو يعملوا كده .. حتكون نقطه وحشه في حقهم مهما كانت كفاءه قطع الغيار