حصلت ظروف طارئة

[nonalaziza]

الجواب باين من عنوانه حصلتلي ظروف طارئة هتخليني ارجع عن شراء العربية هل هعرف الغي الحجز واخد فلوسي ولا استلمها و بعدين ابيعها.
و للعلم مش اكتر الرجوع في البيع مش علشان عيب في العربيه إنما فعلاً ظروف طارئة ممكن تتحل و دا املي و ممكن تفضل و اضطر مضطره اني الغي الحجز تماماً و كمان العزوف عن شراء عربية في الوقت الحالي.
برجاء الإفادة

[kokowasfy]

اتصل بل توكيل و انشاء الة تعرف تلغى الحجز وتاخد فلوسك و موضوع تاخده و بعد كدا تبيعها هتخصر فيها بلاش منها احسن

[nonalaziza]

أخيراً لقيت حد رد عليا.
اولا متشكرة جداً علي ردك، هحاول اتصل ب التوكيل و اشوف الإجراءات

[m.basha]

أخيراً لقيت حد رد عليا.
اولا متشكرة جداً علي ردك، هحاول اتصل ب التوكيل و اشوف الإجراءات

حضرتك لو بتتكلمى على مبلغ الحجز اللى هو بيبقى 10 الاف جنيه بستردى المبلغ فى اى وقت بالايصال اللى انتى استلمتيه من عندهم و تلغى الحجز ما فيش ادنى مشكلة تماما

[mahmed0100]

ممكن جدا تلغي الحجز و تخدي فلوسك كامله
او لو حابه حد يدخل مكانك و يستفيد وقت ده كمان ممكن تعمليه ;)
لا تقلقي حتخدي فلوسك كامله و ربنا يوفقك و تتحسن ظروفك و ظروفنا كلنا :)

[smsm2004w]

مفيش مشكلة فى استرداد مبلغ الحجز روحى التوكيل وسلميهم الأيصال هيسلموكى المبلغ بس اتصلى بيهم الأول

[nonalaziza]

متشكرة لكل الرد انا فعلاً على مبلغ الحجز يارب محتجش الغيها يااااااااااااااارب

[cahmeda911]

شوفى حضرتك انا كنت فى نفس موقفك ورحت علشان الغى كذا مرة مش مرة واحدة وكنت اول ما اوصل التوكيل اللى فى صلاح سالم اتردد واقول للمندوب انا كنت قريب قلت اجى اسلم واشوف العربيه وترددى لانى كنت متأكد انى مش هعرف اشترى عربية بكل المميزات دى وبنفس المبلغ هو موضوعى معقد شوية لان انا كان عندى عجز فى فلوس العربية وكنت بحمد ربنا ان تأخير الاستلام جه فى الاخر لصالحى لان ربنا كرمنى وعرفت ادبر المبلغ هو من الاخر لو مش فارق معاكى مبلغ الحجز خلى الحجز زى ما هو وانا اعتقد ان قدامك لسه شهرين على الاستلام على ما اتذكر كلامك قبل كدة
اخيرا انتى اكتر واحدة اعلم بظروفك فربنا يهديكى للاصلح

[nonalaziza]

العربية ماشاءالله هايله بكل المقاييس وعارفه إني هندم كتير جداااا لو مش جبتها بس فعلاً الظروف جامدة مش مادية الحمد لله.
ربنا يسهل و يوفقني للاصلح

[Mahmoud Mok]

الجواب باين من عنوانه حصلتلي ظروف طارئة هتخليني ارجع عن شراء العربية هل هعرف الغي الحجز واخد فلوسي ولا استلمها و بعدين ابيعها.
و للعلم مش اكتر الرجوع في البيع مش علشان عيب في العربيه إنما فعلاً ظروف طارئة ممكن تتحل و دا املي و ممكن تفضل و اضطر مضطره اني الغي الحجز تماماً و كمان العزوف عن شراء عربية في الوقت الحالي.
برجاء الإفادة

ان شاء الله مايكونش فى اى مشكله تقدرى تكلمى مع مسئول المبيعات اللى حجزتى من خلاله السيارة
بس طبعا كل ماتتصلى اسرع يكون افضل
طبعاً بصفه عامه اى معرض من معارض بيجو الرئيسية سواء صلاح سالم او المهندسين او المعادى او سابا باشا فى اسكندريه
مواعيد عملهم من 10 ص لحد 10 مساء طوال ايام الاسبوع

معرض صلاح سالم
رقم 11 ش صلاح سالم بجوار مسجد الرحمن الرحيم امام دار المركبات .
24828057 / 24828058 / 01222323815

معرض المهندسين
رقم 4 ش وادي النيل , المهندسين , الجيزة .
33034774 /33034775

معرض المعادي
رقم 625 / أ شارع الجزائر المعادي الجديدة , القاهرة .
27544918 / 27546560

معرض الاسكندرية
رقم 29 ش محمد صالح , محطة البستان , سابا باشا .
(03)5851650 / (03) 5851653

ودى ارقام المعارض كلها تقدرى تتصلى بيهم فى اى وقت
ولو لقدر الله فى اى مشكله واجهتك فى اى حاجه
وان شاء الله طبعا ميكونش ف اى مشاكل
تقدرى تتصلى على 19207 خدمه العملاء وتوضحلهم المشكله وطبعا بيتم تقديم شكوى للأدارة وبيتم الرد من الاداره خلال 48 ساعه عمل
وان شاء الله مش تحتاجى لاى شكوى وكل حاجه تمشى زى ماحضرتك عايزه

[kimo-81]

انشاء الله خير
وانا برضو حصلتلى ظروف واحتمال اكنسل الحجز
و التوكيل قالى فى اى وقت ممكن تاخد فلوسك
بس انا هستنى شويه يمكن ربنا يحلها
ولونى هموت ع العربية وربنا يسهل لانها مشكله مااااااااااديه
والحمد لله على كل شئ

[Mahmoud Mok]

انشاء الله خير
وانا برضو حصلتلى ظروف واحتمال اكنسل الحجز
و التوكيل قالى فى اى وقت ممكن تاخد فلوسك
بس انا هستنى شويه يمكن ربنا يحلها
ولونى هموت ع العربية وربنا يسهل لانها مشكله مااااااااااديه
والحمد لله على كل شئ

ان شاء الله ربنا ييسرلك اللى فيه الخير ليك
انا اريد وانت تريد والله يفعل مايريد
وان شاء الله مبروك مقدما على السيارة ولو ربنا مش اراد يبقى بردو فى كلتا الحالتين ربنا بيحبك :)
بالتوفيق ان شاء الله

[atshe]

فلوسك تقدرى تراجعيها فى اى وقت

بس مش ده التفكير الصح لو هى مش مشكلة مادية يبقى تكنسلى الحجز ليه خليه ولحد معاد الاستلام لقيتى مشاكلك مش متحله

يبقى عندك حلين تسحبيهم لو عايزة او الاحسن من كده انك تدى الحجز لواحد تانى عايز العربية ويستلمها وتاخدى اوفر برايس على حسب الاتفاق ما بينكوا

ويبقى انتوا الاتنين مش كسبانين هو استلم بدرى وانتى رجعتلك فلوسك بالزيادة

مع انى مش مع الفكرة اساسا انك تلغى الحجز

ربنا معاكى ويوفقك فى الاصلح

[Ahmed Amin]

فلوسك تقدرى تراجعيها فى اى وقت

بس مش ده التفكير الصح لو هى مش مشكلة مادية يبقى تكنسلى الحجز ليه خليه ولحد معاد الاستلام لقيتى مشاكلك مش متحله

يبقى عندك حلين تسحبيهم لو عايزة او الاحسن من كده انك تدى الحجز لواحد تانى عايز العربية ويستلمها وتاخدى اوفر برايس على حسب الاتفاق ما بينكوا

ويبقى انتوا الاتنين مش كسبانين هو استلم بدرى وانتى رجعتلك فلوسك بالزيادة

مع انى مش مع الفكرة اساسا انك تلغى الحجز

ربنا معاكى ويوفقك فى الاصلح

فكرة ممتازة وحل وعملي جداً,
لو الظروف خلصت علي خير تستلم لو لسه محتاجة عربية,
لو مش محتاجاها خلاص ممكن تبدل الحجز مع أي حد معانا في المنتدي وتبقي أخدت فيه ثواب بدل ما ستني 3 أو 4 شهور.

[nonalaziza]

انا معنديش مشكلة ان حد ياخد الحجز بتاعي بس يارب الظروف تضبط و اعرف هلغي ولا أكمل