الحقونى ال 301 اتخبطت

[dryousef]

السلام عليكم ورحمة الله وبركاته.
اولا : الحمد لله على نعمة وقدر الله و ما شاء فعل.
الحكايه انى كنت انهارده ماشى فى طريق المنصوريه فى اتجاهى الى القصر العيني حيث اول يوم عمل لى هناك بعد انتدابى من اسيوط.وهبببب لقيت خبطه من ورا وسمعت صوت تكسير ازاز انا اتخضيت جامد جدا جدا ونزلت لقيت فانوس الانسان اللى خبطنى اتكسر وانا عندى شرخ فى الاكصدام حوالى 6سم وشويت خدوش خفيفه والاكصدام من الجنب طلع لبره وبرز كده من الجنب من عندالفانوس من تحت.
طبعا دى اكيد عين لان فيه واحد انا بكرهه واصر يشوف العربيه وجه شال من عليها الغطا باليل واصر يشوفها وانا عارف عينه.
دى الحكايه.
انا طبعا فى التوكيل دلوقتى فى غمره بعمل صيانه ال2500 ومقلتلهمش عليها
عايز بتاع فبر كويس يلحمها من جوه والفانوس ده يترد مكانه وشويه بوليش علشان الخدوش .
الاستاذ احمد امين :شكرا على مجهوداتك ونصايحك. ودلنى اعمل ايه. هيا بسيطه بس انا كل اما اشوفها بزعل ومش عايز اسبها كده وكمان عايز الزق اي حاجه على الاكصدام تكون شييك ونضيفه ومتأسرش على الدهان علشان الجروح وكده. وبارك الله فيكم .
اخوكم د.يوسف احمد

[smsm2004w]

حمد الله على سلامتك يا دكتور متزعلش انشاء الله بسيطة ومتهيألى سيبها تاخد العين شوية

[raedegypt]

تصدق بالله دة مخلى الواحد ما يشترى عربيات غاليه وبالذات فى مصر

[akmm]

خلى الخبطه شويه تاخد العين خاصه عين اللى تسبب في كده ......... والف الف سلامه ومبروك استلام التكليف .

[Silent~Dream]

قدر الله و ما شاء فعل و الحمد لله جت سليمه مش حاجه كبير

[dryousef]

خلى الخبطه شويه تاخد العين خاصه عين اللى تسبب في كده ......... والف الف سلامه ومبروك استلام التكليف .

احتمال تسيبها ان شاءالله. على فكره انا نائب جراحه ومخلص التكليف من سنه.

[mahmed0100]

سهله يا دكتور ان شاء الله و عالجها بشكل بسيط علشان كده كده الاكصدامات ياما بتشوف في مصر لحد ما يوصل لمرحله التغيير و هو متخربش و متجرح و متلحم :))
و ربنا يستر علينا كلنا

[damasry]

الف سلامة على حضرتك والحمدلله انها جت بسيطة.

لو حضرتك بتيجى قصر العينى القديم وعايز واحد يردلك الاكصدام كلمنى انا ساكن فى شارع قصر العينى

[mastr_n]

الحمدللة انها ماجتش فيك او فى حد من اولادك
الحمد للة انها جت فى فلوس وفداك ومعلش اول خبطة للعربية بتزعل انا مجربها وحاسس بيك

[Yousef.Kamel]

احنا عايزين نعرف العين من هنا وﻻ من اسيوط --- حمدالله على سﻻمتك طبعا وفداك انت والعيال

[J A G U A R]

الحمد لله انها جات لحد كده .. وسيبها شويه

[ABOMO3AZ HASBO]

قل قدر الله وما شاء فعل
وانا رأيي تسيبها شويه تاخد العين

[dryousef]

السلام عليكم ورحمة الله وبركاته.
اولا :الحمد لله
ثانيا.جزاكم الله كل خير فأنتم مثل الاخوه الجأ اليهم وقت الضيق والهم والله او شئ فكرت فيه انى اكتبلكم واعرفكم. لكن شكل كل الاراء كده اجتمعت انى اسيبها شويه وانا خلاص كلامكم ماينزلش الارض ابدا.ههههه
وعلى فكره كنت امبارح فى بيجو صلاح سالم ووريتها للاستاذ محمد كامل ومدير المبيعات. قاللى سبها كده وماتلعبش فيها خالص ولا عندنا ولابره مش مستاهله. وانا خلاص اقتنعت بكلامكم.
ثالثا:رحت غمره عملت صيانه ال2500 انهارده وركبت مثبت سرعة ب 666.5
وانطباعى بعد الصيانه والسوفتوير العربيه نعمت جدا والسحب احسن وصوت الموتور حسيتو هدى خاصة فى السحب والعفشه اتظبطت والمثبت عز ودلع ونغنغه والاستهلاء معاه تمام يعنى على 90 كان 3.6 لكل 100كم بيبدأ عالى لكن بيثبت مابن 3 و4 لتر لكل 100 كم.
الانطباع النهائى
الحمد لله انى اشتريت بيجو

غمره توكيل مكانه صعب وتهت وانا رايح وانا راجع واتأخرت جامد
اعمرى ما هاروح غمره تانى ان شاءالله. دخلت 10.30 خرجت 4.30
..ماله صلاح سالم وكلهم حبابينا وربنا مايحوجنا لغمره
والعين من اسيوط بس جت ورايا هنا...خد بالك يامعلم

و السلام عليكم ورحمة الله وبركاته

[atshe]

لا حول ولا قوة الا بالله

والله اضايقت وانا بقرى الموضوع الف سلامه عليك والحمد لله انها جت على اد كده

وانت عارف ان عينه وحشه اقرى المعوذتين بعد مايمشى ولا وهو بيتفرج عليها شغله فيها قران خلى شيطانه ينصرف

يعنى لو مش باينة سيبها كده واذا كان على الاكصدام فبسيطة يا دكتور كلنا متعرض للمواقف دى بس ازاى مش مأمن عليها

[atshe]

السلام عليكم ورحمة الله وبركاته.
اولا :الحمد لله
ثانيا.جزاكم الله كل خير فأنتم مثل الاخوه الجأ اليهم وقت الضيق والهم والله او شئ فكرت فيه انى اكتبلكم واعرفكم. لكن شكل كل الاراء كده اجتمعت انى اسيبها شويه وانا خلاص كلامكم ماينزلش الارض ابدا.ههههه
وعلى فكره كنت امبارح فى بيجو صلاح سالم ووريتها للاستاذ محمد كامل ومدير المبيعات. قاللى سبها كده وماتلعبش فيها خالص ولا عندنا ولابره مش مستاهله. وانا خلاص اقتنعت بكلامكم.
ثالثا:رحت غمره عملت صيانه ال2500 انهارده وركبت مثبت سرعة ب 666.5
وانطباعى بعد الصيانه والسوفتوير العربيه نعمت جدا والسحب احسن وصوت الموتور حسيتو هدى خاصة فى السحب والعفشه اتظبطت والمثبت عز ودلع ونغنغه والاستهلاء معاه تمام يعنى على 90 كان 3.6 لكل 100كم بيبدأ عالى لكن بيثبت مابن 3 و4 لتر لكل 100 كم.
الانطباع النهائى
الحمد لله انى اشتريت بيجو

غمره توكيل مكانه صعب وتهت وانا رايح وانا راجع واتأخرت جامد
اعمرى ما هاروح غمره تانى ان شاءالله. دخلت 10.30 خرجت 4.30
..ماله صلاح سالم وكلهم حبابينا وربنا مايحوجنا لغمره
والعين من اسيوط بس جت ورايا هنا...خد بالك يامعلم

و السلام عليكم ورحمة الله وبركاته

نفس الانطباع عن فرع غمرة

اخدت وقت اد اية فى الصيانة لحد ماخلصت

ودخلت على طول فى معاد حجزك

استهلاك العربية مع المثبت ده حقيقى يعنى 4 لتر لكل 100 كيلو انت جربتها وانت مسافر ولا ده على طريق اية