الحقونى ال 301 اتخبطت

[eleanor]

الحمد لله انك بخير يادكتور
والعربيه سيبها كده فتره ولو فكرت تعملها اعملها فى ورشه نايل موتورز هايعملولك العربيه وانت واقف وهاتتبسط من
الشغل والترحيب
وان شاء الله بسيطه

[Akram.Gamal]

حمدالله ع السلامه يا دكتور ومبروك النيابه
وقدر الله وماشاء فعل احسن حاجه انك راضى و مش زعلان
ومستنيك تشرفنى فى بلدك الحبيبه مصر (قصدى دمياط)

[Ahmed Amin]

السلام عليكم ورحمة الله وبركاته.
اولا : الحمد لله على نعمة وقدر الله و ما شاء فعل.
الحكايه انى كنت انهارده ماشى فى طريق المنصوريه فى اتجاهى الى القصر العيني حيث اول يوم عمل لى هناك بعد انتدابى من اسيوط.وهبببب لقيت خبطه من ورا وسمعت صوت تكسير ازاز انا اتخضيت جامد جدا جدا ونزلت لقيت فانوس الانسان اللى خبطنى اتكسر وانا عندى شرخ فى الاكصدام حوالى 6سم وشويت خدوش خفيفه والاكصدام من الجنب طلع لبره وبرز كده من الجنب من عندالفانوس من تحت.
طبعا دى اكيد عين لان فيه واحد انا بكرهه واصر يشوف العربيه وجه شال من عليها الغطا باليل واصر يشوفها وانا عارف عينه.
دى الحكايه.
انا طبعا فى التوكيل دلوقتى فى غمره بعمل صيانه ال2500 ومقلتلهمش عليها
عايز بتاع فبر كويس يلحمها من جوه والفانوس ده يترد مكانه وشويه بوليش علشان الخدوش .
الاستاذ احمد امين :شكرا على مجهوداتك ونصايحك. ودلنى اعمل ايه. هيا بسيطه بس انا كل اما اشوفها بزعل ومش عايز اسبها كده وكمان عايز الزق اي حاجه على الاكصدام تكون شييك ونضيفه ومتأسرش على الدهان علشان الجروح وكده. وبارك الله فيكم .
اخوكم د.يوسف احمد

وعليكم السلام ورحمة الله, أهلا دكتور يوسف,,
والله أنا زعلت وأضايقت أول ما قريت عنوان الموضع, وقلت هوا في أيه
أيه قصة العريبة دي, يعني غير العين والحسد العربية ملفتة وناس كتير مش سايباها في حالها,,

المهم بعد ما قريت خبطتك, قلت الحمدلله لأنها فعلاً بسيطة ومش هتزعلك في حاجة وكويس أنها جات علي قد كدا..
الأكصدام ممكن يتعمل عند أي حد بتاع فبر بس ميكونش كفتجي, عشان لو مظبطوتش هيبان حتة عالية واطية,,
الصح أنو بيتصنفر الحتة المخبوطة وبيحلمها بمكوة ومسامير وبعدين بتتشرش عادي وبيرجع زي الجديد,
وطالما الزمايل كلهم نصحوك بأنك تيسبها, ودا رأيي كمان عشان لسه ناس تانية هتقولك ورينا وهات لفة والكلام دا, أول ما يشوفو الخبطة هيهدو شوية عليكم وهيسكتو وهتصعب عليهم وكدا.

فا خليها كدا شوية لو مش مضايقاك,,
أما لو الموضوع مضايقك ومزعلك لما بتشوفها, فانا أرشح لك برضه ورشة نايل موتورز لأني زميلنا عمرو السقا هنا راح عمل عربيتة ال 301 عندهم مرتين وشغلهم نضيف فعلاً.
والفانوي لو مش ثابت في مكانه دا مهم جداً لازم تثبته قبل أي حاجة عشان ميقعش من المطبات والحفر اللي في الطريق لما تاكلها علي سرعة,
يعني لازم الفانوس يكون مربوط كويس لو بتقول أنو مفكوك.
والأكصدام أمره سهل, بس أغسلة دلوقتي بمية لو كان عليه طينة من الشت أو تراب, بعدين أمسحه كويس وسيبة ينشف والزقه بلزق شفاف لحد ما تعمله,
هيبقي شكله وحش بس عشان تحافظ عليه وميفضلش يتحرك معاك وانت ماشي بسرعة علي السريع.

[Ahmed Amin]

السلام عليكم ورحمة الله وبركاته.
اولا :الحمد لله
ثانيا.جزاكم الله كل خير فأنتم مثل الاخوه الجأ اليهم وقت الضيق والهم والله او شئ فكرت فيه انى اكتبلكم واعرفكم. لكن شكل كل الاراء كده اجتمعت انى اسيبها شويه وانا خلاص كلامكم ماينزلش الارض ابدا.ههههه
وعلى فكره كنت امبارح فى بيجو صلاح سالم ووريتها للاستاذ محمد كامل ومدير المبيعات. قاللى سبها كده وماتلعبش فيها خالص ولا عندنا ولابره مش مستاهله. وانا خلاص اقتنعت بكلامكم.
ثالثا:رحت غمره عملت صيانه ال2500 انهارده وركبت مثبت سرعة ب 666.5
وانطباعى بعد الصيانه والسوفتوير العربيه نعمت جدا والسحب احسن وصوت الموتور حسيتو هدى خاصة فى السحب والعفشه اتظبطت والمثبت عز ودلع ونغنغه والاستهلاء معاه تمام يعنى على 90 كان 3.6 لكل 100كم بيبدأ عالى لكن بيثبت مابن 3 و4 لتر لكل 100 كم.
الانطباع النهائى
الحمد لله انى اشتريت بيجو

غمره توكيل مكانه صعب وتهت وانا رايح وانا راجع واتأخرت جامد
اعمرى ما هاروح غمره تانى ان شاءالله. دخلت 10.30 خرجت 4.30
..ماله صلاح سالم وكلهم حبابينا وربنا مايحوجنا لغمره
والعين من اسيوط بس جت ورايا هنا...خد بالك يامعلم

و السلام عليكم ورحمة الله وبركاته

مبروك علي تركيب مثبت السرعة يا دكتور, وعلي أبديت السوفت وير وأحساسك بالعربية اللي بقي أفضل.
هيريحك جداً مثبت السرعة دا في السفر لسوهاج, وأبقي قولنا هيوفر معاك في الأستهلاك قد أيه وأنت سايق علي السريع علي سرعة 90 أو مية قبل ما تشغله وبعد, ؟؟

وبالنسبة للأنطباع النهائي ربنا يبارك فيها ويكفيها شر العين,

وغمرة فعلاً مكانه صعب, بس مهم لو عندك حاجة صعبة أو معقدة, لأنه هوا الأساس.
بس صلاح سالم حلو جداً للصيانات السريعة وأي حد هيغير زيت بس أو فلاتر يروح صلاح سالم أفضل وأسرع طبعاً.

[amrelsaqqa]

حبيبى اهلا بيك في نادى ملاك الـ 301 المخبوطة والمحسودة :d

ولا يهمك يا باشا ولا تزعل نفسك خالص ، قلبى معاك يا كبير

قول الحمد لله ، الحمد لله انها جت على قد كدة ، كان ممكن لا قدر الله في ثانية واحدة برضه يحصل اكتر من كدة بكتير ، بعد الشر عليك طبعا

وخير ما فعلت سيبها شوية تاخد العين وتبقى تعملها براحتك ان شاء الله

[damasry]

السلام عليكم ورحمة الله وبركاته.
اولا :الحمد لله
ثانيا.جزاكم الله كل خير فأنتم مثل الاخوه الجأ اليهم وقت الضيق والهم والله او شئ فكرت فيه انى اكتبلكم واعرفكم. لكن شكل كل الاراء كده اجتمعت انى اسيبها شويه وانا خلاص كلامكم ماينزلش الارض ابدا.ههههه
وعلى فكره كنت امبارح فى بيجو صلاح سالم ووريتها للاستاذ محمد كامل ومدير المبيعات. قاللى سبها كده وماتلعبش فيها خالص ولا عندنا ولابره مش مستاهله. وانا خلاص اقتنعت بكلامكم.
ثالثا:رحت غمره عملت صيانه ال2500 انهارده وركبت مثبت سرعة ب 666.5
وانطباعى بعد الصيانه والسوفتوير العربيه نعمت جدا والسحب احسن وصوت الموتور حسيتو هدى خاصة فى السحب والعفشه اتظبطت والمثبت عز ودلع ونغنغه والاستهلاء معاه تمام يعنى على 90 كان 3.6 لكل 100كم بيبدأ عالى لكن بيثبت مابن 3 و4 لتر لكل 100 كم.
الانطباع النهائى
الحمد لله انى اشتريت بيجو

غمره توكيل مكانه صعب وتهت وانا رايح وانا راجع واتأخرت جامد
اعمرى ما هاروح غمره تانى ان شاءالله. دخلت 10.30 خرجت 4.30
..ماله صلاح سالم وكلهم حبابينا وربنا مايحوجنا لغمره
والعين من اسيوط بس جت ورايا هنا...خد بالك يامعلم

و السلام عليكم ورحمة الله وبركاته

مبروك الصيانة والمثبت وياريت تجرب الاستهلاك بيه ومن غيره على طريق واحد ونفس ظروف التشغيل.

ابقى سلملى على محمد كامل لو شوفته تانى

توكيل غمرة سهل جدا بس لو عارف المنطقة كويس، حضرتك وقت ما تحب تروح تاخد كوبرى اكتوبر وتفوت نزلة غمرة وتكمل وبعد الجزء المعلق ها تلاقى نزلة على الشمال (النزلة الوحيدة اللى على الشمال) انزلها ها تلاقى نفسك فى شارع بورسعيد وها تعدى شريط قطر، عد بعديه 4 شوارع يمين وادخل فى الخامس يمين فى اول شمال ها تلاقى التوكيل.

[starlanos]

الحمد لله علي سلامتك

[mahmed0100]

حبيبى اهلا بيك في نادى ملاك الـ 301 المخبوطة والمحسودة :d

هههههههههههه انت مشكله و الله يا عمرو .. ربنا يكفينا شر ال 301 جميعا :)

[egyptiandiver]

الحمد لله انها جت على اد كده...

[raedegypt]

عين ايه بس فى عربيه عاديه اومال لو راكب سيراتو ولا النترا كان طار فيها

[Akram.Gamal]

عين ايه بس فى عربيه عاديه اومال لو راكب سيراتو ولا النترا كان طار فيها

هههههههههه
هههههههههه
هههههههههه

[mahmed0100]

هههههههههه
هههههههههه
هههههههههه

انا متضامن في نفس رد الفعل :))

[smsm2004w]

عين ايه بس فى عربيه عاديه اومال لو راكب سيراتو ولا النترا كان طار فيها

هى الثقافة فى العربيات حصلت كده كمان

[medori]

انا متضامن في نفس رد الفعل :))

و انا كمان
ههههههههه
ههههههههههههه
هههههههههههههههه

[abohend]

عين ايه بس فى عربيه عاديه اومال لو راكب سيراتو ولا النترا كان طار فيها

يا راجل طب قول لو راكب بي إم
لو راكب أودي
لو راكب مرسيدس
لكن سيراتو و لا إلنترا..مش فاهمك الصراحة
هو إنت عايز الناس تنتقد تعليقك
و لا أنت بتهزر