مناقشة عن افضلية البيجو 301 عن منافسيها في السوق

[amr_shaaban]

انا دخت بحث في ربية في حدود سر البيجو 301 و اقتنعت جدا ان ال 301 هي الأفضل بس خايف منها للآتي:
- الفتيس ... الكلام و التعليقات عليه كتيرة اوي تقلق بصراحة
- موديل جديد عالسوق ما حدش يقدر يعرف كمان سنة هيظهرلها عيوب خطيرة ولا ايه
- قطع الغيار .. من كلام زميل عربيتة اتخبطت ان فية قطع مالهاش حل غير الوكيل و بالفعل فية حاجات غالية جدا زي علبة الدركسيون في زميل قال ب 20 الف و هيا في الصني ب 7000 وده مع اقتناعي ان البيجو افضل من الصني بكتير
- نادر الميكانيكية اللي يشتغلوا في الفرنساوي عامة و لو حد اشتغل فيها هيبقا بيتعلم عليها .. هيجرب يعني و ده في محافظتي تحديدا (بورسعيد)
- سعر ما بعد البيع ... الكل بيقول الفرنساوي بيخسر جامد ... برغم توقعات الكثير بتغيي وجهة النظر دي مع انتشار ال 301

البديل---
سيتروين: السي اليزية اخت البيجو 301 و الهاي لاين ارخص 6 من البيجو و فرق مقاس الجنط بس تقريبا و استلام فوري
- صني شكل قديم : كويسة جدا بس قديمة و مافيهاش abs
- صني شكل جديد: مش عجباني شكلا و موضوعا
- تويوتا ياريس: الاوتوماتيك بتاعها ب 139 يعني ازيد 3 عن 301 هاي لاين و الناس بتشكر فيها اوي بس مكنتها 1300 برغم ان ملاكها مش بيشتكو من اي ضعف حتي مع التكييف
سكودا رابيد : فذئة اولى ب 135 مو 2013 و طبعا الرابيد فاضية موت و مانيوال بس سكودا برده

دايرة مفرغة
- انا معايا نوبيرا 2 و مش ماشي حالها الحمد لله ... بس عاوز اغير و مافيش حاجة خالصة في الاختيارات
انا كاتب موضوعي هنا لان البيجو اكتر واحد عجباني .... ياريت آرائكم

[atshe]

انا دخت بحث في ربية في حدود سر البيجو 301 و اقتنعت جدا ان ال 301 هي الأفضل بس خايف منها للآتي:
- الفتيس ... الكلام و التعليقات عليه كتيرة اوي تقلق بصراحة
- موديل جديد عالسوق ما حدش يقدر يعرف كمان سنة هيظهرلها عيوب خطيرة ولا ايه

الفتيس وحله تحديث السوفت وكمان ناس كتير قالت كده
السوال هنا انت عمرك شفت عربية بيجو ظهرلها عيوب خطيرة ؟

- قطع الغيار .. من كلام زميل عربيتة اتخبطت ان فية قطع مالهاش حل غير الوكيل و بالفعل فية حاجات غالية جدا زي علبة الدركسيون في زميل قال ب 20 الف و هيا في الصني ب 7000 وده مع اقتناعي ان البيجو افضل من الصني بكتير

العربية مبقلهاش سنة نزلت كويس انه لاقى قطع عيار بره اساسا دا انا لما شفت كده فرحت مع الوقت تنتشر قطع الغيار فى كل مكان وتاكيد على كلامك طبعا البيجو احسن من الصنى بمراحل

- نادر الميكانيكية اللي يشتغلوا في الفرنساوي عامة و لو حد اشتغل فيها هيبقا بيتعلم عليها .. هيجرب يعني و ده في محافظتي تحديدا (بورسعيد)
- سعر ما بعد البيع ... الكل بيقول الفرنساوي بيخسر جامد ... برغم توقعات الكثير بتغيي وجهة النظر دي مع انتشار ال 301

انت هتجيب عربية زيرو هتفكر الميكانيكى يشتغل فيها ولا لاء انت جايب كورى مستعمل يا راجل قول كلام غير ده وبرده تاكيد على كلامك مع انتشار البيجو ان شاء الله تمسك سوق وسعر اعادة البيع يرفع

البديل---
سيتروين: السي اليزية اخت البيجو 301 و الهاي لاين ارخص 6 من البيجو و فرق مقاس الجنط بس تقريبا و استلام فوري
- صني شكل قديم : كويسة جدا بس قديمة و مافيهاش abs
- صني شكل جديد: مش عجباني شكلا و موضوعا
- تويوتا ياريس: الاوتوماتيك بتاعها ب 139 يعني ازيد 3 عن 301 هاي لاين و الناس بتشكر فيها اوي بس مكنتها 1300 برغم ان ملاكها مش بيشتكو من اي ضعف حتي مع التكييف
سكودا رابيد : فذئة اولى ب 135 مو 2013 و طبعا الرابيد فاضية موت و مانيوال بس سكودا برده

ستروين هى هى العربية بس توكيل ضعيف وضاع سعر اعادة البيع
صنى شكل قديم الاجابة شكل قديم
صنى شكل جديد زبالة
تويوتا ياريس عيبها 1300 سى سى وشكل الصالون الداخلى البيجو اقيم
سكودا مانيول؟؟؟؟!!!!!

دايرة مفرغة
- انا معايا نوبيرا 2 و مش ماشي حالها الحمد لله ... بس عاوز اغير و مافيش حاجة خالصة في الاختيارات
انا كاتب موضوعي هنا لان البيجو اكتر واحد عجباني .... ياريت آرائكم

زيك زى اى واحد معاه نوبيرا او لانوس مش ماشى حالها الحمد لله
يبقى الاجابة باختصار عايز تركب وترتاح عايز توكيل محترم عايز قطع غيار معقولة ف التوكيل يبقى عليك وعلى البيجو الوحش الاسود

[abohend]

الكمال لله

انا دخت بحث في ربية في حدود سر البيجو 301 و اقتنعت جدا ان ال 301 هي الأفضل بس خايف منها للآتي:
- الفتيس ... الكلام و التعليقات عليه كتيرة اوي تقلق بصراحة
- موديل جديد عالسوق ما حدش يقدر يعرف كمان سنة هيظهرلها عيوب خطيرة ولا ايه
- قطع الغيار .. من كلام زميل عربيتة اتخبطت ان فية قطع مالهاش حل غير الوكيل و بالفعل فية حاجات غالية جدا زي علبة الدركسيون في زميل قال ب 20 الف و هيا في الصني ب 7000 وده مع اقتناعي ان البيجو افضل من الصني بكتير
- نادر الميكانيكية اللي يشتغلوا في الفرنساوي عامة و لو حد اشتغل فيها هيبقا بيتعلم عليها .. هيجرب يعني و ده في محافظتي تحديدا (بورسعيد)
- سعر ما بعد البيع ... الكل بيقول الفرنساوي بيخسر جامد ... برغم توقعات الكثير بتغيي وجهة النظر دي مع انتشار ال 301

البديل---
سيتروين: السي اليزية اخت البيجو 301 و الهاي لاين ارخص 6 من البيجو و فرق مقاس الجنط بس تقريبا و استلام فوري
- صني شكل قديم : كويسة جدا بس قديمة و مافيهاش abs
- صني شكل جديد: مش عجباني شكلا و موضوعا
- تويوتا ياريس: الاوتوماتيك بتاعها ب 139 يعني ازيد 3 عن 301 هاي لاين و الناس بتشكر فيها اوي بس مكنتها 1300 برغم ان ملاكها مش بيشتكو من اي ضعف حتي مع التكييف
سكودا رابيد : فذئة اولى ب 135 مو 2013 و طبعا الرابيد فاضية موت و مانيوال بس سكودا برده

دايرة مفرغة
- انا معايا نوبيرا 2 و مش ماشي حالها الحمد لله ... بس عاوز اغير و مافيش حاجة خالصة في الاختيارات
انا كاتب موضوعي هنا لان البيجو اكتر واحد عجباني .... ياريت آرائكم

و الله يا أخي كلامك معقول
و في مميزات في عربيات من اللي أنت ذكرتها عن البيجو لكن و إنت بتاخد قرار الشراء بتوازن الأمور دي كلها مع بعض و تشوف الناتج في صالح الإختيار و لا لأ
مش هتلاقي عربية بالسعر ده و فيها كل حاجة (الحلو ميكملش)

لكن الجميع أجمعوا على إن ال301 هي الأفضل في الفئة السعرية دي

و أنا فإحدى المعارض فبسأل المندوب و بقوله أنا محتار بين الريو الفاضية(manual lx) أو ال301 المانيوال أو الصني ex

موظف بنك كان قاعد معاه (و أنا هشتري كاش يعني مش هتعامل مع البنك و لا بيني و بينه مصلحة) قعد يشاورلي ببقه من ورا المندوب <<<< 301,301,بيجوووووووو

إستخير ربنا و إن شاء الله يوفقك في الإختيار
لكن لو عايز عربية مفيهاش الهوا يبقى أستنى لما تدخل الجنة
لأنك حتى لو جبت مرسيدس و لا BMW هتلاقي فيهم عيوب (قطع غيارهم غالية...)

[ashrafwolf]

الكمال لله وحده
انا عن نفسي اشتريت الصاني بسبب فرق السعر بينها و بين البيجو و لان الصاني كمان بقالها سنتين فواحده واحده بيتلافو عيوب تصنيع قاتله في اول الموديلات
و اعمل حسابك ان انت بعد ماتجيب العربيه محتاج 5 الاف جنيه تانيين (ترخيص و فرش و صيانة ...الخ)

[amr_shaaban]

كلام معقول

[Hema_Basha]

يا استاذ ده انت في بورسعيد اومال احنا اللي في دمياط انا واكرم وماشاء الله دمياط بقي فيها اكتر من 10 عربيات شوفتهم
يعني باختصار متشيلش هم احنا جنبك

[saddam]

صديقي المواطن
من ما ذكر في مقارنتك أعلاه والمعيار هي كمية الفلوس المدفوعة مقابل المادة.أو الخدمة التي ستأخذها وقولا واحدا تعتبر البيجو أرخصهم نظرا لشكلها وتوكيلها وكمالياتها وإنتشارها ثم بيجو إتغيرت خلاص ورجعوا لعصورهم الذهبية في كذا عربية مش بس دي إتفرج على ال 508 بفكر أول بنك أسرقه في السنة الجديدة أنزل أجيب وحده وأضمها لمجموعتي المتواضعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mahmed0100]

صديقي المواطن
من ما ذكر في مقارنتك أعلاه والمعيار هي كمية الفلوس المدفوعة مقابل المادة.أو الخدمة التي ستأخذها وقولا واحدا تعتبر البيجو أرخصهم نظرا لشكلها وتوكيلها وكمالياتها وإنتشارها ثم بيجو إتغيرت خلاص ورجعوا لعصورهم الذهبية في كذا عربية مش بس دي إتفرج على ال 508 بفكر أول بنك أسرقه في السنة الجديدة أنزل أجيب وحده وأضمها لمجموعتي المتواضعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

انا داخل معاك شريك في موضوع البنك علشان نفسي في 3008 هاي لاين :)))

[Ahmed Amin]

انا داخل معاك شريك في موضوع البنك علشان نفسي في 3008 هاي لاين :)))

أشمعني ال ٣٠٠٨,, انت ناوي تقطع عليا ولا أيه يا عم محمد.
متغلاش عليك يا كبيررر.

[ABOMO3AZ HASBO]

صديقي المواطن
من ما ذكر في مقارنتك أعلاه والمعيار هي كمية الفلوس المدفوعة مقابل المادة.أو الخدمة التي ستأخذها وقولا واحدا تعتبر البيجو أرخصهم نظرا لشكلها وتوكيلها وكمالياتها وإنتشارها ثم بيجو إتغيرت خلاص ورجعوا لعصورهم الذهبية في كذا عربية مش بس دي إتفرج على ال 508 بفكر أول بنك أسرقه في السنة الجديدة أنزل أجيب وحده وأضمها لمجموعتي المتواضعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ابقي عرفني امتي بس علشان انا نفسي فيها انا كمان

[Batman372]

تعليقى على موضوعك :

ال ٣٠١ بقالها فقط ٥/٦ شهور ...
من الظلم لها كسياره المبالغه فى كثره التعظيم من شأنها و كل الضجه المعموله دى ...
للحكم العقلانى عليها اجمالا ... يجب الانتظار ٣/٤ سنوات ... و فى حينه كل حاجه حتبان ... سواء بالسلب او الايجاب ...

المنافس لها مباشره هى الستروين ... لكن اسم البيجو فى مصر يخلى التحيز لل ٣٠١ ... و تطليع القطط الفطسانه للستروين !!!
مع ان الستروين نسخه طبق الاصل و من نفس المصنع و ارخص و متوافره فورى .... و معظم الى جابها حتى اليوم بيشكر فيها مثل ال ٣٠١ ...

ايضا لا يصح مقارنتها بالصنى ... لان الفئه السعريه و قطع الغيار و الصيانه و امتياز التوكيل و غير ده كله وجودها من ٢٠٠٧ ... يعطيعا الافضليه و الاعتماديه .. و اكيد كل الى بيشترو الصنى الجديده حتى اليوم شايفين و عارفين ال ٣٠١ و مع ذلك بيفضلوا الصنى و لهم كل الاحترام فى اختيارهم ... و على فكره الصنى القديمه بها abs فى ال ex من ٢٠٠٩ ... و علبه الدركسيون ب ٤ الاف فقط ...

بالتوفيق ... تحياتى

[mahmed0100]

احمد امين باشا .. حنعمل حسابك البنك مليان فلوس ههههه و بعدين 3008 دي لو نزل ليها شاشه بس حتكمل احساسي باني راكب طياره مش قاعد قدام تابلو عربيه :)

اما الاستاذ عمر اللي محتار في اختيار العربيه
بص يا باشا انا سبقتك في الحيره دي
اولا انت راصد مبلغ من 110 الي 140 تشتري بيهم عربيه
فكر في احتياجاتك .. عايز ايه من العربيه

حكلمك عن البيجو .. انت واخد عربيه فعلا قبل كل حاجه ( حتحس بفرق كبير عن الدايو ) و كمان واخد صاج قوي و عوامل امان ممتازه و شكل راقي من الخارج و شيك من جوه و واسعه لاستعمال عائلي او شغل و عربيه ثابته لحد سرعه 160 من كلام ملاكها علي المنتدي و غير المنتدي
و اسمك راكب عربيه اوربي بمواصفات جوده محترمه و مكونات خامتها ممتازه و انت اكيد شفتها

قطع غيار استهلاكيه سعرها منافس و ممكن رخيص بالنسبه لغيرها اما لاقدر الله في الحوادث فاكيد اي حادثه في اي عربيه جديده مكلفه جدا و مع ذلك قطع غيار 307 و غيرها من عربيات بيجو متشابهه مع بعض قطع غيار 301 و ده سبب ساعد عمرو السقا معانا هنا في المنتدي في تخفيض تكلفه اصلاح حادثه حصلت ليه و ربنا يكفينا كلنا شر الطريق.
و لو تقدر تأمن حتريح بالك كتيير

توكيل بيجو مهما كانت سمعته بس اسال علي توكيل ستروين و تعامله مع العربيات اللي تعتبر رخيصه عنده زي ستروين اليزيه و جين 2 و غيرها ( توكيل مش كويس ) و مع محاوله اداره بيجو التحسين فاكيد حتاخد خدمه افضل .

اما الصني القديمه كانت افضل بكتير لكن الجديده دي شكلا و موضوع مش عجباني كرأي شخصي

اليارس. لطيفه بس حتدفع 139 الف في عربيه فاضيه ؟
و كمان 1300 .. اكيد بعد. 5 سنين حتتعب لو ناوي تحتفظ بيها

و ربنا يوفقك في اختيار افضل عربيه ليك

[ahmedz310]

متاااااااابع

[mohamed hussei]

هو في حد بيشتكي من عز عرب ستروين غير غلوا قطع الغيار علشان كل المشاكل الي بسمعها عن عز العرب في قسم بروتون حد يفيدنا

[islam.3bada]

هو في حد بيشتكي من عز عرب ستروين غير غلوا قطع الغيار علشان كل المشاكل الي بسمعها عن عز العرب في قسم بروتون حد يفيدنا

اللى اعرفه انه محدش اشتكى , حضرتك تقدر تتاكد من ده فى قسم ستروين
سوء ادارة قسم بروتون مأثر على سمعة التوكيل عموما و ده عامل خلط عن بعض الناس

ليا تجربة مع العز العرب فى سيارة احد اصدقائى الـ c4 بيتعامل مع التوكيل فى الصيانات الدورية العادية و شايف ان التعامل هادى كويس لا هو ممتاز ولا هو سئ اللى بيحتاجه بيلاقيه .