تحذير لاصحاب 301 من التوكيل بخصوص مثبت السرعة

[M.Emam]

النهارده كنت فى التوكيل فرع صلاح سالم قولتلهم عايز اركب كروز كنترول المهندس اللى فى ورشة الصيانة قاللى مبيتركبش -مع إن انا سألتهم قبل كده وقالولى بيتركب- المهم قاللى اللى بيركب محدد سرعة(سبيد ليميتر) بس مش مثبت سرعة(كروز كنترول) وده من وجهة نظرى بصراحة ملهوش لازمة لوحدة فياريت السادة الاعضاء ياخدوا بالهم من النقطة ده
ولو فى حد ركبه وجربه يقولنا هل فعلا محدد بس ولا مثبت كمان؟

[محمد بدر]

والله ولا المثبت ليه لزمة

[maxx]

دور فى المواضيع على منتدى بيجو هتلاقي في حد كان بيتكلم عن انه ركب ال Cruise control\Speed limiter فى عربيته 301 ... و حتى كان تعليقه ان استهلاك البنزين فيه اعلي شوية

[ABOMO3AZ HASBO]

النهارده كنت فى التوكيل فرع صلاح سالم قولتلهم عايز اركب كروز كنترول المهندس اللى فى ورشة الصيانة قاللى مبيتركبش -مع إن انا سألتهم قبل كده وقالولى بيتركب- المهم قاللى اللى بيركب محدد سرعة(سبيد ليميتر) بس مش مثبت سرعة(كروز كنترول) وده من وجهة نظرى بصراحة ملهوش لازمة لوحدة فياريت السادة الاعضاء ياخدوا بالهم من النقطة ده
ولو فى حد ركبه وجربه يقولنا هل فعلا محدد بس ولا مثبت كمان؟

انت استامت امتي

[amrelsaqqa]

انا بمشى في الزحمة ما بقدرش اثبت سرعتى على 5 واسيب العربية سلانسية

مثبت ايه بقولك :D

[damasry]

بيتركب عادى وانا ركبته فى فرع صلاح سالم، كون ان مهندس قالك كده يبقى هو مش مهندس اصلا :)

[Mohamed Bander]

والله هو حلو فى المسافات الطويله 400 كيلو مثلا ،، انا بشوف مثلا الاستهلاك المثالى للبنزين مع السرعه اللى عايزها و بثبت السرعه و بسيب البنزين ،، بيبقى لذيذ و مريح و خصوصا على الطرق اللى لسه نضيفه بتاعت الجيش
نن هو هيبقى استهلاك البنزين عالى لو الطريق فيه مطالع كتير لانه بيثبت السرعه مع المطالع فبيحرق بنزين اكتر

[abohend]

مش مهم

مثبت ده للي بيسافر كتير
و مش أي سفر ...يعني الطريق الزراعي ده ميعتبرش سفر ده يعتبر داخل المدينة

حتى بالنسبة للي بيسافر مش حاجة مهمة و متستهلش (هو توفير البنزين هيكون قد ايه و هتفرق فكام جنيه؟؟)
5 جنيه كل تفويلة مثلا
يعني عقبال متسترد تمن المثبت عايزلك أكتر من 150 تفويلة
دول هيتعملوا فكام سنة إن شاء الله

الحالة الوحيد اللي هركب فيها المثبت لو العربية شغالة ليموزين و بسافر بيها باستمرار و الموضوع دخل في مجال التجارة (الجنيه يفرق)

[M.Emam]

انت استامت امتي

يوم الجمعة

[M.Emam]

بيتركب عادى وانا ركبته فى فرع صلاح سالم، كون ان مهندس قالك كده يبقى هو مش مهندس اصلا :)

Cruise control + speed limiter?

[M.Emam]

والله ولا المثبت ليه لزمة

مثبت ده للي بيسافر كتير
و مش أي سفر ...يعني الطريق الزراعي ده ميعتبرش سفر ده يعتبر داخل المدينة

حتى بالنسبة للي بيسافر مش حاجة مهمة و متستهلش (هو توفير البنزين هيكون قد ايه و هتفرق فكام جنيه؟؟)
5 جنيه كل تفويلة مثلا
يعني عقبال متسترد تمن المثبت عايزلك أكتر من 150 تفويلة
دول هيتعملوا فكام سنة إن شاء الله

الحالة الوحيد اللي هركب فيها المثبت لو العربية شغالة ليموزين و بسافر بيها باستمرار و الموضوع دخل في مجال التجارة (الجنيه يفرق)

هيا بس وجهات نظر مش اكتر وطريقة استخدام العربية بردو

[ABOMO3AZ HASBO]

يوم الجمعة

الف مبروك وعليك بالرقيه الشرعيه

[damasry]

Cruise control + speed limiter?

yes

[fady saher]

يا بيه الف مبروك على الاستلام ممكن تقولنا كنت حاجز امتى و فرع ايه