العربية المحسودة رقم فى مصر بيجو 301

[wel781]

السلام عليكم

يا جماعه بجد بجد بجد كله يفضل مشغل قرآن فى عربيتة أو ترتيل أو أى حاجه تمنع عنه الحسد

الناس اللى تعرفهم بيحسدوا بدون قصد

واللى ماشيين فى الشارع بيحسدوا بقصد

وانت نفسك بتحسد عربيتك.

أخونا أكرم كان عامل موضوع رائع أكيد هايمنع عنك بلاوى

http://www.nilemotors.net/Nile/384898-a.html

اللى خلانى أكتب الموضوع ده إنى لسه مرخص من يومين بس يومين بس يومين بس

والحمدلله العربية إتحكت فى الرفرف
و أنا راسى أتخبطت فى الشنطة وورمت
و مراتى نظارتها أتكسرت لوحدها بدون سبب.

انا متاكد إن ربنا شال من عليا بلاوى تانية كتير وربنا يستر وفدانى بالحاجات البسيطة ديه

ربنا يبارك لكل اللى معاه البيجو أو غير البيجو ويكفية شرها

[nonalaziza]

بص أولا والله ما قصدي اضحك علي حضرتك بس ينفع إعلان جامد جدا للبيجو
نازله و العين عليها. او نازله بعينها. ينفع شعار حمله إعلانية
ﻻ حول ولا قوة الا بالله، آمال الناس اللي اصلا نجمها خفيف يعملوا ايييييييه؟؟؟؟؟
بص قدر الله و ما شاء فعل. حاول تدبح للعربيه اي فدو و شغل الرقية الشرعية علي طوووووووووول. و أما بنعمة ربك فحدث.
ربنا يكفيك شر العين.

[wel781]

بص أولا والله ما قصدي اضحك علي حضرتك بس ينفع إعلان جامد جدا للبيجو
نازله و العين عليها. او نازله بعينها. ينفع شعار حمله إعلانية
ﻻ حول ولا قوة الا بالله، آمال الناس اللي اصلا نجمها خفيف يعملوا ايييييييه؟؟؟؟؟
بص قدر الله و ما شاء فعل. حاول تدبح للعربيه اي فدو و شغل الرقية الشرعية علي طوووووووووول. و أما بنعمة ربك فحدث.
ربنا يكفيك شر العين.

ماتقلقيش يا فندم انا أصلا كاتب الموضوع علشان افك شوية وماضيقش نفسى

بس فعلا تنفع حملة أعلانية :d

الحمدلله على كل شىء

أنت أيه الاخبار عندك فى جديد ؟

[nonalaziza]

ماتقلقيش يا فندم انا أصلا كاتب الموضوع علشان افك شوية وماضيقش نفسى

بس فعلا تنفع حملة أعلانية :d

الحمدلله على كل شىء

أنت أيه الاخبار عندك فى جديد ؟

لو حضرتك تقصد ع الحجز بتاع العربية انا لسه مستلمتش و عندي امل الحق واحدة في الدفعة الجديدة.
اما لو حضرتك تقصد للظروف اللي حصلت ياريت تدعيلي انه ينور بصيرتي لأنها مش ظروف مادية هو اختيار هختاره واحد هيخليني استمر ع الحجز و التاني هيخليني الغي الحجز للأسف.
و مرة تانية ربنا يكفيك شر العين يااااااااااااااارب

[AhmedBoshnak]

ربنا يباركللك فى عربيتك ياباشا بس سؤال ايه رايك فى العربية والهاى لين فيها عامل كام وشكرا تانى مره....وهل الثبات بعد 140 كويس ولو كويس ياخد كام فى الميه

[J A G U A R]

ربنا يكفيك ويكفينا جميعا شر العين .. وبسيطه الحمد لله

[wel781]

ربنا يباركللك فى عربيتك ياباشا بس سؤال ايه رايك فى العربية والهاى لين فيها عامل كام وشكرا تانى مره....وهل الثبات بعد 140 كويس ولو كويس ياخد كام فى الميه

الله يخليك


بص يا احمد العربية ماشاء الله جميلة

والهاى لاين فارق جدا عاكل 135,950 سعر التوكيل والانتظار 3 شهور

الثبات معرفش لانى لسه معدتش الـ 100 بس العربية تقيلة على الارض الحمدلله ماتقلقش

[wel781]

ربنا يكفيك ويكفينا جميعا شر العين .. وبسيطه الحمد لله

امين يا رب

أيوه الحمدلله

[mahmed0100]

الحمد لله انها جت في حكه يا wel
ربنا يستر و تكون اخر حاجه وحشه تحصلها و ربنا يبارك ليك فيها
هي فعلا نازله محسوده من اسبانيا :))

[wel781]

الحمد لله انها جت في حكه يا wel
ربنا يستر و تكون اخر حاجه وحشه تحصلها و ربنا يبارك ليك فيها
هي فعلا نازله محسوده من اسبانيا :))

الحمدلله.. أمين يا رب

المشكلة أنهم ماقرروش عليها وهى خارجة من المصنع

وديه ميزة العربيات اللى بتتقفل هنا فى مصر بيتقرا عليها فى المصنع

[BUNSH]

لا حول ولا قوة الا بالله العلى العظيم .. وقدر الله ماشاء فعل وربنا يسترهـــا معانا جميعـــــا .

[wel781]

لا حول ولا قوة الا بالله العلى العظيم .. وقدر الله ماشاء فعل وربنا يسترهـــا معانا جميعـــــا .

الحمدلله على كل شىء

[mahmed0100]

الحمدلله.. أمين يا رب

المشكلة أنهم ماقرروش عليها وهى خارجة من المصنع

وديه ميزة العربيات اللى بتتقفل هنا فى مصر بيتقرا عليها فى المصنع

بسيطه احنا نبعت توصيه لبيجو فرنسا بملف mp3 فيه الرقيه الشرعيه يشغلوها في المصنع و اي عربيه تخرج من غير. تشغيل الملف ده حواليها و جواها تبقي غير مطابقه لمواصفات الجوده و نرفض استلامها في مصر هههههههه

[wel781]

بسيطه احنا نبعت توصيه لبيجو فرنسا بملف mp3 فيه الرقيه الشرعيه يشغلوها في المصنع و اي عربيه تخرج من غير. تشغيل الملف ده حواليها و جواها تبقي غير مطابقه لمواصفات الجوده و نرفض استلامها في مصر هههههههه

هههههههههههههههههه

يا سلاااااااام من أحلى الافكار

إحنا خلاص قربنا للعالمية

[Ahmed Amin]

ياريس الحمدلله أنها جات علي قد كدا,, ومهياش خبطة كبيرة زي اللي حصلت للزملاء هنا,
وألف سلامة عليك وعلي المدام من الحاجات اللي حصلت معاكم,
وربنا يستر طريقكم ويكفيكم شر العين,,