التيل والطنابير في ال 308 - هو ده طبيعي ولا في حاجه غلط ؟؟

[bgy]

بسم الله الرحمن الرحيم

انا معايا 308 هاتشباك 2012 عاملة 50 الف

تقريبا بغير التيل بمعدل كل 10000 كيلو معادا او مره خالص كانت في صيانة العشرين

ومن بعدها كل صيانة الاقي التيل متاكل ومحتاج يتغير

والطنابير اتغيرت مرتين في خلال ال 50 دول

انا عارف انها ملهاش معدل وكل واحد وحسب سواقته والطرق اللي بيمشي فيها

بس برده معتقدش ان المعدل ده طبيعي ؟

فياريت اللي عنده معلومة في الموضوع ده او معاه العربية يقولي

بيغير تيل وطنابير كل اد ايه ؟؟

[Mohab.Nabil]

لا كده كتير اوى طبعا

يعنى التيل ممكن نقول ان سواقتك عنيفة شويتين

بس طنابير مرتين فى 50 الف ؟؟ لا طبعا كتير

لازم تتكلم مع المهندسين فى التوكيل على الموضوع ده

[kareeem]

انا اول تيل اللى هو الفابريكة بتاعتها مغيرو علي 26 الف و ركبت فاليو اسباني اقرب حاجة للبوش اللي كان راكب فيها و دلوقتي داخل علي ال 35 الف يعني 9 الاف و تمام مفيش مشاكل

[بيشوى_رمزى]

لا المعدل ده كتير طيب هل سواقة حضرتك عنيفة شوية ؟
الطنابير اللى فيها اساسا كانت اية و اللى ركبوها بعد كده ايه؟

[bgy]

لا كده كتير اوى طبعا

يعنى التيل ممكن نقول ان سواقتك عنيفة شويتين

بس طنابير مرتين فى 50 الف ؟؟ لا طبعا كتير

لازم تتكلم مع المهندسين فى التوكيل على الموضوع ده

معظم ال 10000 دول بيبقوا سفر وطرق مفتوحة

الطنابير لما كانت في الضمان روحتلهم وقلتهم ان في غربلة في الدركسيون علي السرعات العالية

وان هي دي المشكلة اللي بسببها الطنابير اتغيرت اول مره راح فكها وشافها وقالي مش محتاجة

تتغير رغم انها عاملة شفة والغربلة دي بيبقي معروف ان سببها الطنابير

واول لما 20 الف بتاع ضمان الطنابير عدوا روحت عملت صيانة الخمسين من قريب

لقيتوا بيقولي ان الطنابير محتاجة تتغير وكتبهالي ملحوظة في الفاتورة هي والتيل

رغم اني كنت لسه كنت عندهم مكملتش 3000 كيلو

انا اول تيل اللى هو الفابريكة بتاعتها مغيرو علي 26 الف و ركبت فاليو اسباني اقرب حاجة للبوش اللي كان راكب فيها و دلوقتي داخل علي ال 35 الف يعني 9 الاف و تمام مفيش مشاكل

طب سعره كام الفاليو وجبته وهل انت غيرت عشان فرق السعر ولا عشان الفاليو احسن

لان لو هجيب تيل ارخص وقريب من نفس الجودة يبقي احسن لان حرام اغير تيل ب 700

جنيه وميكملش ال 10000 وياريت كمان لو تعرف نوع طنابير وتبقي جودته برده قريبه

من الاصلي بتاعها

لا المعدل ده كتير طيب هل سواقة حضرتك عنيفة شوية ؟
الطنابير اللى فيها اساسا كانت اية و اللى ركبوها بعد كده ايه؟

والله انا سواقتي مش عنيفة ولا حاجه بس برده مش هادية اوي وزي ماوضحت ان عشان ظروف

الشغل معظم مشاوير العربية طرق مفتوحة

وبالنسبة للطنابير انا مش عارف نوعها صراحة والتانية اللي ركبت مفروض انها الاصلية

بتاعة العربية لاني ركبتها في التوكيل

-----

في صيانة الخمسين من كام يوم انا كنت فاقد الامل صراحة اني اطلع بمعلومة مفيدة من المهندسين هناك في الموضوع ده لان كل مرة مش بسمع منهم غير ان العربية اوتوماتيك وده الطبيعي والكلام ده , بس في مهندس في صلاح سالم قالي اروحلهم غمرة لان ممكن يكون في مشكلة في ماستر
الفرامل انه لما بيقفل واجي اشيل رجلي من علي الفرامل مش بيرد في ساعتها وبيفضل ملمس !
فهل ده ممكن يكون بيحصل فعلا ؟؟

[bgy]

كنت عايز اعرف لو المشكلة طلعت في الماستر هل المفروض يغيروا التيل والطنابير

علي الضمان لان اللي سبب المشكلة حاجه مفروض انها عيب صناعة او مشكلة يكفلها الضمان

لان حرام الصراحة ادفع حوالي 1700 جنيه عشان هم مشافوش شغلهم كويس !

[kareeem]

يا معلم انا الفاليو لما جبتو مكنتش لاقى غيرة و كل الناس قالولي الفاليو زي البوش اللى كان فيها مش هايفرق كتير و سعرها 375 .. و الطنابير مش عارف نوعها بس هي الفبريكا اللي راكبة فيها

[bgy]

يا معلم انا الفاليو لما جبتو مكنتش لاقى غيرة و كل الناس قالولي الفاليو زي البوش اللى كان فيها مش هايفرق كتير و سعرها 375 .. و الطنابير مش عارف نوعها بس هي الفبريكا اللي راكبة فيها

الف شكر ياكريم وانا ان شاء الله لو مرضيوش يغيروا التيل والطنابير علي الضمان

هجبهم من بره

[MuhamedNabil]

انا مركب نوع اسبانى اسمه Remsa لحد دلوقتى كويس مش بيصفر و بيمسك فرامل كويس حتى لو على سرعة مش بحس ان السخونية اثرت فيه.
كنت جايبه اخر مرة ب 180 حتلقيه عند غزال او نافع فى شارع دمشق.

من الواضح ان الشركة متخصصة فى الفرامل بس طنابير و تيل و لقيتهم كاتبين ان منتجتهم مصممة انها تستحمل الحرارة و فعلا انا لحظت و كنت كاتب كده قبل معمل تعديل للمشاركة عشان احط اللينك بتاع الشركة

http://www.remsa.com/products/brake-pads/

[bgy]

انا مركب نوع اسبانى اسمه remsa لحد دلوقتى كويس مش بيصفر و بيمسك فرامل كويس حتى لو على سرعة مش بحس ان السخونية اثرت فيه.
كنت جايبه اخر مرة ب 180 حتلقيه عند غزال او نافع فى شارع دمشق.

من الواضح ان الشركة متخصصة فى الفرامل بس طنابير و تيل و لقيتهم كاتبين ان منتجتهم مصممة انها تستحمل الحرارة و فعلا انا لحظت و كنت كاتب كده قبل معمل تعديل للمشاركة عشان احط اللينك بتاع الشركة

Brake Pads | Remsa

انا فعلا سألت كتير في ناس بتقول الريمسا احسن وناس بتقول الفاليو احسن رغم ان

فيه فرق سعر لصالح الريمسا

طب تعرف البوش بتاع العربية الاصلي ممكن يكون بيتباع بره ولا لأ ؟؟

[MuhamedNabil]

A-part

ده توكيل بوش ممكن تكلمهم تسأل.

[bgy]

a-part

ده توكيل بوش ممكن تكلمهم تسأل.

الف شكر يامحمد ان شاء الله هكملهم واسألهم