سؤال صعب ومحير "هو صحيح السيارت الفرنسية والبيجو تحديدا غير اعتمادية؟"

[Mohamed_Ayman]

الأخوة الأعزاء :

أنا حجزت بيجو 301 مانيوال لأن بعد بحث وجدتها الأفضل فى الفئة السعرية.

ولكن يبقى هذا الهاجس اللى الناس ديما تتكلم عنه وهو هاجس القلق من السيارت الفرنسية وتحديدا بيجو. بيقولوا اعطلها كثيرة ونقطة الأعطال دى مهمة جدا بالنسبالى ،
بصراحة لأنى مش من النوع الحريص على السيارة ويدوب بغير زيت بالعافية ومش بحب اتفاجئ بأعطال يعنى الحاجات الدورية بس مش بحب السيارة تتعطل.

العربية اللى معايا (أكسينت الشكل القديم) حمار شغل ومش بتشتكى ، بس هى مش مريحة فى السفر وقدمت حبتين علشان كدا أنا هغير لبيجو 301 إن شاء الله بس موضوع الأعطال ده مجننى.

على فكرة انا دخلت على مواقع ف السعودية والجزائر وكانوا بيقولوا نفس الكلام عن بيجو "غير اعتمادية"

ايه رأيكم عن تجربة يا جماعة؟

[Ahmed.Essam]

المحافظة على العربية مش حاجة صعبة
بالعكس هتحسسك بقيمة العربية وهتحببك فيها

وبالنسبة للعربية البيجو 301 انا شايف انها ما شاء الله عربية جميلة جدا جدا وبدأت تنتشر
وكل واحد بيفكر يشتري زيرو اليومين دول بيدخل في حساباته العربية دي
وصحيح انا مركبتش العربية ولا جربتها بس كل اللي جابوها هنا في المنتدى بيشكروا فيها اوي ومبسوطين بيها
واكيد عربية فرنساوي وتقفيل اسباني مش هتكون وحشة بالعكس الواحد المفروض بيشتري العربية دي وهو مطمن

ان شاء الله ملاك الـ 301 يفيدوك اكتر ان شاء الله ويطمنوك :)

[OSAMAMERA]

السلام عليكم ورحمة الله وبركاته
هكلم حضرتك عن تجربتي الشخصية هنا
الفرنسي بصفه عامه بتبع المواصفات الاوربيه في التصنيع
والمصنع بيتبع اعلي درجات الأمان نمره واحد
ونمره اثنين الجوده بكل مشتملتها
في كل حاجه من اول الموتور الي سماعات العربية
اهم حاجه حافظ علي مواعيد الصيانة باستمرار
وربنا يكفيك شرها ويرزقك خيرها


علي فكره انا حاجز مانوال
ومستني ٣١/١٢

[OSAMAMERA]

الأخوة الأعزاء :

أنا حجزت بيجو 301 مانيوال لأن بعد بحث وجدتها الأفضل فى الفئة السعرية.

ولكن يبقى هذا الهاجس اللى الناس ديما تتكلم عنه وهو هاجس القلق من السيارت الفرنسية وتحديدا بيجو. بيقولوا اعطلها كثيرة ونقطة الأعطال دى مهمة جدا بالنسبالى ،
بصراحة لأنى مش من النوع الحريص على السيارة ويدوب بغير زيت بالعافية ومش بحب اتفاجئ بأعطال يعنى الحاجات الدورية بس مش بحب السيارة تتعطل.

العربية اللى معايا (أكسينت الشكل القديم) حمار شغل ومش بتشتكى ، بس هى مش مريحة فى السفر وقدمت حبتين علشان كدا أنا هغير لبيجو 301 إن شاء الله بس موضوع الأعطال ده مجننى.

على فكرة انا دخلت على مواقع ف السعودية والجزائر وكانوا بيقولوا نفس الكلام عن بيجو "غير اعتمادية"

ايه رأيكم عن تجربة يا جماعة؟

http://www.nilemotors.net/Nile/397034-a.html

[medosalah]

بس نصيحه اخويه خليك في الوتوماتيك علشان تحس فعلا بالفرق وتحس انك راكب عربيه حديثه,,, وكمان عند البيع في ما بعد الاوتو مطلوب اكثر

[Hema_Basha]

هو انت من دمياط ولا القاهرة

[ahmedz310]

اعتقد عربية فرنساوي تقفيل اسباني هتبقي اعتمادية اكيد وان كنت شايف ان العربية بما انها جديدة في السوق فالاعتمادية تبان اكتر كمان 3 ، 4 سنين يكون السوق هرسها

[assaf]

ياعم شوف البيجو 504 و انت تعرف الاعتماديه

[J A G U A R]

البيجو هاتبقى من اكتر العربيات اعتماديه والايام هاتثبت الكلام ده

[mohamed hussei]

مشكلة عدم توافر توكيل في مناطق كتيرة يعني واحد خايف يجيبها ويجي يسافر مرسي مطروح العربية تعطل هناك او يروح شرم تعطل هناك كدة يبئا لبس ونش 500 كيلو او اكتر للقاهرة شوف هياخد كام

[م أحمد]

الخطوط الطوالى فى السفر (مطروح - العريش - الصعيد) تقريبا عليهم ثلاث ماركات فقط

( مرسيدس - بيجو )ليموزين موديلات قديمة
( تويوتا ) فان موديلات جديدة

لو عربيا مهكعة ما تسدش فى المهن دى

[smsm2004w]

اتوكل على الله معتقدش ان الأعتمادية بتاعة بيجو 301 هتكون اقل من الأكسينت

[Mohamed_Ayman]

بس نصيحه اخويه خليك في الوتوماتيك علشان تحس فعلا بالفرق وتحس انك راكب عربيه حديثه,,, وكمان عند البيع في ما بعد الاوتو مطلوب اكثر

ألف شكر على النصيحة ، هو بس 26 ألف فرق كتيير ، ربنا المستعان

[Mohamed_Ayman]

هو انت من دمياط ولا القاهرة

أنا من دمياط ، بس حاليا ساكن ف القاهرة علشان الشغل

[Mohamed_Ayman]

مشكلة عدم توافر توكيل في مناطق كتيرة يعني واحد خايف يجيبها ويجي يسافر مرسي مطروح العربية تعطل هناك او يروح شرم تعطل هناك كدة يبئا لبس ونش 500 كيلو او اكتر للقاهرة شوف هياخد كام

بالظبط علشان كدا موضوع الاعتمادية مهم جدا ان تكون معاك عربية قليلة الأعطال.