Tweet
تجربتى مع 301 والصحراوى والتوكيل
السادة أعضاء نايل موتورز-قسم بيجو خاصة(أصحاب 301بالذات)-السلام عليكم ورحمة الله وبركاته
بعد استفادتى الكبيرة من الأعضاء هنا قبل استلام العربية حبيت انقل تجربتى بعد استلامها يمكن تفيد عضو جديد ولا حاجة لأن كل اللى هنا ماشاء الله دكاترة الواحد جنبهم تلميذ؛ فده أول تقرير مفصل وأرجو عدم الملل من الإطالة لأنها بهدف التوضيح
انا استلمت عربيتى هاى لاين واستلمت معاها طقم حلية مسامير وايريال وحافظة فيها كتالوج عربى وانجليزى وكتاب الضمان والصيانه وكان فى مهندس شرحلى شوية حاجات لأ ده أول مرة اشترى اوتوماتيكفكان قالقنى موضوع التغيير من D ل M وشرحلى تشغيل الكاسيت وعرفت ساعتها إنى ممكن ألغى الباركينج سينسور لو عايز.
خرجت من عندهم وكان أقل حفرة أو مطب أو زلطة كانت بترن فدماغى عديت على بريدجستون صلاح سالم فضالى،الهوا ومليتها نيتروجين وظبطها على 32 ولقيت فرق رهيب فى العفشة ونعومة العربية.
وأغلب مشاويرى كانت جوا البلد والمسافات مش كبيرة فمقدرتش احكم على الثبات والسحب لحد ماسافرت اسكندرية من يومين وفاجئتنى العربية والعداد بيقولى انت ماشى 110 وانا مش حاسس، العربية فعلا فاجرة بتسحب لوحدها ومنتهى الثبات وبعد ماكنت عامل حساب إنها عربية جديدة والRPM مبيعديش 2.5 أو 3 بالعافية قولتلها انت اللى جبتيه لنفسك وهاتك يا غرز وفين يوجعك طلعت عالصحراوى بعد كام غرزة أثبتت فيهم مرونة وثبات ممتازين وسرعة استجابة لدوسة البنزين والكيك داون فعلا تسعفك وفتحت على 170 وكنت عايز اجرب الفلاشر مع الفرامل والABSلأن كان معايا رينو كليو ومكنش فيها ولقيت الفرامل ممتازة على أى سرعة ماشى بيها ورجعت تانى يوم بجرب السرعات والفرامل طول الطريق والحمد لله كانوا زى الفل.
يوم الحد19 / 1 روحت التوكيل فرع صلاح سالم اركب مثبت سرعة (cruise control) بعد ماتأكدت إنه بيتركبلها عادى مش زى ما أفتانى واحد من التوكيل إن اللى بيركب محدد سرعة بس(speed limiter) والبركة فى الأعضاء اللى هنا اللى عرفونى كده، قابلنى إنسان قمة فى الذوق والاحترام (مهندس/مصطفى) خد العربية وقاللى اتفضل فى الاستراحة وكنت كل شوية ابص عليها لأنى مبهداش طول ما حد شغال فيها،ودخلت لمسئول قطع الغيار وشوفت الدواسات الموكيت290 جنيه والجلد(وهمية)390 جنيه وسألته على الدلايات قاللى هيشحنها من بره وهتعمل 580 جنييييييييييه، واحنا فى الاستراحة جه واحد-هنعرفه بعدين-وزع علينا ورق استطلاع رأى عن بيجو وانا بصراحة متوصتش وكتبتلة عن المفتى اللى عندهم واستلمت العربية والمهندس/مصطفى قاللى طريقة تشغيلة مع إنى عارفها بس من ذوقه فى التعامل حبيت اسمعها منه والتكلفة كانت 655 جنيه، الغريب إنى قبل تركيب المثبت نتشة الفتيس كانت بسيطة جدا مبتتحسش خالص بس بعد التركيب بقت واضحة جدا حتى لو مش مشغله!!!!
الجميل والمهم بقى إنى بعد مامشيت بعشر دقايق لقيت رقم بيكلمنى طلع استاذ/يحيى مسئول الجودة فى الفرع وهو ده اللى وزع علينا ورقة الاستطلاع واعتزرلى كتير جدا عن الموقف ده وكان مصمم اقوله مين الشخص ده بس قولتله مش مهم مين المهم متحصلش تانى مع حد لأن انتوا المفروض مصدر معلوماتنا وقاللى ياريت حضرتك تاخد رقمى ولو فى أى مشكلة كلمنى واحنا اهم حاجه رضا وراحة العميل.
انا كده خلصت وبشكر كل واحد ضيع يوم أجازته فى قراية الرغى ده كله وأعتقد إن المنتدى هيوقف عضويتى بعد الموضوع ده.
بعد استفادتى الكبيرة من الأعضاء هنا قبل استلام العربية حبيت انقل تجربتى بعد استلامها يمكن تفيد عضو جديد ولا حاجة لأن كل اللى هنا ماشاء الله دكاترة الواحد جنبهم تلميذ؛ فده أول تقرير مفصل وأرجو عدم الملل من الإطالة لأنها بهدف التوضيح
انا استلمت عربيتى هاى لاين واستلمت معاها طقم حلية مسامير وايريال وحافظة فيها كتالوج عربى وانجليزى وكتاب الضمان والصيانه وكان فى مهندس شرحلى شوية حاجات لأ ده أول مرة اشترى اوتوماتيكفكان قالقنى موضوع التغيير من D ل M وشرحلى تشغيل الكاسيت وعرفت ساعتها إنى ممكن ألغى الباركينج سينسور لو عايز.
خرجت من عندهم وكان أقل حفرة أو مطب أو زلطة كانت بترن فدماغى عديت على بريدجستون صلاح سالم فضالى،الهوا ومليتها نيتروجين وظبطها على 32 ولقيت فرق رهيب فى العفشة ونعومة العربية.
وأغلب مشاويرى كانت جوا البلد والمسافات مش كبيرة فمقدرتش احكم على الثبات والسحب لحد ماسافرت اسكندرية من يومين وفاجئتنى العربية والعداد بيقولى انت ماشى 110 وانا مش حاسس، العربية فعلا فاجرة بتسحب لوحدها ومنتهى الثبات وبعد ماكنت عامل حساب إنها عربية جديدة والRPM مبيعديش 2.5 أو 3 بالعافية قولتلها انت اللى جبتيه لنفسك وهاتك يا غرز وفين يوجعك طلعت عالصحراوى بعد كام غرزة أثبتت فيهم مرونة وثبات ممتازين وسرعة استجابة لدوسة البنزين والكيك داون فعلا تسعفك وفتحت على 170 وكنت عايز اجرب الفلاشر مع الفرامل والABSلأن كان معايا رينو كليو ومكنش فيها ولقيت الفرامل ممتازة على أى سرعة ماشى بيها ورجعت تانى يوم بجرب السرعات والفرامل طول الطريق والحمد لله كانوا زى الفل.
يوم الحد19 / 1 روحت التوكيل فرع صلاح سالم اركب مثبت سرعة (cruise control) بعد ماتأكدت إنه بيتركبلها عادى مش زى ما أفتانى واحد من التوكيل إن اللى بيركب محدد سرعة بس(speed limiter) والبركة فى الأعضاء اللى هنا اللى عرفونى كده، قابلنى إنسان قمة فى الذوق والاحترام (مهندس/مصطفى) خد العربية وقاللى اتفضل فى الاستراحة وكنت كل شوية ابص عليها لأنى مبهداش طول ما حد شغال فيها،ودخلت لمسئول قطع الغيار وشوفت الدواسات الموكيت290 جنيه والجلد(وهمية)390 جنيه وسألته على الدلايات قاللى هيشحنها من بره وهتعمل 580 جنييييييييييه، واحنا فى الاستراحة جه واحد-هنعرفه بعدين-وزع علينا ورق استطلاع رأى عن بيجو وانا بصراحة متوصتش وكتبتلة عن المفتى اللى عندهم واستلمت العربية والمهندس/مصطفى قاللى طريقة تشغيلة مع إنى عارفها بس من ذوقه فى التعامل حبيت اسمعها منه والتكلفة كانت 655 جنيه، الغريب إنى قبل تركيب المثبت نتشة الفتيس كانت بسيطة جدا مبتتحسش خالص بس بعد التركيب بقت واضحة جدا حتى لو مش مشغله!!!!
الجميل والمهم بقى إنى بعد مامشيت بعشر دقايق لقيت رقم بيكلمنى طلع استاذ/يحيى مسئول الجودة فى الفرع وهو ده اللى وزع علينا ورقة الاستطلاع واعتزرلى كتير جدا عن الموقف ده وكان مصمم اقوله مين الشخص ده بس قولتله مش مهم مين المهم متحصلش تانى مع حد لأن انتوا المفروض مصدر معلوماتنا وقاللى ياريت حضرتك تاخد رقمى ولو فى أى مشكلة كلمنى واحنا اهم حاجه رضا وراحة العميل.
انا كده خلصت وبشكر كل واحد ضيع يوم أجازته فى قراية الرغى ده كله وأعتقد إن المنتدى هيوقف عضويتى بعد الموضوع ده.
Comment