مشكلة تكييف بيجو 301

[abohend]

ضغط شغل!!!!!!!!!!!!

الف مبروك التصليح
ومتاخدش ببالك يمكن ضغط شغل عندهم

ضغط شغل يخليه يقول للعميل أنت مشغل التكييف فالبرد ليه؟؟؟؟
ده كلام برضه
ده راجل مش عايز يشتغل...و مش بس كده ده كمان فاشل في شغله (اللي هو إستقبال العميل)
و الصح صاحب الموضوع كان يقدم فيه شكوى حتى لو مفيش إستبيان
وجود إستبيان كان فرصة محترمة عشان يقرص ودانه

والد زوجتي حصلت له مشكله فبنك قبل كده و ضيعوله شيك بحوالي 60 ألف
عملهم مشكلة و بعد معرفوا الموظفة المسئولة مسكتش غير لما جابلاها إنذار بالفصل
ده اللي المفروض أي واحد فينا يعملوه
لكن اللي مضيعنا
1- معلش
2-مخدتش بالي
3-مكانش قصدي

[goldfinger2]

اؤيدك بشده
الصراحه موقف التقييم بتاع جولد اتعرضت ليه قبل كده و قيمت ولكن بدون ذكر شكاوي
و لكن بعد تفكير لاقيت انى غلطت و نويت ان شاء الله بعد كده اي حاجه مهما كانت صغيره مش هفوتها و هبلغ عنها

وده فعلا اللى انا نويت عليه يااكرم ، لانى كل دة واخد فكرة كويسة عن التوكيل وقلت استحالة يكون الراجل نيته مش كويسة او بيتكلم بجد ، بس فعلا انا ندمت
وعلى فكرة انا حاسس من ساعة ما مشيت من التوكيل ان العربية مش مظبطة معايا واستهالك البنزين زاد والسحب مش تمام، مش عارف بقى دى حالة نفسية ولا حقيقة ،
والله انا قرفت ، مالها الانوس ،ماكانت حلوة
dayafmalse

[goldfinger2]

حمدالله علي السلامه و كويس انها اتصلحت مجانا .. بس سألت لو كان علي حسابك حيكون التكلفه كام ؟

اما مهندس الاستقبال بكل بساطه تقوله اه انا بشغل التكيف علشان بحب الجو البارد :) > و كل واحد و نيته بقا > مع إبتسامه سخيفه و تفضل انت سعيد و مبسوط :))
و ربنا يجعله اخر عطل ان شاء الله

انا سالت موظف قطع الغيار عن تمن السربنتينة دى قاللى بالفين وكسر مش متذكر اوى يعنى بالمصنعية بقى ممكن تعمللها 3333 بلبل ، ربنا مايوريكو ،
العربية مضايقانى مش عارف ليه!!!!!

[abohend]

انا سالت موظف قطع الغيار عن تمن السربنتينة دى قاللى بالفين وكسر مش متذكر اوى يعنى بالمصنعية بقى ممكن تعمللها 3333 بلبل ، ربنا مايوريكو ،
العربية مضايقانى مش عارف ليه!!!!!

ليه بس
إن شاء الله حاجة بسيطة متقلقش نفسك
استمتع بعربيتك و متخليش حاجة تضايقك
و اللي ميتظبطش دلوقت يتعمل فال10000
ربنا يباركلك فيها و يرزقك أحسن منها كمان

[goldfinger2]

صحيح نسيت اقولكوا حاجة اغرب ،
فى دبانة دخلت الفانوس الشمال !!!! مش عارف ازاى !! وريتهالهم فى التوكيل عملوا نفسهم هنود وقعدوا يلفوا حوالين الفانوس ويسالوا بعض هى دخلت ازاى ، انا قلتلهم كدة الفانوس فيه فراغ فى مكان ما ممكن يدخللى ميه او تراب وبعد كدة الفانوس يبوظ ،! قالولى لا استحالة يكون مفتوح ،وبلا بلا بلا ، قلت ماشى انا عايز اعرف دخلت ازاى عشان كدة فى مشكلة ،،المهم دخلوا العربية وبعد ماعملوا التكييف وخرجت بصيت عليها مالقيتهاش !!! سالت مهندس التقفيل انت فكيت الفانوس وخرجتها قاللى لا، قلتله طيب خرجتها ازاى ودخلت منين قاللى معرفش هى فين هى خرجت ازاى وقعدوا يسالوا بعض بردو نفس الاسئلة الغبية دى انا مابقيتش عارف المفروض انا اللى اجاوب على الاسئلة ولا هما عموما انا كنت قرفان يوميها ومرضيتش اوجع دماغى معاهم عشان كنت على ااخرى

[damasry]

الحمدلله على اصلاح العطل فى العربية وفعلا مكنش يصح انك تسكت على شكوى المهندس اللى اتكلم معاك بطريقة مش كويسة.

انت رايح تاخد خدمة دافع تمنها (تمن الضمان) يبقى المفروض تتعامل بالطريقة اللى تراضيك.

[abohend]

دي حاجة مهمة

صحيح نسيت اقولكوا حاجة اغرب ،
فى دبانة دخلت الفانوس الشمال !!!! مش عارف ازاى !! وريتهالهم فى التوكيل عملوا نفسهم هنود وقعدوا يلفوا حوالين الفانوس ويسالوا بعض هى دخلت ازاى ، انا قلتلهم كدة الفانوس فيه فراغ فى مكان ما ممكن يدخللى ميه او تراب وبعد كدة الفانوس يبوظ ،! قالولى لا استحالة يكون مفتوح ،وبلا بلا بلا ، قلت ماشى انا عايز اعرف دخلت ازاى عشان كدة فى مشكلة ،،المهم دخلوا العربية وبعد ماعملوا التكييف وخرجت بصيت عليها مالقيتهاش !!! سالت مهندس التقفيل انت فكيت الفانوس وخرجتها قاللى لا، قلتله طيب خرجتها ازاى ودخلت منين قاللى معرفش هى فين هى خرجت ازاى وقعدوا يسالوا بعض بردو نفس الاسئلة الغبية دى انا مابقيتش عارف المفروض انا اللى اجاوب على الاسئلة ولا هما عموما انا كنت قرفان يوميها ومرضيتش اوجع دماغى معاهم عشان كنت على ااخرى

دي حاجة مهمة يا جولد
متنسهاش و شيك عليها في أقرب فرصة
توقعك في محله
و الفراغ اللي يدخل دبانة يدخل تراب و ميه أكيد
و لو الفانوس لا قدر الله باظ هيقولولك منعرفكش
بس السؤال بقى هتدخل دبانة تانية جوة إزاي عشان توريهم العيب؟؟؟

[goldfinger2]

دي حاجة مهمة يا جولد
متنسهاش و شيك عليها في أقرب فرصة
توقعك في محله
و الفراغ اللي يدخل دبانة يدخل تراب و ميه أكيد
و لو الفانوس لا قدر الله باظ هيقولولك منعرفكش
بس السؤال بقى هتدخل دبانة تانية جوة إزاي عشان توريهم العيب؟؟؟

ياباشا الدبان كتيييير،،،، انا بفتح الشنطة ربع ساعة بس فى الشمس والدبان عارف طريقه ياكبير ، دى مش محتاجة ياعنى !

[ahmedz310]

قدر الله وماشاء فعل والحمدلله انها اتصلحت في الضمان حاول تسمتع بالعربيه وربنا يبعد عنك وعنها العين
ويبقي السؤال المحير : السرابنتينه اتخرمت ازاي??? والدبانه دخلت ازاي ???

[mahmed0100]

احنا نمسك دبانه و نعذبها و هي حتعترف بكل تفاصيل عمليه اقتحام الفانوس و حتعترف انها بالتعاون مع نمله متوحشه انهم خرموا السربنتينه :)))

روق كده يا جولد و ان شاء الله بسيطه .. تقريبا ده نوع جديد من الحسد عليك انك قافل من العربيه و مضايق منها .. هدي نفسك كده و انسي الحاجات البسيطه دي و استمتع بقياده الاسد الفرنسي :)
ربنا يبارك ليك فيها

[goldfinger2]

احنا نمسك دبانه و نعذبها و هي حتعترف بكل تفاصيل عمليه اقتحام الفانوس و حتعترف انها بالتعاون مع نمله متوحشه انهم خرموا السربنتينه :)))

روق كده يا جولد و ان شاء الله بسيطه .. تقريبا ده نوع جديد من الحسد عليك انك قافل من العربيه و مضايق منها .. هدي نفسك كده و انسي الحاجات البسيطه دي و استمتع بقياده الاسد الفرنسي :)
ربنا يبارك ليك فيها

ههههههه والله فكرة ، والله انا مابقيتش عارف اعمل ايه اخبى العربية من عين الناس ازاى ،،
ربنا يبعد عننا الحسد جميعا يارب ويبعد عننا النفوس المريضة

[mahmed0100]

ههههههه والله فكرة ، والله انا مابقيتش عارف اعمل ايه اخبى العربية من عين الناس ازاى ،،
ربنا يبعد عننا الحسد جميعا يارب ويبعد عننا النفوس المريضة

امين يا رب :)

[Ahmed Amin]

الحمد لله ياجماعة انا رحت التوكيل ، واستقبالى كان غير مرضى حسسونى انى عامل عملة،بعد حوالى 3ساعات من دخول العربية المهندسين سالونى اذا كنت اتخبطت بيها ،او حد ريح على العربية او حد خبطها وهى راكنه، طبعا كل دة محصلش لان العربية مافياش خدش وقالتلهم يتاكدوا بنفسهم ،، وعرفت ساعتها ان السربنتينة اتخرمت وفضت الفريون ، لكن محدش رضى يعرفنى سبب الخرم ايه كلهم مندهشين ، فى مهندس منهم قولتله ما ممكن تكون عيب صناعة مش بالسهولة السربنينة تتخرم !! واكدلى انها هاتتغير فى الضمان ، وفعلا مادفعتش حاجة .بس العربية خدت اربع ساعات جوة
انا بشكر خدمة عملاء بيجو على الاهتمام واتمنى طبعا تكون المقابلة احسن من كدة اللى بيبقى جاى التوكيل وعربيته عطلانه بيبقى فيه اللى مكفيه ، ومالاقيش مهندس بيقوللى هوفى حد بيشغل التكييف دلوقتى!!!!!!
ربنا يكملها علينا بالستر ويبعد عننا العين

أولاً ألف مبروك علي تغير السربنتينه في الضمان,
وثانياً هيا فعلاً لو أتخرمت من الجهة الأمامية بسبب زلطة المفروض دي متتغيرش في الضمان وتعتبر من الحوادث والضمان لا يغطيها,,
زي ما قال الزميل دا,

لو زلطة فعلا خبطت في السربنتينة
في الضمان من انهي اتجاه ؟
هو من امتي الحوادث و السرقات (ربنا يبعدها عننا جميعا) في الضمان ؟
الضمان اسمه ضد عيوب الصناعة مش ضد ال***** بتوع النقل و المكروباص و أمثالهم

لكن طالما كانو مقدروش يعرفو العيب منين,
وكان مفيش أثر من خرم زلطة من الأمام فأنت حظك حلو وربنا بيحبك عشان تتغير لك في الضمان علي أساس أنو عيب في السربنتينة نفسها,
وهيا فعلاً تمنها من غير التركيب وشحن الفريون حوالي 2000 وشوية,
ودي فعلاً تعتبر نقطة كويسة في حقهم برضة تغيرها لك في الضمان من غير ما يشحنوها لك وتجرب أو يلحموها,

والغياب اللي هما غابوة ممكن يكون عشان كانو بيدورو علي المكان اللي أتخرمت منه السربنتينه وهربت الفريون بتاعها.
بس لعله خير ليك في الأخر أنها أتغيرت لك بدون تكلفة.
وربنا يستر طريقك وطريقنا كلنا, ويبعد عنك شر العين,,
ونصيحة مني أأمن علي العربية أول سنة علي الأقل.

[Ahmed Amin]

صحيح نسيت اقولكوا حاجة اغرب ،

فى دبانة دخلت الفانوس الشمال !!!! مش عارف ازاى !! وريتهالهم فى التوكيل عملوا نفسهم هنود وقعدوا يلفوا حوالين الفانوس ويسالوا بعض هى دخلت ازاى ،

انا قلتلهم كدة الفانوس فيه فراغ فى مكان ما ممكن يدخللى ميه او تراب وبعد كدة الفانوس يبوظ ،! قالولى لا استحالة يكون مفتوح ،وبلا بلا بلا ، قلت ماشى انا عايز اعرف دخلت ازاى عشان كدة فى مشكلة ،،المهم دخلوا العربية وبعد ماعملوا التكييف وخرجت بصيت عليها مالقيتهاش !!! سالت مهندس التقفيل انت فكيت الفانوس وخرجتها قاللى لا، قلتله طيب خرجتها ازاى ودخلت منين قاللى معرفش هى فين هى خرجت ازاى وقعدوا يسالوا بعض بردو نفس الاسئلة الغبية دى انا مابقيتش عارف المفروض انا اللى اجاوب على الاسئلة ولا هما عموما انا كنت قرفان يوميها ومرضيتش اوجع دماغى معاهم عشان كنت على ااخرى

يلهوي أنا وقعت من الضحك لما قريت الكلام دا,,
دي في الغالب كانت دبانة من أسبانيا ياريس,,
يأما في لما دخلت مصر كان ضهر الفانوس فيه فيه غطا بلاستيك دا بيتفك بسهوله وبيتركب,
ممكن يكون كان واقع وحد ركبه لما دخلت العربية مصر عشان كدا الدبانة دخلت جوا,
لأن الفانوس لو كان فيه فراغ زي مانت متخيل كان هيدخلك مية وهيصفر وهيقرفك جداً.

بس وصفك بالكلام هلكني ضحك بجد,, روح يا شيخ,, وتعالي بسرعة..

[د.عماد صلاح]

حضرتك ممكن تطلب تعويض ...عشان ضيعوا الدبانه طبعا
....مبروووك علي التصليح و عربيه ممتازه ال 301 ...ربنا يبارك لحضرتك فيهاا