مقبل علي شراء سياره جديده

[limo81]

السلام عليكم
في البداية كده اخوكم ناوي يجيب عربيه ومحتار، انا كان معايا نيسان صني 2013 الشكل الجديد بعد ما نزلت بشهرين تلاته وبعتها لاني سافرت تبع الشغل بره مصر سنه وراجع ان شاء الله كمان شهر ومحتار بقي بين النيسان والشهادة لله كانت حلوه معايا ومكانش فيه حكايه صوت الفرامل اللي الناس كانوا ولا يزالون بيتكلموا عنها مع اني كنت مشتريها من بدايتها وللامانه انا كنت راكب 128 قبلها فدي كانت بالنسبة لي كده تقدر تقول مازيراتي كواتروبورتي بقلب جامد
وللامانه برضه اول ما نزلت البيجو 301 زغللت عيني وقلت لو كنت صبرت شويه واهي جت من عند ربنا ورجعنا للبدايه
المهم رأيكم ايه يا وحوش نيسان تاني ولا بيجو اسباني :)ههههه

في نفس الوقت فكرت ف شراء حاجه مستعمله تقضي الغرض في ظل حاله البلد الامنيه و دوخت الاخ (saddam) معايا من كتر الاسئله والراجل الحقيقة ما تأخرش عليا وما زهقش

ايه رأيكم ادام الله فضلكم ،،،

[Mohamed 555]

و الله انا كنت دايخ زيك كده و كنت محتار بين النيسان صني و البيجو بس بعد بحث و تدقيق و نصايح من الناس هنا انا حجزت البيجو 301 و هي حلوه و حسيت ان الخامات بتاعتها من جوه اجود من النيسان رغم اني شايف ان النيسان حلوه و شكلها مش وحش و كنت حجيبها بس اللي خوفني كلام الناس عن الثبات و الصاج الضعيف و موضوع الفرامل و الكلام ده...

[smsm2004w]

يا باشا حمد الله على السلامة رجوعك لمصر
البيجو بدون تفكير وده مش علشان انا حاجزها . انا كنت حاجز قبلها النيسان سوبر صالون البيجو افضل بكل المقاييس فرق السما والأرض مينفعش تتقارن بيها من الأساس شكل ومضمون وخامات داخلية وصاج خارجى وقطع غيار . ولو بتفكر تجيب البيجو وامكانياتك تسمح جيب الهاى لاين مش هتندم ولا هتحتاج تجيب حاجة بعد كدة كل اللى بتتمناه هيكون موجود فيها بإذن الله ولو الأمكانيات متسمحش جيب المانيوال انا فى راى الشخصى انهم افضل فئتين فى العربية دى المانيوال والهاي لاين وربنا يوفقك للأصلح

[J A G U A R]

بيجو طبعا افضل من النيسان ويا سلام لو هاى لاين

[limo81]

ما انا بقول لحضرتك "انا خريج 128" فكانت مرضيه بالنسبة لي، يمكن لناس تانيه ساقت عربيات اعلي تكون وحشه
بس بصراحه انا شفتها في معرض... أفخم من نيسان جوه وبره كانت معايا بقي وحافظ تفاصيلها
المهم ما هو بعد لاني مش من هواه التغيير، كانت ظروف فقط

[ABOMO3AZ HASBO]

بيجو طبعا كفايه انها مش تقفيل. مصرررررررررررررري

[abohend]

كنت في نفس موقفك

أنا كنت في نفس موقفك من شهرين
و بعد متابعة جيدة للمنتدى و آراء الملاك (بيجو و نيسان) قررت أحجز البيجو
حتى الآن مستلمتش و طول فترة الحجز خلاني أفكر أشتري النيسان و رحت معرض أباظة و ركبت النيسان...و الله العظيم مفيش وجه للمقارنة من الأساس
روح أركب الأتنين و هتلاقي نفسك بتاخد القرار بسهولة
لكن لو سمعت رأي كام واحد من كبار السن (النيسان يبني....اللي نعرفه أحسن من اللي منعرفوش...قطع الغيار...إعادة البيع...الصيانة...التوكيل) ممكن يلفلك دماغك

إعزل نفسك عن المؤثرات الخارجية و أركب العربيتين فالمصرية أو سمير ريان أو غيرهم هتلاقي نفسك إخترت

و ربنا يوفقك للأصلح

[limo81]

آمين، ويوفقنا جميعا
ويصلح حال البلد

[smsm2004w]

ما انا بقول لحضرتك "انا خريج 128" فكانت مرضيه بالنسبة لي، يمكن لناس تانيه ساقت عربيات اعلي تكون وحشه
بس بصراحه انا شفتها في معرض... أفخم من نيسان جوه وبره كانت معايا بقي وحافظ تفاصيلها
المهم ما هو بعد لاني مش من هواه التغيير، كانت ظروف فقط

وانا والله العظيم كان معايا 128 ولسة بايعها اول الشهر كانت زيرو كنت جايبها من سنة 1992 جراند لوكس وجبت عليها بيجو 405 وبعتها وفضل معايا 128 ومع ذلك قررت احجز بيجو 301 هاي لاين بعد ما شوفتها ودخلتها فى مقارنة مع النيسان اللى كنت حاجزها بالعافية وبحمد الله انى مستلمتش النيسان كان زمانى بعيط على الفلوس اللى دفعتها فيها

[Yousef.Kamel]

البيجو رائعه بحق

[saddam]

السلام عليكم
في البداية كده اخوكم ناوي يجيب عربيه ومحتار، انا كان معايا نيسان صني 2013 الشكل الجديد بعد ما نزلت بشهرين تلاته وبعتها لاني سافرت تبع الشغل بره مصر سنه وراجع ان شاء الله كمان شهر ومحتار بقي بين النيسان والشهادة لله كانت حلوه معايا ومكانش فيه حكايه صوت الفرامل اللي الناس كانوا ولا يزالون بيتكلموا عنها مع اني كنت مشتريها من بدايتها وللامانه انا كنت راكب 128 قبلها فدي كانت بالنسبة لي كده تقدر تقول مازيراتي كواتروبورتي بقلب جامد
وللامانه برضه اول ما نزلت البيجو 301 زغللت عيني وقلت لو كنت صبرت شويه واهي جت من عند ربنا ورجعنا للبدايه
المهم رأيكم ايه يا وحوش نيسان تاني ولا بيجو اسباني :)ههههه

في نفس الوقت فكرت ف شراء حاجه مستعمله تقضي الغرض في ظل حاله البلد الامنيه و دوخت الاخ (saddam) معايا من كتر الاسئله والراجل الحقيقة ما تأخرش عليا وما زهقش

ايه رأيكم ادام الله فضلكم ،،،

صديقي المواطن
قولا واحدا
ولا حزهق منك ووراك وراك حتى تكون أنت مطمئن وسعيد فأنا في خدمة كل اﻷعضاء الكرام
وحيث أنه لا ينفع الهزل ساعة الجد
فتتركك من التخيلات واﻷوهام دي نيسان صني عربية ممتازة لكنها لا تقارن بالرفيقة المناضلة بيجو 301 وعليه بكره تسمعي إنك حاجز وحده وترجع تهزر معانه تاني لما تنوي تغير بعد سنتين تلاته لعربية أفخم إن شاء الله

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[limo81]

صديقي المواطن
قولا واحدا
ولا حزهق منك ووراك وراك حتى تكون أنت مطمئن وسعيد فأنا في خدمة كل اﻷعضاء الكرام
وحيث أنه لا ينفع الهزل ساعة الجد
فتتركك من التخيلات واﻷوهام دي نيسان صني عربية ممتازة لكنها لا تقارن بالرفيقة المناضلة بيجو 301 وعليه بكره تسمعي إنك حاجز وحده وترجع تهزر معانه تاني لما تنوي تغير بعد سنتين تلاته لعربية أفخم إن شاء الله

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

والله كفايه ذوقك وكلامك الجميل
وجزاك الله كل خير، ودمتم انتم للنضال مع اعضاء المنتدى الكرام

[ادهم صبرى 2014]

ستروين سى اليزية تستحق الاقتناء ....