ندمان على حجز بيجو 301

[محمد اسلام]

فى البداية احب ارحب بكل الاصدقاء ... وعايز اخد رأيكم .... انا الحمد لله تخلصت من نيسان صنى بعد عناء ... فقد كانت اول سيارة لى هى نيسان صنى الشكل القديم وعانيت من ضيق صالونها واستهلاكها العالى للبنزين ، وبعد نزول الشكل الجديد من الصنى قررت اشتريها بسبب سمعة شركة نيسان ولكن اخدت اكبر مقلب فى حياتى بسبب عيوب التقفيل المصرى وضعف صاجها فاخذت قرارى وبعتها بالخسارة .... وسمعت عن امكانيات بيجو 301 فى هذا المنتدى وذهبت لتوكيل بيجو بصلاح سالم وحجزت اول فئة اوتوماتيك من شهر .... وبعدين قابلت واحد صاحبى معاه ستروين سى اليزية اول فئة اوتوماتيك عجبنى جدا شكلها وامكانياتها وسعرها وذهبت معاه الى صيانة الاف كيلو بمركز خدمة عز العرب فى ابو رواش بصراحه لاقيت هناك المعاملة كويسه جدا والصيانه كمان مجانا وسألت عن قطع غيارها لاقيت انها متوفرة ، وبعد ما رجعت من مشوار الصيانه ده حاسس بالندم انى هادفع اكتر من صاحبى وكمان هاستنى مدة الحجز وفوق كل ده سى اليزية عاجبنى جدا شكلها .... يا ترى ايه رأيكم ؟؟؟؟؟؟

[amrelsaqqa]

مفيش حاجة تستحق الندم ، تقدر تسحب فلوسك في اي وقت من بيجو وتجيب الاليزيه ، اعتبر نفسك ما حجزتش وفكر تانى عادى جدا ، بس بردو ارجع اقول البيجو اللى هتنتشر اكتر ، واه هم هم في القطع الداخلية والعفشة بس القطع الخارجية مهمة بردو ، واكيد بعد سنتين مثلا ، لما تحتاج حاجة لعربيتك وتنزل الحرفيين مهما كان انتشار الاليزيه مش هيبقى زي البيجو ، ده واقع في السوق عندنا ، وفعلا من دلوقتى واضح جدا حجز البيجو وعدد عربيات البيجو اللى ماشية في الشارع اضعاف الستروين
بس اولا واخيرا ، القرار ليك ، وانا لو مكانك هجيب اللى انا حاببها اكتر لو فعلا مش هبقى متقبل التانية ، مش هبقى نفسى في الاليزيه واجيب البيجو وكل ما ابصلها بعد كدة اندم ، لا انت فيها ، بس فكر كويس اوى

[Mohamed 555]

اسحب فلوسك و روح اشتري السي اليزيه و هي هي نفس البيجو و عربية كويسة جدا برضو

[Hema_Basha]

انا زيك بالظبط كنت فكرت في الاليزيه ورجعت بعد كده غيرت للبيجو لان الاتنين هما هما من الداخل بس في الشكل الخارجي الاتنين مخلفين شوية وده لصالح الستروين ولقيت وبسم الله ماشاء الله العربية روعة ومعايا من شهر 7 ومزعلتنيش في حاجة والاهم من ده كله ان لحد دلوقتي انا مشوفتش غير عربيتين اليزيه وده في مقابل اني شوفت كمية البيجو الرهيبة في اي محافظة انا بروحها وده طبعا هيفرق كتير جدا في انتشار قطع الغيار وسعر اعادة البيع
وانت فكر وخد راحتك والقرار في الاول والاخر ليك وربنا يوفقك ور

[Hema_Basha]

انا زيك بالظبط كنت فكرت في الاليزيه ورجعت بعد كده غيرت للبيجو لان الاتنين هما هما من الداخل بس في الشكل الخارجي الاتنين مخلفين شوية وده لصالح الستروين ولقيت وبسم الله ماشاء الله العربية روعة ومعايا من شهر 7 ومزعلتنيش في حاجة والاهم من ده كله ان لحد دلوقتي انا مشوفتش غير عربيتين اليزيه وده في مقابل اني شوفت كمية البيجو الرهيبة في اي محافظة انا بروحها وده طبعا هيفرق كتير جدا في انتشار قطع الغيار وسعر اعادة البيع
وانت فكر وخد راحتك والقرار في الاول والاخر ليك وربنا يوفقك ور

[lad]

خليك فى البيجو

[smsm2004w]

وليه الندم انت لسه على البر ممكن تلغى الحجز وتجيب الستروين وكمان تسليم فورى بس متزعلش بعد كده لكن كلامى مش معناه ان الستروين وحشة بس انا بقول ان البيجو انتشرها افضل والقطع الخارجية بتاعتها هتلاقيها بعد كدة فى كل حته

[MuhamedNabil]

ارشحلك البيجو عن الستروين لشوية اسباب

- مراكز صيانة بيجو المعتمدة اكتر بكتير من ستروين
- قطع الغيار فى البيجو حتكون متوفرة اكتر من الستروين و ارخص خصوصا فى الاجزاء الخارجية الفيها اختلاف.
- الورش الخارجية البتشتغل فى البيجو اكتر مع انهم نفس العربية بس لما انت بتكون راكب السيتروين ممكن تقلق تروح لواحد شغال فى البيجو و تستبعده .
- اعتقد ان بسبب الحجات دى ممكن يكون ليها انعكاس سلبى على سعر اعادة البيع فى الستروين.

[mhkorayem]

فقد كانت اول سيارة لى هى نيسان صنى الشكل القديم وعانيت من ضيق صالونها واستهلاكها العالى للبنزين

الصني دي كانت موديل كام يا باشا

[J A G U A R]

رايي البيجو علشان انتشارها

[Yousef.Kamel]

اعمل استخاره وتوكل على الله

[abohend]

ندم!!!!

يا عم إنت مكبر الموضوع ليه
لا ندم و لا بتاع
بدل عاجباك السيتروين أكتر توكل على الله و روح إشتريها
و بالعكس ممكن تجيبها فوري بنفس سعر حجز البيجو فالتوكيل يبقى أنت الكسبان
بدل السيتروين عاجباك أكتر...إنسى موضوع الإنتشار و التوكيل و الكلام ده و إشتري اللي يعجبك
أصحاب الميزانيات المحدودة زينا مبيغيرش عربية كل يوم..إركب اللي على مزاجك مش على مزاج السوق
لكن لو العربيتين بالنسبة ليك ميفرقوش يبقى إشتري البيجو

[medori]

يا فندم العربيتين هما حاجة واحدة بالضبط مع اختلاف شكل الفوانيس و حاجات بسيطة في الشكل الخارجي، قطع الغيار للعربيتين هي هي مش هيبقي فيها مشكلة ان شاء الله و القطعة اللي بتنزل هتلاقيها نازل عليها لوجو بيجو و ستروين لان الانتنين جروب واحد. انتا بتشتري فرق توكيل بال٥ او ٦ الاف و بتشتري اعادة بيع اسهل حاجة بسيطة في صالح البيجو نتيجة سمعتها و انتشارها الاحسن. انا عن نفسي مفكرتش في الستروين خالص بسبب عز العرب. حضرتك فكر شوية كمان و استخير ربنا و ربنا يوفقك للاصلح إن شاء الله

Sent from my MyTouch 4G Slide using Forum Runner

[mohamed hussei]

خلاص ياباشا مديقش نفسك روح احجز ستروين وتوكيل مش وحش للدرجة دية اكيد مش هيعامل بتوع ستروين زي بروتون (احترامي لملاك بروتون)

[Amgad A.alim]

اقتنى بيجو ... اقتنى الذهب

إقتنى بيجو ... إقتنى الذهب