بيجو ٣٠٨ ٢٠١٤ .. الاسد الرابح في سوق الهاتشباك ٢٠١٤

[Marwan yahya]

من التوكيل رأسا .. تحديد الاسعار ومواصفات الفئات خلال الاسبوع القادم ... وتأكيد ظهور السيارة في معرض اوتوماك !!

هو المعرض امتى ؟؟؟

[Eng.Sameh]

هو المعرض امتى ؟؟؟

من 13 الى 18 مارس

[khaled458]

انا مستنيها بقالي كتير عشان خايف من فتيس الليون.

[Eng.Sameh]

انا مستنيها بقالي كتير عشان خايف من فتيس الليون.

يا باشا حتى لو مش خايف من فتيس الليون ... ال ٣٠٨ افضل بكتييييير في رأيي من الليون ، الأتنين من بره تحفه .. بس من جوه ، البيجو افضل مييييت مره من الليون كجودة وخامات وتصميم وتكنولوجي ... موتور ال ٣٠٨ المفروض هيبقى اقوى من الليون ( بس لسه اما نتأكد انه نازل thp ) ..

ما زلت عند رأيي ... ال ٣٠٨ أفضل هاتسباك في ٢٠١٤

[Mohamed Elnagar]

ايه العلاقة ساعدتك ؟ :)

انتم بتتكلموا علي عربيات hatchback. المتوفره في السوق المصري... وليس بها اي عيوب ولا فتيس ولا ماتور

فكان الكلام ان Peugeot الجديده يعني هي الحصان الرابح الوحيد حاليا فقولت auris موجوده في المعادله ذات السقف البانورامي وتسخين الكراسي والاوتو بارك والاوبشن الغزير التاني.....

وعلي العموم Peugeot نازله وهنشوف مبيعاتها وانتشارها في الشارع اللي اظن انه مش بيتقبل العربيات من النوع ده بسهوله لان بتخسر لما تبيع كتير... وبالذات انها hatchback.

عرفت ايه العلاقه^o^

[Eng.Sameh]

انتم بتتكلموا علي عربيات hatchback. المتوفره في السوق المصري... وليس بها اي عيوب ولا فتيس ولا ماتور

فكان الكلام ان Peugeot الجديده يعني هي الحصان الرابح الوحيد حاليا فقولت auris موجوده في المعادله ذات السقف البانورامي وتسخين الكراسي والاوتو بارك والاوبشن الغزير التاني.....

وعلي العموم Peugeot نازله وهنشوف مبيعاتها وانتشارها في الشارع اللي اظن انه مش بيتقبل العربيات من النوع ده بسهوله لان بتخسر لما تبيع كتير... وبالذات انها hatchback.

عرفت ايه العلاقه^o^

اه عرفت :)

بس يمكن انا مش عجباني اصلا ال Auris دي خالص وشايفها بره المعادلة من اساسه ..

موضوع ان الهاتشباك بيخسر اكتر ده قدييييم اوي .. كله بقه بيخسر عادي :)

عموما لو قريت مراجعات عنها .. هتعرف انها متوقع لها انها تكون من افضل العربيات في فئتها في اعادة البيع

"And industry analyst CAP is predicting the 308 will have among the highest residual values in its segment which is another bonus for fleet managers driven by ever-decreasing budgets."

Peugeot 308 Review (2014)

[Mohamed Elnagar]

الخساره في كل العربيات... لا جديده... مش كل العربيات السيدان بتخسر لما بتيحي تبيع

-الكلام اللي انت كاتبه ممكن يكون بره لكن جوا مصر... هنشوف المبيعات

[Marwan yahya]

بس حضرتك ناسي برضه الرينو ميجان هاتشباك عربية محترمة برضه وفي نفس الفئة دي
انا من ساعة مانزلت البيجو ٣٠٨ وانا موهوم بيها من شكل لامكانيات بس هو التحكم فيها من جو كله عن طريق شاشه اللمس دي لكل فئات العربية ؟!! هي على قد ما هي حاجة محترمة اوي وتحس ان العربية مسابقة زمانها بس الواحد خايف برضه من عدم عمليتها في الحياة اليومية
انا مستنيها تنزل بفارغ الصبر عشان اشوف حجيبها هي ولا الميجان بعد ماخرجت الليون رغم حبي الشديد ليها بس خوفي من dsg كان اكبر

[Marwan yahya]

من 13 الى 18 مارس

يامسهل هانت خلاص ..شكرا لحضرتك

[khaled_afandy]

معتقدش انها هتنزل دلوقتي .. لأنها لسه نازل بره الشهر ده ويمكن لسه متباعتش بره اصلا ..

الكلام المؤكد على الهاتشباك فقط

شكرا على المعلومة

كده كده حأستناها غالبا لأنى محتاج عربية 6 راكب و الموجود سيئ جدا

[khaled458]

بس حضرتك ناسي برضه الرينو ميجان هاتشباك عربية محترمة برضه وفي نفس الفئة دي
انا من ساعة مانزلت البيجو ٣٠٨ وانا موهوم بيها من شكل لامكانيات بس هو التحكم فيها من جو كله عن طريق شاشه اللمس دي لكل فئات العربية ؟!! هي على قد ما هي حاجة محترمة اوي وتحس ان العربية مسابقة زمانها بس الواحد خايف برضه من عدم عمليتها في الحياة اليومية
انا مستنيها تنزل بفارغ الصبر عشان اشوف حجيبها هي ولا الميجان بعد ماخرجت الليون رغم حبي الشديد ليها بس خوفي من dsg كان اكبر

انا نفس الكلام في الليون بس الميجان روحت شوفتها في التوكيل مفيش مقارنة في الشكل و التكنولوجيا خصوصا لو قارنا بالليون هايلاين اللي فيها full leds تجنن و اوبشنز بالعبيط لو بس كان فيها ضمان عدل علي الفتيس.
مقدمناش غير البيجو.

[Eng.Sameh]

بس حضرتك ناسي برضه الرينو ميجان هاتشباك عربية محترمة برضه وفي نفس الفئة دي
انا من ساعة مانزلت البيجو ٣٠٨ وانا موهوم بيها من شكل لامكانيات بس هو التحكم فيها من جو كله عن طريق شاشه اللمس دي لكل فئات العربية ؟!! هي على قد ما هي حاجة محترمة اوي وتحس ان العربية مسابقة زمانها بس الواحد خايف برضه من عدم عمليتها في الحياة اليومية
انا مستنيها تنزل بفارغ الصبر عشان اشوف حجيبها هي ولا الميجان بعد ماخرجت الليون رغم حبي الشديد ليها بس خوفي من dsg كان اكبر

لا يا باشا مش ناسيها ... بس هي من وجهة نظري بره المعادلة .. مفيش فيها حاجة مميزة ، من بره شكلها عادي يتبع المدرسة القديمة في التصميم ومفيهاش التميز في الشكل الخارجي اللي في البيجو والليون ( في معظم التقييمات دول المتنافسين في الشكل الخارجي ) ده غير الامكانيات ومستوى الجودة اللي حصل فيه قفزة غير مسبوقة بيتحاكو بيها في كل الريفيوهات فيها في الفئة دي ، ولا ينافسها الا اللي البيجو متفردة A3 و A Class ... الليون على فكره بتلعب مع البيجة في الشكل الخارجي فقط ، لكن من جوه الليون رغم جودتها المعقولة ، بس اقل بكتير من انها تتقارن بالبيجو ..

هو بس واضح ان الناس فاكره ان ده شكل جديد للبيجة ٣٠٨ وخلاص .. بس الواقع ان دي عربية جديدة تماما مفيش علاقة بينها وبين اللي فاتت غير الاسم ..

أنا قريت معظم الريفيوهات وشوفت معظم الفيديوهات بتاعتها ، ومقارنات وغيره لدرجة اني بقيت حافظ كل حاجة في العربية من كتر اعجلبي بيها ... وان شاء الله هتتأكدوا من كلامي لما تشوفوها في المعرض ...

[Marwan yahya]

انا مع حضرتك في اللي قولته بس على فكرة الفيس ليفت بتاع الفلونس وصل للميجان خلاص وانا سالت قالي هينزل خلال شهر
البيجو عربية محترمة جدااا وانا مستينها بفارغ الصبر بس يارب الاسعار متطلعش محبطة وتضرب في العالي

[Marwan yahya]

انا نفس الكلام في الليون بس الميجان روحت شوفتها في التوكيل مفيش مقارنة في الشكل و التكنولوجيا خصوصا لو قارنا بالليون هايلاين اللي فيها full leds تجنن و اوبشنز بالعبيط لو بس كان فيها ضمان عدل علي الفتيس.
مقدمناش غير البيجو.

عندك حق انا خايف بس من السعر وربنا يسهل انا بقالي مستنيها كتييييير

[ahmzd]

بيجو 308 الجديدة .. حكاية فعلا .. يا رب السعر يكون معقول .. وأنا متفائل إن البيجو بيسترد عرشه ومكانته في مصر.