استفسار هام عن بيجو

[Amgad A.alim]

الزملاء الأعزاء بالمنتدى
السلام عليكم ورحمة الله
مبدئياً أنا مقتنع بسيارات بيجو بالرغم من بعض الأقاويل عنها
ولكن قرأت خبر على إحدى المنتديات المغربية أود التأكد منه للعلم ليس أكثر
وهو أن السيارات الفرنسية ممنوعة من دخول الولايات المتحدة لعدم مطابقتها للمعايير المعمول بها هناك

أرجو الإفادة
ولكم جزيل الشكر

وفى النهاية

إقتنى بيجو ... إقتنى الذهب

[mohamed hussei]

متابع

[amrelsaqqa]

كذا سبب منهم ان بيجو لحد قريب جدا كان اغلب موديلاتها صغيرة والنوع ده من العربيات مش مناسب ولا موجه للسوق الامريكى ، كل سوق وليه طبيعته ، العربيات زي 207 و حتى 307 مش مناسبة للسوق الامريكى

كمان من ناحية عوامل الامان وده مش معناها ان البيجو غير امنة ولكن المقاييس نفسها مختلفة
على سبيل المثال المقاييس الامريكية بتقول الازاز لما يتكسر لازم يتفرفت 100 حتة ، المقاييس الاوروبية بتقول الازاز يتكسر او يتشرخ ويفضل في مكانه

بيجو مش مستهدفة اصلا السوق الامريكى لان 50% من حجم البزنس بتاع بيجو شغال على مواتير الديزل اللى هى اصلا مالهاش اي رواج في امريكا! وفي نفس الوقت السوق الامريكى كبير جدا والمنافسة فيه كبيرة


الاسباب كتير في منها الاقتصادية والسياسية والتسويقية البحتة ، ومش بالضرورة تعنى شيء ما للعربيات نفسها
يعنى مش معقول مثلا ان هيونداى موجودة في امريكا وبيجو لا عشان هيونداى احسن من بيجو كعربية !

نفس فكرة ان تويوتا كامري مش بتبيع في اوروبا الغربية ، ولكن بتبيع كويس جدا في الخليج وامريكا والى حد ما في اوروبا الشرقية
في رأيي هى سياسات استهداف الاسواق واحتياجاتها وبزنس الماركت شير لا اكثر ولا اقل

[ضى القمر]

عادى حسب طبيعة السوق

[Amgad A.alim]

شكراً

أ/ عمرو السقا
ألف شكرعلى التوضيح

وبالتوفيق دائماً إن شاء الله